Jeremia 52:24 - Tshwa Bible

²⁴ A nduna ya vanyakasani yi lo khoma Seraia a mupristi wa hombe, na Zefania a mupristi wa wumbiri, ni vahlayisi vanharu va nyangwa.

Jeremia 52:24 ပူးပေါင်းရင်းမြစ်များ

2 Tihosi 23:4

A hosi yi lo leletela mupristi wa hombe Hilkia, ni vapristi va tsongwani, ni vahlayisi va nyangwa a ku humesa lomu tempeleni ya Jehova zontlhe lezi zi mahelweko Baali na Axtarte, ni handla gontlhe ga tilo, a zi hisa lahandle ka Jerusalema, le koveni wa Kidroni, a yisa a khuma ga kona le Beteli.

2 Tihosi 25:18

A nduna ya varinzeli yi lo khoma Sereya, a mupristi wa hombe, na Zefania, a mupristi wo gamela, ni vahlayisi vanharu va nyangwa.

1 Kronekele 6:14

Azaria a beleka Seraia, Seraia a beleka Jehozadaki;

Ezra 7:1

Anzhako ka lezo, hi xikhati xa kufuma ka Artaxerxesi a hosi ya le Persia, Ezra nʼwana Seraia wa Azaria wa Hilkia,

Tisimu 84:10

Hakuva a ku tshama siku ginwe ndlwini ya wena Ku sasekile ku hunza ku tshama khume ga mazana lahandle. Nza ranza a kuva nzi hi muhlayisi wa livati lomu ndlwini ya Nungungulu wa mina, Ku hunza a ku tshama matendeni ya vakubiha.

Jeremia 20:4

Hakuva Jehova i ngalo: Nzi ta ku maha xichaviso a ka wutsumbu ga wena ni ka maxaka ya wena wontihe; vona va ta dawa hi tisupado ta valala vabye, wena wutsumbu u ta zi wona: Nzi ta nyikela gontlhe Juda a canjeni ga hosi ya Babuloni, yi ta va yisa kukhonweni le Babuloni, yi va daya hi supado.

Jeremia 21:1

A mhaka yi tileko ka Jeremia hi ka Jehova, loku hosi Zedekia a mu rumela Paxuri a nʼwana Malkia, na Zefania a nʼwana Maaseya a mupristi, va yaku:

Jeremia 29:25

Jehova wa tiyimpi, a Nungungulu wa Israeli, ngalo: Kotisa lezi u rumeleko a mapapilo vitweni ga wena a ka vanhu vontlhe va nga le Jerusalema, ni ka Zefania, a nʼwana Maaseya mupristi, ni ka vontlhe vapristi, uku:

Jeremia 29:29

A mupristi Zefania i lo gonza a papilo legi tindleveni ta Jeremia a muprofeti.

Jeremia 34:21

Na Zedekia hosi ya ka Juda, zinwe ni tihosana takwe nzi ta va nyikela canjeni ga valala vabye ni canjeni ga lava va va xuvelako kufa, ku nga canjeni ga yimpi ya hosi ya Babuloni, leyi yi sukileko ka nwina.

Jeremia 35:4

nzi lo va yisa ndlwini ya Jehova, a tsawini ga vanana va Hanani, nʼwana wa Igdalia, a munhu wa Nungungulu, legi gi nga gamekene ni tsawu ga tihosana, a hehla ka tsawu ga Maaseya nʼwana Xallume, a murinzeli wa nyangwa.

Jeremia 37:3

Hosi Zedekia i, lo ruma Jehukali nʼwana Xelemia, na Zefania nʼwana Maaseya a mupristi, a ka Jeremia, aku: Hi kombelele makunu ka Jehova a Nungungulu wa hina.

Jeremia 52:12

Makunu hi hweti ya wuntlhanu a siku ga 10, gi nga hi lembe ga wu 19 ga kufuma ka Nebukadrezzare a hosi ya le Babuloni, Nebuzaradani a nduna ya vanyakasani lava va nga yimeletela a hosi ya le Babuloni, i lo enghena Jerusalema.

Jeremia 52:15

Zonake Nebuzaradani a nduna ya vanyakasani i lo khomela zisiwana za tiko ni lava va nga sele lomu mutini, ni lava va nga ti nyikela ka hosi ya le Babuloni, ni vameseri lava va nga wa sele, a va yisa wukhumbini.

Mikosi 4:16

A nghohe ya Jehova yi va hangalasile, a nga ha va khataleli; Va wa nga hi na xichavo ka vapristi, a va zwelangi wuxinji a zikhosana.

Ezekieli 11:7

Hikwalaho Hosi Jehova i ngalo: Lava mu nga va daya xikari ka wona, hi yona nyama, a muti hi mbita ya kona; kanilezi nwina nzi ta mu humesa xikari ka wona.

Ezekieli 24:5

Teka ni milangwa ya ntlhambi, u chela tihunyi lahasi ka mbita, u yi vilisa nguvu kala a marambu ma buva lomu nzeni ka yona.

Ezekieli 34:10

Hosi Jehova i ngalo: Nzi yimekelene ni varisi; nzi ta lava a tiyivu ta mina mandleni yabye, nzi va tsikisa ku gisa tiyivu. Hambu vona varisi va nga ta ha gisa wutsumbu gabye kambe; nzi ta tlhatlhisa a tiyivu ta mina milonwini yabye, kasi ti nga ha giwi hi vona.