Jeremia 52:13 - Tshwa Bible

¹³ I lo hisa a yindlu ya Jehova, ni yindlu ya hosi, ni tontlhe a tiyindlu ta lomu Jerusalema, nguvunguvu a tiyindlu leʼta hombe i lo ti hisa hi nzilo.

Jeremia 52:13 ပူးပေါင်းရင်းမြစ်များ

1 Tihosi 9:8

Ni yindlu leyi, hambu loku yi tlakukile kota lezi, ni wihi loyi a ta nga hunza hi laha kusuhani ka yona, i ta hlamala, aba noti, aku: Hi kuyini Jehova a maha za kunghahi ka tiko legi ni yindlu leyi ke?

2 Tihosi 25:9

I lo ta hisa a yindlu ya Jehova ni yindlu ya hosi; a hisetela tontlhe tiyindlu ta le Jerusalema, ni tontlhe tiyindlu ta vahombe.

2 Kronekele 36:19

Va lo hisa a yindlu ya Nungungulu, va khungumula a ligingisi la Jerusalema, va hisa tontlhe tiyindlu ta wuhosi, va xakela zontlhe zilo za malongo.

Tisimu 79:1

Nungungulu, a vamatiko va enghenile tshombeni ya wena, Va hanahanisile a tempeli ya wena ya kubasa, Jerusalema va gi mahile marumbi.

Jeremia 19:13

A tiyindlu ta Jerusalema, ni tiyindlu ta tihosi ta ka Juda, ti tava ni chaka kota a wutshamu ga Tofete, ti nga tiyindlu tontlhe leti ku hisilweko langweni ya tona a libani ka butho gontlhe ga tilo, laho va nyikeleko a minyikelo ya zakunwa ka vanwani vanungungulu.

Jeremia 21:10

Hakuva nzi langutele lowu muti hi kubiha, na ku nga hi kusaseka, ku wula Jehova. Wu ta nyikelwa canjeni ga hosi ya Babuloni, yi ta wu hisa hi nzilo.

Jeremia 21:14

Nzi ta mu tsayisa maringano ni mbhanzu wa zimaho za nwina, ku wula Jehova. Nzi ta dzivela nzilo khwatini ga nwina, wu ta lambuxa zontlhe zi nga lahandle ka muti. Mav. 1:31

Jeremia 22:14

Loye a nge ngalo: Nzi ta ti akela yindlu ya hombe, Ni tikwaruto to anama, A bhoxa tinjhanela; A ti nameketa hi tisedare, Ni ku yi penda hi penda yo pswhuka.

Jeremia 32:29

A maKaldea ma vimbezelako muti lowu, va ta enghena ka wona va wu hisa hi nzilo, va hisa ni tiyindlu tontlhe leti ku hiselweko ka tona a tibani ka Baali, ni ku nyikelwa a minyikelo ya kunwa ka vanungungulu vanwani, kasi ku nzi zangarisa.

Jeremia 34:22

Languta, nzi ta va leletela lezaku va wuyela ka lowu muti, ku wula Jehova, va talwa nawo, va wu khozisa, va wu hisa hi nzilo; ni miti ya ka Juda nzi ta yi maha xiwula, ku nga hi na muaki ka wona. 2 Tih. 25:9; Jer. 37:8

Jeremia 38:23

A vasati va wena vontlhe ni vana va wena va ta yisiwa ka maKaldea, na wena u nga ta huluka a canjeni gabye, kanilezi u ta khomiwa hi canja ga hosi ya Babuloni; ni muti lowu wu ta hiswa hi nzilo hi kota ya wena.

Jeremia 6:5

Vukani, a hi mu kanziheleni ni wusiku, Hi ya hahlula tiyindlu takwe ta wuhosi.

Jeremia 7:14

Hikwalaho nzi ta maha ka leyi yindlu yi vitwako hi vito ga mina, yaloyi mu yi tsumbako, ni ka wutshamu legi nzi gi nyikileko ka nwina ni ka vararu va nwina, kotisa lezi nzi mahileko ka Xilo. 2 Kro. 7:16

Mikosi 2:5

A Hosi yi hunzukile yi maha nala, yi khadamule Israeli; Yi hahlule a tiyindlu takwe tontlhe ta wuhosi, yi khungumulela a makhokhola yakwe wontlhe; Xikari ka nhwana wa Juda yi anzisile a hlomulo ni mikosi.

Mikosi 2:6

I hahlule a tabemakeli gakwe aku khwatsi gi wova simu; a fuvisa a wutshamu gakwe ga tihlengeletano. Jehova i mahile a va le Zioni va rivala a mitlhangano ya zimuse ni tisabado, Hi kota ya zanga yakwe a nyenya a tihosi ni vapristi.

Mikosi 2:7

A Hosi yi tsikile a alati ga yona, yi swireka hi wutshamu gakwe ga kubasa; A makhurisi ya ziluvelo zakwe i ma nyikele mandleni ya nala; Va tlakusile magezu yabye lomu ndlwini ya Jehova khwatsi hi siku ga tlhangano wa ximuse.

Mikosi 2:8

Jehova i xuvile ku khungumula a khurisi ga nhanyana wa Zioni; I tshambulutile a lingoti, a nga khanyetangi woko gakwe a tsika ku gi onha; Kanilezi i mahile a ligingisi ni khurisi ziba nkosi, zi onhekile khatiginwe. 2 Tih. 21:13; Zak. 1:16

Ezekieli 16:41

Va ta hisa tiyindlu ta wena hi nzilo, va ku lamula mahlweni ka vavasati vanyingi. Nzi ta ku maha u tsika a wubhayi ga wena, u nga ta ha nyika hakhelo. 2 Tih. 25:9; 2 Kro. 26:19

Ezekieli 24:21

Wulawula ka yindlu ya ka Israeli, uku: Hosi Jehova i ngalo: Langutani, Nzi ta nyenyezisa a yindlu ya mina ya kubasa, ku nga matshanza ya ntamu wa nwina, ni kunavela ka mahlo ya nwina, lezi a moya wa nwina wu zi ranzako; a vafana va nwina ni vanhanyana va nwina lava va mu siyeleko va ta dawa hi supado.

Amosi 2:5

Kanilezi nzi ta rumela a nzilo hehla ka Juda, wu ta hisa a ziluvelo za Jerusalema.

Amosi 6:11

Hakuva Jehova wa leletela; a yindlu ya hombe yi ta khungumulwa yi maha marumbi, a xiyinalwana xi ta fayetelwa.

Mika 3:12

Hikwalaho hi kota ya nwina, Zioni i ta rimiwa khwatsi i simu, na Jerusalema i ta maha tinhulu ta maribye, ni xitsunga xa tempeli xi tava xitsunga xa khwati. Jer. 26:18

Zakaria 11:1

Lebanoni, vulula tinyangwa ta wena, kasi a nzilo wu ta fela ku hisa a tisedare ta wena.

Mateu 24:2

Kanilezi yena aku kabye: A mu zi woni zontlhe lezi ke? Hizinene nziku ka nwina: Laha ku nga ta siyiwa a ribye ginwe hehla ka ginwani, legi gi ta nga kala gi nga khungumulwa 1 Tih. 9:7; Jer. 26:18; Lu. 19:44