Jeremia 50:20 - Tshwa Bible

²⁰ A masikwini ya xikhati lexo, ku wula Jehova, a kugoha ka Israeli ku ta labyiwa, kanilezi ku nga ha ta kuva kona; ni zionho za ka Juda zi nga ta kumiwa, hakuva nzi ta rivalela lava nzi ta nga va siya kota misalela.

Jeremia 50:20 ပူးပေါင်းရင်းမြစ်များ

Tisimu 103:12

Khwatsi hi kutsawukana ka Mutsuwuka-gambo ni Muhlwa-gambo, I susile kule kota lezo a zionho za hina.

Tisimu 17:3

U hlolile a mbilu ya mina, u yi hlolisisa ni wusiku; U nzi hlolile, kanilezi a ku kumangi nanzu; A maalakanyo yo biha a ma humi nonwini wa mina.

Tisimu 85:3

U susile a zanga ya wena yontlhe, U tlhelile kuvureni ka khulo ga wena.

Isaya 1:9

Loku Jehova wa tiyimpi a wa nga hi siyelangi misalela, ngha hi wa kotile Sodoma, hi fanana na Gomora. Gen. 10:24; Mik. 3:22; Rom. 9:29

Isaya 10:21

A misalela yi ta hunzuluka, A misalela ya Jakobe yi ta tlhelela ka Nungungulu wa ntamu.

Isaya 33:24

A ku na muaki ni munwe a ta ngaku: Nza babya! A vanhu va akileko lomu va ta tsetselelwa zionho zabye. Joeli 3:10; Zak. 12:8

Isaya 43:25

Hi mina ntsena nzi vinyako a zihambunyeto za wena hi kota ya mina wutsumbu, Ni zionho za wena nzi nga ta ha zi alakanya.

Isaya 44:22

Nzi vinyile a zihambunyeto za wena khwatsi i refu, Ni zionho za wena khwatsi i hunguva. Tlhelela ka mina, hakuva nzi ku tirule.

Jeremia 31:34

A vaakelani va nga ta ha gonzisana, Munhu a nga ta gonzisa makabye, aku: Tiva Jehova! Hakuva vontlhe va ta nzi tiva, Kusukela ka vatsongwani vabye kala vahombe, ku wula Jehova. Hakuva nzi ta va tsetselela a kubiha kabye, Cima nzi nga ta ha alakanya a zionho zabye. Mika 7:18; Joh. 6:45; Rom. 11:27

Jeremia 33:15

A ka lawo masiku ni ka lexo xikhati nzi ta vuxela Davida a Hluke ga kululama; yena i ta lamula hi nongameto ni kululama lomu tikweni. Isa. 11:1; Zak. 3:8; 6:12

Jeremia 33:8

Nzi ta va basisa kubiheni kabye kontlhe loku va nzi onheleko ha kona; nzi va tsetselela a zigoho zabye zontlhe lezi va nzi vukeleko ha zona, lezi va nga hambuka ha zona mahlweni mina, Ezek. 36:25; Zak. 13:1; Miti. 10:43

Jeremia 44:14

Kasi ku nga poni hambu ku sala ni munwe wa misalela ya ka Juda lava va yileko ku ya luvela tikweni ga Gipite, na va ranza ku tlhelela tikweni ga ka Juda legi va xuvako ku ta aka ka gona. Va nga ta tlhelela kona saseka vanwani va ta nga pona.

Jeremia 50:4

A masikwini ya xikhati lexo, ku wula Jehova, a vana va ka Israeli ni va ka Juda ya tata zinwe; na va rila va ta famba va hlota Jehova Nungungulu wabye.

Mikosi 4:22

A tsayiso wa zigoho za wena wu hetekile, wena nhwana wa Zioni; A nga ta ha ku yisa wukhumbini. Wena nhwana wa Edome, a kugoha ka wena ku ta tsayisiwa; Jehova i ta vumbulula a zionho za wena.

Ezekieli 18:22

A nga ta hlayelwa ni xinwe xa zihambunyeto lezi a zi mahileko, i ta hanya hi kota ya kululama loku ai ku mahileko.

Mika 7:19

U ta tlhela u hi zwela wusiwana, u kanzihela a zigoho za hina; u ta hoxa zontlhe zionho za hina bimbini.

Zefania 3:12

Kanilezi nzi ta siya xikari ka wena a vanhu va xanisekako ni vavumali, va ta tsumba a vito ga Jehova.

Zakaria 3:9

Hakuva a ribye legi nzi nga gi veka mahlweni ka Joxua (hehla ka ribye legi ku na ni ntlhanu wa mahlo ni mambiri), mina nzi ta kehla a mutsalo wa kona, ku wula Jehova wa tiyimpi; hi siku ginwe nzi ta susa a kugoha ka tiko legi.

Mitsengo 23:21

A nzi kumi khombo ka Jakobe, Hambu ni ku wona kukarateka ka Israeli. Jehova, Nungungulu wakwe, i zinwe na yena, I Hosi yabye leyi va mahako guwa ga ku yi tsakela.

Mitiro 3:19

Hikwalaho ti soleni, mu hunzuluka, kasi a zionho za nwina zi fela ku vinyetelwa, kasi ku chikela a zikhati za kuhumutwa hi le ka Hosi;

Mitiro 3:26

Nungungulu i sangulile hi nwina, a mu humesela a Nanza gakwe Jesu, a mu rumela a ku ta mu katekisa, hi ku mu hunzulukisa nwentlhelele, mu tsika a zionho za nwina.

Va le Roma 11:6

Kanilezi loku ziya hi tipswalo, a za hayi hi mitiro; hakuva loku zi hi tano a tipswalo a ta hi tipswalo. Deut. 9:4, 5

Va le Roma 5:16

Kambe a xinyikiwo a xi fanani ni lexi xi nga huma kuonheni ka loye wa munwe. Hakuva a kulamula ku tile hi kota ya xionho xinwe ku yisa kukonekeni, kanilezi a xinyikiwo xa wuxinji xi tile hi kota ya zihambuko zinyingi, xi yisa kululameni.

Va le Roma 6:13

Hambu ni ku nyikela a ziro za nwina kuonheni ziva matlhari ya kungalulami; kanilezi ti nyikeleni ka Nungungulu, khwatsi hi lava va humileko kufeni va hanya, ni ziro za nwina ziva matlhari ya kululama ya ku tirela Nungungulu.

2 Pedro 3:15

Pimani lezaku a lihlaza-mbilu la Hosi ya hina kuhanyisa, kota lezi a makabye wa hina a ranzekileko Paule, a nga tsala ka nwina hi kutlhariha loku a nyikilweko kona; Rom. 2:4; 1 Ped. 3:20