Jeremia 52:9 - Tshwa Bible

⁹ Zonake va lo khoma a hosi va yi yisa ka hosi ya le Babuloni le Ribla, a tikweni ga Hamate, a ya mu lamulela kona.

Jeremia 52:9 ပူးပေါင်းရင်းမြစ်များ

1 Tihosi 8:65

Ka xwalexo xikhati Solomoni ni va ka Israeli vontlhe va lo maha mubuzo; a hlengeletano wa hombe lowu wu humako kusukela tlhelo ga le Hamate kala le xicongwaneni xa le Gipite, va lo tsombana mahlweni ka Jehova Nungungulu wa hina 7 wa masiku, ni manwani 7 wa masiku, ma maha 14 wa masiku.

2 Tihosi 23:33

Faro-Neko i lo mu khotsela le Ribla, a tikweni ga Hamate, lezaku kasi a nga fumi le Jerusalema; zonake i lo leletela lomu tikweni ga ka Juda lezaku va neha a nzhuvo wa 100 wa titalenta ta siliva, ni talenta yinwe ya nzalama.

2 Tihosi 25:6

Zonake va lo khoma a hosi va yi yisa ka hosi ya le Babuloni le Ribla, yi ya lamulwa leyo.

2 Kronekele 33:11

Hikwalaho Jehova i lo va nehela vanhu va ta va vukela, ti nga tinduna ta tiyimpi ta hosi ya Assiria, ti ta khoma Manasa, ti mu boha hi mangenje ya suku, va mu yisa le Babuloni. Deut. 28:36; 2 Tih. 20:17

2 Kronekele 8:3

Solomoni i lo ya hlasela le Hamate-Zoba, a va khozisa.

Jeremia 21:7

Anzhako ka lezo, ku wula Jehova, nzi ta nyikela Zedekia, a hosi ya ka Juda, ni malanza yakwe, zinwe ni vanhu lavo va ta ngava va ponile ntungu a mutini lowu, ni ku pona a supado ni ndlala, nzi va nyikela canjeni ga Nebukadrezzare hosi ya Babuloni, ni canjeni ga valala vabye ni ga lava va hlotako wutomi gabye. Yena i ta va lamata hi supado, a nga ta va nyenyeletela, hambu a ku va zwela, hambu ni kuva ni tipswalo havona.

Jeremia 39:5

Kanilezi a yimpi ya maKaldea yi lo va hlongolisa, vaya kamanyeta Zedekia le minkoveni ya Jeriko, va mu yisa ka Nebukadrezzare hosi ya Babuloni, le Ribla a tikweni ga Hamate, a ya lamuliwa kona.

Mikosi 4:20

Loyi a totilweko hi Jehova, loyi a nga hi kuhefemula ka hina, i phasilwe marinzini yabye; Loyi hi nga wula ha yena hiku: Hi ta hanyela nzhutini wakwe xikari ka matiko. 2 Tih. 25:5

Ezekieli 11:10

Mu ta dawa hi supado; nzi ta mu lamula mbhinganweni wa tiko ga Israeli; mu ta zi tiva lezaku nzi mina Jehova.

Ezekieli 23:24

Va tata va ku vukela hi matlhari, ni tikareta ta yimpi, ni maranzani, ni xidlemo xa vanhu. Va ta ku ranzela matlhelo wontihe hi tingenge ni zitlhangu ni zihuku za xiketse; nzi ta va nyika ntamu ku ku lamula, va ku lamula hi lamulela gabye.

Mitsengo 13:21

Zinghaho va lo kanziha va ya hlola a tiko. Va lo ya sangula hi le xiwuleni xa Zini, kala va chikela le Rehobi, hi ndlela yi yako Hamate.

Mitsengo 34:11

zonake a mbhingano wu ta sukela le Xefame wu relela le Ribla, hi le Mutsuwuka-gambo wa Aina; ni mbhingano wu ta relela wu komama le Bimbini ga Kinereta, hi le Mutsuwuka-gambo;

Joxua 13:5

ni tiko gontlhe ga vaGebale, ni gontlhe ga Lebanoni hi le Mutsuwuka-gambo, kusukela le Baal-Gadi, hi le basi ka xitsunga xa Hermoni, ni ku kala le nyangweni ya Hamati;