Jeremia 51:56 - Tshwa Bible

⁵⁶ Hakuva a muhlaseli i tele yena Babuloni, a tinhenha takwe ti khomilwe, a mawura ya tona ma tshoveletelwe; hakuva Jehova i Nungungulu atlheliselako, futsi i ta phota.

Jeremia 51:56 ပူးပေါင်းရင်းမြစ်များ

Genesisi 49:24

Kanilezi a wura gakwe gi tshamile gi tiyile; Mawoko ni mandla yakwe zi tiyisilwe Hi mandla ya Nyamintamu wa Jakobe, Loyi a nga Murisi tlhelo Ribye ga Israeli.

Tisimu 137:8

Nhanyana wa Babuloni, loyi u ta nga maha rumbi, I katekile loyi a ta nga ku tlhelisela lezi u hi maheleko zona. Isa. 13:19; Jer. 50:29

Tisimu 37:15

A supado yabye yi ta gwaza timbilu tabye wutsumbu, Ni mawura yabye ma ta tshoveka.

Tisimu 46:9

Yena i maha a tiyimpi ti khawula kala magumelweni ya misava, Wa tshova wura, ni ku tsema tlhari gi pulakanyeka; A hisa tikareta nzilweni.

Tisimu 76:3

Hi laho a tshovileko a tigalala ta mawura, A xitlhangu ni supado, ni matlhari ya yimpi. (Sela.)

Isaya 21:2

Nzi wonisilwe a muwoniso wo tshisa nguvu; A mukanganyisi wa kanganyisa, ni muphangi wa phanga. Kanziha, O Elami; vimbezela, O Media; Nzi miyetile a miketo yontlhe.

Isaya 34:8

Hakuva i siku ga kuphota ka Jehova, Ni lembe ga ku tlhelisela mhakeni ya Zioni.

Isaya 35:4

Wulani ka vona lava va nga ni hlenekera, muku: Tiyisani timbilu, mu nga chavi! Langutani, wata Nungungulu wa nwina, i ta mu photela, Wu nga wona nchachazelo wa Nungungulu; I tata a ta mu hanyisa.

Isaya 59:18

I ta va chachazela hi ku ringana ni mitiro yabye, A zanga ka valala vakwe, ni ku tlhelisela ka lava va lwako naye; I ta tlhelisela hi fanelo a matiko ya le bimbini.

Jeremia 49:35

Jehova wa tiyimpi i ngalo: Languta, nzi ta tshova a wura ga Elami, a ntamu wabye wa hombe.

Jeremia 50:10

Kaldea i ta phangiwa, a vaphangi vakwe vontlhe va ta xura, ku wula Jehova.

Jeremia 50:36

A supado a yive hehla ka lava va profetako mawunwa, va ta hunguka. A supado a yive hehla ka tinhenha takwe, kasi va tsemeka-hlana.

Jeremia 51:24

Nzi ta tlhelisela Babuloni ni vaaki vontlhe vo le Kaldea a kubiha kabye kontlhe loku va ku mahileko le Zioni a kuwoneni ka nwina, ku wula Jehova.

Jeremia 51:30

A tinhenha ta Babuloni ti tsikile a kulwa, ti tshamile lomu makhokholeni ya tona; ti mbhelelwe hi ntamu, va tlhela vaku khwatsi mbavasati. A miti yakwe ya hisiwa hi nzilo, a zikwinyaro zakwe zi tshobyilwe.

Jeremia 51:48

Zonake a tilo ni misava, ni zontlhe zi nga ka zona, zi ta yimbelela hi kutsaka ha Babuloni, hakuva a vahlaseli va tata kakwe hi le Nwalungu, ku wula Jehova. Kuv. 18:20

Jeremia 51:53

Hambu loku Babuloni a nga tlakukela tilweni, hambu loku a tiyisa a khokhola gakwe gi tlakukileko, nzi ta mu rumela vahlaseli, ku wula Jehova.

Jeremia 51:6

Humani Babuloni mu tsutsuma, a munwe ni munwani a ponise wutomi gakwe, kasi mu nga lobyiswi hi kota ya xigoho xakwe; hakuva hi xona a xikhati xa kuphota ka Jehova, i ta muha a nchachazelo wakwe. Isa. 34:8; Kuv. 18:4, 6

Mikosi 3:64

Jehova, u ta va nyika nchachazelo Maringano ni mitiro ya mandla yabye.

Ezekieli 39:3

Nzi ta wutla a wura ga wena canjeni ga wena ga xibhabha, nzi wisa a tigalala ta wena hi lomu canjeni ga wena ga xinene.

Ezekieli 39:9

Lava va akileko mitini ya ka Israeli va ta huma, va ya maha tihunyi hi matlhari, a zitlhangu ni tingenge, a mawura ni tigalala, a zigomba ni mahubula, va ta dzivela ha zona a nzilo a ntlhanu wa malembe ni mambiri.

Amosi 2:15

A mukhomi wa wura a nga ta yima, ni mukhileli wa haxi a nga ta ponisa wutomi gakwe.

Obadia 1:15

Hakuva a siku ga Jehova gi tshinele ka wontlhe matiko. Lezi u zi mahileko zi ta mahiwa ka wena; a zimaho za wena zi ta wuyela hlokweni ya wena nwinyi.

Habakuka 2:8

Kota lezi u phangileko a matiko yo tala, hizalezo a matiko wontihe manwani ma ta ku phangawu, hi kota ya nkhata wa vanhu, ni hi kota ya mitiro ya kanu leyi u yi maheleko matiko ni miti ni ka vontlhe lava va akileko ka yona.

Deuteronome 32:35

A kuphota ni kutlhelisela zi lumba mina, Zi vekelwe a siku lego a nkonzo wabye wu ta nga retemuka; Hakuva a siku ga kuxaniseka kabye gi tshinele, A zilo lezi va longiselweko zona zata hi xihatla.

2 Va le Tesalonika 1:6

Hakuva xilo xi lulamileko ka Nungungulu ku tlhelisela hlomulo ka lava va mu xanisako. Kuv. 6:10

Kuvululelwa 17:16

Ni khume ga timhonzo leti u nga ti wona, ni xihari, zi ta venga xibhayi, zi mu maha xisiwana ni ximbyiri, zi taga nyama yakwe, zi mu hisa hi nzilo. Jer. 50:41, 42; Ezek. 16:37-44

Kuvululelwa 18:20

Bhumani ha wona wena tilo na nwina vobasa, na nwina vapostoli, na nwina vaprofeti; hakuva Nungungulu i wu lamulile a ku photela nwina. Jer. 51:48; Lu. 11:49

Kuvululelwa 19:2

hakuva a kulamula kakwe ku nene ku lulamile; hakuva i lamule a xibhayi leʼxa hombe, lexi xi nga holisa misava hi kubhaya ka xona, i photele a nkhata wa malanza yakwe ka xona. Deut. 32:43; Xip. 15:3

1 Samueli 2:4

A mawura ya tinhenha ma tshobyilwe; Kanilezi lava va nga khunguvanyeka va ti boha hi ntamu.