Jeremia 36:3 - Tshwa Bible

³ Kutani a va ka Juda va ta ingisa a kubiha kontlhe loku nzi xuvako ku va mahela; lezaku munwe ni munwani a hunzuluka ndleleni yakwe yo biha, nzi mu tsetselela a kubiha kakwe ni xionho xakwe.

Jeremia 36:3 ပူးပေါင်းရင်းမြစ်များ

Nehemia 1:9

kanilezi loku mu tlhelela ka mina, mu hlayisa a zileletelo za mina mu zi maha, hambu loku mu hoxilwe muya magemeta-musi ya tilo, nzi ta va tsombanyisa nzi va wuyiseta wutshanwini legi nzi hlawuleko a kuva wuakelo ga vito ga mina.

Tisimu 139:24

U cuwuka loku nzi kari nzi famba hi ndlela ya kubiha, U nzi rangela ndleleni ya pinzukelwa.

Isaya 6:10

Nonohisa a timbilu ta vanhu la va, U vala tindleve tabye, u tsunya mahlo yabye, Va ngazwi hi tindleve tabye, va nga pimi hi timbilu tabye, Kasi va nga hunzuluki va hanyiswa. Deut. 29:3; Rom. 11:8

Jeremia 18:11

Hikwalaho byela vavanuna va ka Juda ni vaaki va Jerusalema, uku: Jehova i ngalo: Mina nza mu longisela a khombo, nzi maha xikungo xo mu vukela. Hikwalaho hunzulukani munwe ni munwani a ndleleni yakwe yo biha, mu chukhwatisa a mahanyela ya nwina ni zimaho za nwina. 2 Tih. 17:13

Jeremia 18:8

kanilezi loku a tiko legi nzi wulawulileko ha gona, gi hunzuluka kubiheni ka gona, minawu nzi ta hunzuluka nzi tsika a khombo legi nzi nga xuvile a ku gi mahela. Ezek. 18:21; Jona 3:10

Jeremia 23:14

Kanilezi hi ka vaprofeti va Jerusalema nzi wonile a zilo zo tshisa nguvu: Vona va maha wuoswi, va hemba mawunwa; Va tiyiseta a mawoko ya vamahi va kubiha, Lezaku kasi ku nga hunzuluki ni munwe kubiheni kakwe. A ka mina va fanana ni Sodoma, Ni vaaki va Jerusalema va kota Gomora. Gen. 13:13; Deut. 32:32; Ezek. 13:22

Jeremia 24:7

Nzi ta vaha timbilu to nzi tiva lezaku hi mina Jehova; vona va tava vanhu va mina, mina nzi tava Nungungulu wabye, loku va tlhelela ka mina hi mbilu yabye yontlhe. Deut. 30:6; Maheb. 8:10

Jeremia 26:3

Kutani va ta ingisa, munwe ni munwani a hunzuluka ndleleni yakwe yo biha, lezaku kasi nzi nga va neheli a khombo legi nzi xuvileko a ku va mahela hi kota ya zimaho zabye zo biha. Jer. 18:8, 11; Jona 3:10

Jeremia 35:15

Mina nzi mu rumele kambe ni kambe wontihe a malanza ya mina a vaprofeti, nziku: Hunzulukani munwe ni munwani ndleleni yakwe yo biha, mu chukhwatisa a zimaho za nwina, mu nga lanzeli a vanungungulu vanwani a ku va tirela; zonake mu ta tshama ka tiko legi nzi nga nyika nwina ni vararu va nwina. Kanilezi a mu riyangi tindleve hambu ku nzi ingisa. 2 Tih. 17:13; Jer. 18:11

Jeremia 36:7

Kutani va ta khongela mahlweni ka Jehova, va hunzuluka munwe ni munwani mahanyeleni yabye yo biha. Hakuva a khulo ga Jehova ga hombe ni xiviti lexi a sinako a xi wulile hi lava vanhu.

Ezekieli 12:3

Hikwalaho wena nʼwana wa munhu, ti longisele a nhunzu ya ku famba hangalasiweni, u suka ni hlikanhi kuwoneni kabye; u ta rura na va kari va zi wona, kutani va ta zi pima lezaku mba yindlu ya mihluwukwa.

Ezekieli 18:23

Nzi wa ta tsakela a kufa ka loyi wa kubiha ke? ku wula Hosi Jehova, nzi nga tsakeli lezaku a hunzuluka ndleleni yakwe a hanya ke?

Zefania 2:3

Hlotani Jehova nwina nwentlhe va koramileko va tiko, lava mumahako a zileletelo zakwe; hlotani kululama, mu hlota ku ti tsongahata; kutani mu ta fihlala a sikwini ga zanga ya Jehova.

Mateu 13:15

Hakuva a timbilu ta lava vanhu ti nonohile, A tindleve tabye a ti hatlisi ku ingisa, Ni mahlo yabye ma tsimbile; Ku nga taku va wona hi mahlo yabye, Vazwa hi tindleve tabye, Va pima hi timbilu tabye, Va hunzuluka, nzi va hanyisa. Maheb. 5:11

Marku 4:12

kasi hi ku wona, va ta wona, kanilezi va nga wonisisi; hi kuzwa va tazwa, kanilezi va nga zi pimi; ku nga taku va hunzuluka va tsetselelwa kuonha kabye Isa. 6:9; Mat. 13:14; Rom. 11:8

Luka 20:13

A nwinyi wa xivini aku ngalo: Nzi ta maha yini ke? Nzi ta ruma a nʼwana wa mina loyi nzi mu ranzako, kutani va tava ni xichawo ka yena.

Mitiro 26:18

a kuva u vulula mahlo yabye, kasi va huma munyameni vata kuwonekeleni, va suka ntanweni wa Satani vata ka Nungungulu, lezaku va tsetselelwa zionho, va va ni tshomba xikari ka lava va basisilweko hi ku kholwa ka mina. Lu. 1:77, 79; Joh. 8:12; 2 Kor. 4:4; Efe. 1:11; Kol. 1:12-13

Mitiro 26:20

kanilezi a kuranga nzi loba hungu ka va le Damasku, ni le Jerusalema, ni le tikweni gontlhe ga Judia, ni ka vamatiko, nziku a va hunzuluke va tlhelela ka Nungungulu, va tira mitiro yi faneleko kuhunzuluka. Xip. 9:20; 11:26; Mat. 3:8

Mitiro 28:27

Hakuva a mbilu ya tiko legi yi nonohile, A tindleve ta gona ta nonoka ku ingisa, A mahlo yabye va tsimbile, Ku nga taku va wona hi mahlo yabye, Vazwa hi tindleve tabye, Va pima hi timbilu tabye, Va hunzuluka, nzi va hanyisa. Isa. 44:18

Mitiro 3:19

Hikwalaho ti soleni, mu hunzuluka, kasi a zionho za nwina zi fela ku vinyetelwa, kasi ku chikela a zikhati za kuhumutwa hi le ka Hosi;

Deuteronome 30:2

loku wena u tlhelela ka Jehova Nungungulu wa wena, ni loku u ingisa a gezu gakwe hi mbilu yontlhe ya wena, ni muhefemulo wontihe wa wena, wena ni vanana va wena, khwatsi hi lezi nzi ku leletelako zilo zontlhe legi siku ga nyamutlha;

Deuteronome 30:8

Zonake wena u ta tlhela u ingisa a gezu ga Jehova, u hlayisa milayo yontlhe leyi nzi ku leletelako nyamutlha.

Deuteronome 5:29

Ko khwatsi va ngava ni timbilu ta xichavo ha mina, va hlayisa milayo ya mina yontlhe xontlhe xikhati; va wa ta tshameka ni vanana vabye kala kupinzuka!

2 Pedro 3:9

A Hosi a yi hlweli ku maha lezi yi nga tsumbisa zona, kota lezi vanwani va alakanyako lezaku ya hlwela. Kanilezi yi timisela ha nwina, hakuva a yi ranzi lezaku ku lova ni munwe, kanilezi yi ranza lezaku vontlhe va hunzuluka. Isa. 30:18; Ezek. 33:11; Hab. 2:3

1 Samueli 7:3

Zonake Samueli i lo wulawula ka yontlhe yindlu ya ka Israeli, aku: Loku nwina mu xuva ku tlhelela ka Jehova hi timbilu ta nwina tontlhe, susani xikari ka nwina a vanungungulu va matiko ni maAxtarte, mu tiyisa timbilu ta nwina ka Jehova, mu khozela yena yece; hi kona a ta nga mu tlhatlhisa mandleni ya vaFilistia. Deut. 6:4; Mat. 4:10; Lu. 4:8