Jeremia 38:22 - Tshwa Bible

²² Languta, a vavasati vontlhe lava va seleko a ndlwini ya hosi ya ka Juda va ta yiswa ka tihosana ta hosi ya Babuloni; a vavasati lavo va taku: A vanghana va wena va ku kanganyisile, Ve ku hlulile; A milenge ya wena yi kari yi njhibila maropeni, Vona na va tlhelele nzhako! Obad. v. 7

Jeremia 38:22 ပူးပေါင်းရင်းမြစ်များ

Joba 6:15

A vanakulori va tele hi kukhohlisa khwatsi i congwana, Va fanana ni mati ya zicongwana ma khulungako ma nyamalala;

Tisimu 41:9

Ina, ni munghana wa mina, loyi nzi nga mu tsumba, Loye a ngaga zakuga za mina, i nzi tlakusele xirenze. Mat. 26:14; Lu. 22:4; Miti. 1:16

Tisimu 69:14

Nzi humese maropeni, u nga nzi tsiki nzi rikha; A nzi tlhatlhiswe ka lava va nzi vengako, Ni le matini ya kueta.

Tisimu 69:2

Nza rikha maropeni yo eta, laha nzi tsanzekako ku yima. Nzi wele matini yo eta, lawa ma nzi nyupetako.

Isaya 42:17

Kanilezi lava va tsumbako zifananiso zi vatlilweko, Lava va nge ngalo ka zifananiso zi wumbilweko: Nwina mu vanungungulu va hina, Va ta tlhelela nzhako vave ni tingana. Tis. 97:7; Isa. 1:29

Jeremia 13:21

U ta kuyini loku a veka hehla ka wena a maxaka ya wena u fumelwa hi wona? Hi wena u va gonzisileko a kuva venyi va wena. Xana zi nga ta bayisa ka wena kota wasati a lunwako ke?

Jeremia 20:10

Hakuva nzi zwile vanyingi na va nzi hleva, Matlhelweni wontihe ku kona kuchava. Vaku: Mu kecareni, hi ta mu kecara. A vanghana lava nzi toloveleneko navo Va langutela a kuwa ka mina, vaku: Kutani a nga kucetelwa, zonake hi ta mu hluthula, Kasi hi ti photela ka yena.

Jeremia 27:14

Mu nga dzuki mu ingisa a magezu ya vaprofeti lava va nge ngalo ka nwina: Mu nga tireli a hosi ya Babuloni; hakuva vo mu profetela mawunwa.

Jeremia 27:15

Hakuva a nzi va rumangi, ku wula Jehova, vo profeta mawunwa hi vito ga mina, kasi mina nzi fela ku mu papaxela, mu lova, nwina ni vaprofeti lava va mu profetelako.

Jeremia 38:19

Hosi Zedekia i lo hlamula Jeremia, aku: Nzo chava vaJuda lava va pfowoleleko ka maKaldea, lezaku nzi nyikelwa canjeni gabye, va hlakana ha mina.

Jeremia 38:21

Kanilezi loku u ala ku huma, leyi hi yona a mhaka a nga nzi kombisa Jehova:

Jeremia 41:10

Zonake Ixmaeli i lo famba ni misalela ya vanhu lava va nga hi lomu Mizpa, a vanhanyana va hosi, ni vontlhe vanhu lava va nga sele le Mizpa, lava Nebuzaradani a nduna ya vanyakasani a nga va nyikile ka Gedalia a nʼwana Ahikamu. Ixmaeli nʼwana Netania i lo va khomelaa famba navo ka vana va Amoni.

Jeremia 43:6

a vavanuna, ni vavasati, ni vanana, ni vanhanyana va hosi, ni vontlhe vanhu lava Nebuzaradani a nduna ya vanyakasani a nga va siyile na Gedalia nʼwana Ahikamu wa Xafani, zinwe na Jeremia na Baruke nʼwana Neria,

Jeremia 46:21

A masochwa yakwe lomu tikweni gakwe Me khwatsi marole ma nonileko; Hakuva vonawu va tlhela nzhako va tsutsuma zinwe, A va yimangi; Hakuva a siku gabye ga makhombo ga va tela, A xikhati xa kutsayiswa kabye.

Jeremia 46:5

Hikuyini nzi va wonako na va rurumela, va tlhelela nzhako? A tinhenha tabye ti hluliwa, Ti tsutsuma ti nga cuwuki nzhako; Matlhelo wontihe ku kona kuchava, ku wula Jehova.

Jeremia 6:12

A tiyindlu tabye ti ta nyikiwa vanwani, Zinwe ni masimu yabye ni vasati vabye; Hakuva nzi ta tshambuluta a canja ga mina Hehla ka vaaki va tiko, ku wula Jehova. Deut. 28:30; Mik. 5:2

Jeremia 8:10

Hikwalaho nzi ta nyikela a vasati vabye ka vanwani, Ni masimu yabye ka lava va ta nga ma wutla. Hakuva vontlhe va ti nyiketile kunaveleni, Kusukela ka ntsongwani kala ka wahombe. A vaprofeti ni vapristi vontlhelele va kanganyisa.

Mikosi 1:13

I rumele a nzilo hi le hehla wuta marambyini ya mina, ma lobyiswa hi wona; I dembele mikonzo ya mina a ziyo, a nzi tlhelisela nzhako; I nzi nyikele kuonhekeni, nzi rereka siku gontlhe.

Mikosi 1:2

Wa rila ni wusiku, a mihloti yakwe yi xilila marameni yakwe; Xikari ka ziranzwa zakwe zontlhe a ku na munwe a nga mu tangalisako. A vanghana vakwe vontlhe va mu tsikile, va hunzukile va maha valala vakwe.

Mikosi 5:11

Va pfinyele vavasati le Zioni, Ni vanhwana lomu mitini ya ka Juda.

Mika 7:5

Mu nga tsumbeni vanghana, mu nga veki kutsumba ka nwina ka maxaka. Valele loyi a etleleko xifuveni xa wena a tinyangwa ta nomu wa wena.