Jeremia 51:12 - Tshwa Bible

¹² Yimiselani a makhurisi ya Babuloni a bandera, tiyisani varinzeli, mu veka varinzeli ni ku longisa a zijumani; hakuva Jehova i mahile xikungo, a tira lezi a nga zi wula hi vaaki va le Babuloni.

Jeremia 51:12 ပူးပေါင်းရင်းမြစ်များ

Mavingu 21:30

A gi kona wutlhari, kutani kupima, e hambu wusungukati legi gi hlulako Jehova.

Isaya 11:12

A matiko yi ta ma yimisela a nghapa, Yi tsombanyisa lava va hlongolweko va ka Israeli, Ni ku tlhanganyisa lava va hangalakileko va ka Juda, Va suka matlhelweni ya mune ya misava. Deut. 30:4; Joh. 10:16

Isaya 13:2

Yimisani a nghapa hehla ka xitsunga xa libalala, Kanyulukani, va khweneteni hi canja, Kasi va fela ku enghena hi tinyangwa ta vahombe.

Jeremia 23:20

A zanga ya Jehova yi nga ta bohla na a nga se ku tatisa a mixuvo ya mbilu yakwe; a masikwini ma ha tako mu ta zi pimisisa khwatsi.

Jeremia 4:28

Hi kota ya lezo a misava yi tava ni nkosi, Ni matilo ya le hehla ma ta boha xilenda; Hakuva mina nzi zi wulile, nzi sina nzi xuvile lezo; Nzi nga ta hunzuluka, hambu ku tlhelela nzhako.

Jeremia 50:2

Tlhatlhambutelani xikari ka matiko, muba nyiwo, mu yimisa a bandera. Mu nga fihli nchumu, va byeleni, muku: Babuloni i hlulilwe, Beli i wisilwe tingana, Merodake i khungumulwe; a zifananiso zakwe zi chelilwe tingana, a vanungungulu vakwe va khungumulwe.

Jeremia 50:25

Jehova i vulule a mabako yakwe, a humesa a matlhari ya zanga yakwe, hakuva Hosi Jehova wa tiyimpi i na ni ntiro wo mahiwa lomu tikweni ga maKaldea.

Jeremia 51:11

Lotani a tigalala, mu khoma a zitlhangu. Jehova i vindlusile a moya wa tihosi ta vaMedi, hakuva a mixuvo yakwe njo vukela Babuloni a kuva a lobyiswa. Hakuva hi kona a kuphota ka Jehova, a photelako a tempeli yakwe.

Jeremia 51:27

Yimisani a bandera lomu tikweni, muba mpunzu xikari ka matiko; hlomisani a matiko ma mu vukela, tsombanyisani a mifumo ya Ararate, Minni, Axkenaze, mu yimisa a tinduna ta yimpi kulwa naye; mahani mahaxi ma kanziha ma mu talela kukotisa humbi.

Jeremia 51:29

A misava ya rurumela, yi le kubayisekeni; hakuva a makungo ya Jehova ya ku hahlula a tiko ga Babuloni, gi ngavi na vaaki, ma maheka.

Mikosi 2:17

Jehova i mahile lezi a zi xuvileko, I tatisile a mhaka yakwe leyi a nga yi leletela kaleloko; I khungumule, na a nga hi na kutsetsa; I tsakisile lava va ku vengako; a tlakusa a limhonzo la valala ya wena. Levi 26:14; Deut. 28:15

Joeli 3:2

Nzi ta tsombanyisa wontlhe matiko, nzi ma yisa nkoveni wa Jehoxafate, nzi ta va ranisa hi kota ya Israeli, a vanhu va mina ni tshomba ya mina, lava va va hangalasileko xikari ka matiko, va avelana a tiko ga mina.

Nahume 2:1

Loyi a fayetelako i chikele mahlweni ka wena; hlayisa a makhokhola, rinzela a ndlela, boha ziwunu za wena, u ti tiyiseta hi ntamu.

Joxua 8:14

Ni laha a hosi ya le Ai yi nga wa zi wonile, zalezo a vanhu va muti va lo vuka ni mixo, va hatlisa ku huma vaya tlhangana ni va ka Israeli valwa navo, va lo ya tsombana ka wutshamu gi yimisilweko mahlweni ka nzhelelo; kanilezi yena i wa nga zi tivi lezaku ku kona xijumani lenzhako ka muti.