Jeremia 48:27 - Tshwa Bible

²⁷ Israeli a ku mu mahangi xihlekiso ke? I lo kumiwa wukambeni lezi u ninginizako hloko Loku u wulawula ha yena?

Jeremia 48:27 ပူးပေါင်းရင်းမြစ်များ

Joba 16:4

Na minawu nzi wa ta wulawula kukotisa nwina; Loku mu wa hi wutshanwini ga mina, Nzi wa ta mu tatela timhaka, Nzi mu zivizela hloko ya mina.

Tisimu 44:13

Wena u lo hi maha a xiruko ka vaakelwane va hina; Hi tseketselwa ni ku hlekiwa hi lava va hi ranzelako.

Tisimu 64:8

Va khunguvanyekiswa hi tirimi tabye wutsumbu; Vontlhe lava va zi wonako va ta ziviza tihloko.

Tisimu 79:4

Hi mahile a xiruko ka vaakelwane va hina, Hi maha a tseketselo ni xihlekiso ka lava va hi ranzelako.

Jeremia 18:16

Lezoke va maha tiko gabye giva xirewukiso, Ni xiruko hi laʼku nga mbheliko; Lezaku ni wihi a hunzako kona a hlamala, A ziviza hloko yakwe.

Jeremia 2:26

Ku khwatsi hi khamba loku gi kumilwe, gi na ni tingana. Hilezo a yindlu ya Israeli yi ni tingana, Zinwe ni tihosi ta yona ni tihosana ta yona, A vapristi va yona ni vaprofeti va yona,

Mikosi 1:12

Xana a mu cheli kota ha zona, nwina vahunzi ke? A ha nga cuwukani, mu wona loku ku hi kona kuxaniseka kunwani ko ringana ni loku ku nzi weleko, Loku Jehova a nga nzi hlokisa ha kona hi siku ga khulo gakwe.

Mikosi 1:7

Masikwini ya hlomulo ni kuxaniseka Jerusalema wa alakanya A makatekwa yakwe wontihe ya kale ka matiko; Laha a vanhu vakwe va weleko canjeni ga nala, na ku nga hi na muvuni, A valala va mu hleka, va mu tseketsela kuhahlukeni kakwe.

Ezekieli 25:8

Hosi Jehova i ngalo: Kota lezi Moabi na Seire va nge ngalo: Langutani, makunu a yindlu ya ka Juda yi fanana ni matiko wontihe; Isa. 15:1; Am. 2:1

Ezekieli 35:15

Khwatsi hilezi wena u nga tsaka hi kuhahluka ka tshomba ya yindlu ya ka Israeli, mina nzi ta maha lezo na wenawu. U ta hahluka, wena xitsunga xa Seire u maha xiwula, ni tiko gontlhe ga Edome; zonake va ta zi tiva lezaku hi mina Jehova.

Ezekieli 36:2

Hosi Jehova i ngalo: Hakuva a nala a teku ka nwina, Ha-ha! niku: A zitsunga lezi za kale zi tlakukileko hi zi fumele makunu.

Ezekieli 36:4

hikwalaho nwina zitsunga za ka Israeli, zwanani a mhaka ya Hosi Jehova! I wula lezo Hosi Jehova ka zitsunga ni miganga, ka micongo ni minzhelelo, ka marumbi ma mahileko ziwula, ni ka miti yi tsikilweko, leyi yi mahileko muphango ni xihlekiso ka mifumo leyi yi ranzelekeleko.

Zefania 2:10

Lezo va ta tlheliselwa hi kota ya matshanza yabye, hakuva va rukatele, va ti kulisa ka vanhu va Jehova wa tiyimpi.

Zefania 2:8

Nzi zwile a tinzhukano ta Moabi, ni tihlamba ta vana va ka Amoni, leti va rukateleko a vanhu va mina, va ti tekela tiko mimbhinganweni yabye.

Mateu 26:55

Hi lexo xikhati Jesu aku ngalo ka xidlemo: Lezi nwina mu tako na mu hlomile tisupado ni zigomba, mu tela ku ta nzi khoma kota muphangi ke? Nzi lo tshama tempeleni masiku ni masiku nzi gonzisa, a mu nzi khomangi.

Mateu 27:38

Zonake ku lo belelwa zinwe naye a vaphangi vambiri, a munwe canjeni ga xinene ni munwani canjeni ga xibhabha. Isa. 53:12; Mar. 15:27

Mateu 7:2

Hakuva mu ta lamuliwa hi kulamula loku mu lamulako ha kona vanwani; ni xiringaniso lexi mu ringanisako vanwani ha xona, mu ta ringaniswawu ha xona. Mar. 4:24; Lu. 6:38