Jeremia 50:31 - Tshwa Bible

³¹ Languta, nzi yimekelene na wena, nyamatshanza-nziwena, ku wula Hosi Jehova wa tiyimpi, hakuva a siku ga wena gi chikele, a xikhati xa kutsayiswa ka wena.

Jeremia 50:31 ပူးပေါင်းရင်းမြစ်များ

Isaya 2:12

Hakuva gi tava kona a siku ga Jehova wa tiyimpi, ga ku tsongahata ha gona laʼva matshanza ni laʼva ti kukumukisako, ni wihi loyi a tlakusilweko i ta reletwa. Isa. 40:4

Jeremia 21:13

Languta, nzi na ni xisolo na wena muaki wa le nkoveni, lomu khokholeni ga livala, ku wula Jehova; nzi ni mhaka na nwina lava mu nge: Himani a to relela a ta hi vukela? himani a to enghena wuakelweni ga hina ke?

Jeremia 48:29

Hi zwile hi matshanza ya Moabi laʼya hombe, A kutikulisa kakwe ni matshanza yakwe, Ni manyanga ya mbilu yakwe.

Jeremia 49:16

A kutshisa ka wena ni matshanza ya wena zi ku khohlisile, wena loyi u akileko lomu tihlohlolweni ta maribye, u tshamileko hehla ka xitsunga. Hambu loku u aka xisaka xa wena le hehla kukotisa a gama, nzi ta ku susa nzi ku releta lahasi, ku wula Jehova.

Jeremia 50:29

Vitaneni vontlhe a vaweleli va mawura va ta vukela Babuloni, mu goveleni matlhelo wontihe, ku nga poni ni munwe. Mu tlheliseleni hi mitiro yakwe; zontlhe lezi a nga wa zi maha, mahaniwo zalezo kakwe, hakuva i wa ti kulisa mahlweni ka Jehova, a vukela Loyi a Basileko wa ka Israeli.

Jeremia 50:32

A wamatshanza i ta ti gumula awa, a nga kona a to mu vuxa. Nzi ta dzivela nzilo mitini yakwe, wu hisa zontlhe lezi zi mu ranzeleko.

Jeremia 51:25

Languta, nza ku vukela wena xitsunga xi lovisako, ku wula Jehova, wena loyi u lovisako misava yontlhe. Nzi ta nawuluta a canja ga mina hehla ka wena, nzi ku wumbuluta le ribyeni uwa lahasi, nzi ku maha a xitsunga xi hisilweko,

Ezekieli 29:3

Kanela uku: Hosi Jehova i ngalo: Nzi yimekelene na wena Faro, hosi ya le Gipite, drako ga hombe gi etlelako lomu xikari ka micongo ya gona, gi nge ngalo: Lowu congo ngwa mina, nzi ti mahele wutsumbu ganga.

Ezekieli 38:3

Hosi Jehova i ngalo: Nzi yimekeiene na wena Goge hosi ya Roxa, Mexeke na Tubale.

Ezekieli 39:1

Wena nʼwana wa munhu, profetela Goge, uku: Hosi Jehova i ngalo: Nzi yimekelene na wena Goge, hosi ya Roxa, Mexeke na Tubale. Ezek. 38:2; Kuv. 20:8

Ezekieli 5:8

hikwalaho Hosi Jehova i ngalo: Nza ku holovela; nzi ta ku tsayisa a kuwoneni ka matiko.

Nahume 2:13

Languta, nzi ta ku vukela, ku wula Jehova wa tiyimpi; nzi ta hisa tikareta ta wena, ti maha musi; a supado yi ta lovisa a tinghalana ta wena. Nzi ta susa misaveni lezi u zi phangileko, ni magezu ya mitsumi ya wena ma nga ta ha zwala kambe.

Nahume 3:5

nzi ta ku vukela, ku wula Jehova wa tiyimpi, nzi ta tlakusa a nguwo ya wena yi vala a nghohe ya wena, nzi kombisa a matiko a wumbyiri ga wena, ni mifumo a tingana ta wena.

Jakobe 4:6

Kanilezi yena wa hi engetela tipswalo, hikwalaho a mutsalo wu ngalo: Nungungulu wa ala a vamatshanza, kanilezi a nyika tipswalo ka lava va ti koramisako. Mav. 3:34; 1 Ped. 5:5

1 Pedro 5:5

Hizalezo na nwinawu vaswa, ingisani a masingalakati. Ina, nwentlhe ti boheni hi kutikoramisa, mu tirelana; hakuva Nungungulu wa ala a vamatshanza, kanilezi i nyika tipswalo ka lava va ti koramisako.

Kuvululelwa 18:8

Hikwalaho a zixaniso zakwe zi tata hi siku ginwe, a kufa, ni hlomulo, ni ndlala; yena i ta hiswa hi nzilo hakuva i na ni ntamu Hosi Nungungulu loyi a mu-lamulako. Isa. 47:9; Jer. 50:34