Jeremia 32:44 - Tshwa Bible

⁴⁴ Va ta xava masimu hi mali, va tsala mapapilo ya xavo, va ma tiyisa, va vitana timboni, lomu tikweni ga Benjamini ni le matlhelweni ya Jerusalema, ni le mitini ya ka Juda, ni le mitini ya lomu zitsungeni, ni le mitini ya tiluwa, ni le mitini ya Dzonga; hakuva nzi ta wuyisa a vakhonwiwa vabye, ku wula Jehova.

Jeremia 32:44 ပူးပေါင်းရင်းမြစ်များ

Isaya 44:26

Kanilezi nza tiyisa a mhaka ya nanza ga mina, Nzi tatisa a makungo ya mitsukano ya mina. Hi mina nzi wulako ka Jerusalema, nziku: A vanhu va ta tshama ka wena, Nziku ka miti ya ka Juda; Mu ta aketwa; Nzi ta vuxa a marumbi ya kona.

Jeremia 13:19

A miti ya le Dzongeni yi valilwe, A nga kona a to yi vulula; Vontlhe va ka Juda va yisilwe kukhonweni, A ku salangi ni munwe.

Jeremia 17:26

Va tata hi le mitini ya Juda, ni le matlhelweni ya Jerusalema, ni le tikweni ga Benjamini, ni mikoveni, ni le zitsungeni, ni le Dzongeni, va neha minyikelo yo hiswa ni miphahlo, ni minyikelo ya mapa, ni hlakati, ni minyikelo ya ku khesa lomu ndlwini ya Jehova.

Jeremia 30:18

Jehova i ngalo: Nzi ta wuyisa a vakhonwi va matenda ya Jakobe, Nzi ta zwela wusiwana wuakelo gakwe; A muti wu ta akiswa nhulwini ya wona, A yindlu ya wuhosi yi ta tshama kota kutolovela.

Jeremia 30:3

Hakuva ma hata masiku, ku wula Jehova,, lawo nzi to tlhelisela ha wona a vabohiwa va vanhu va mina va Israeli na Juda, ku wula Jehova. Nzi ta va wuyiseta tikweni legi nzi hileko a vakoko vabye, va ta gi fumela.

Jeremia 31:23

Jehova wa tiyimpi, Nungungulu wa Israeli, i ngalo: Va ha ta wula gezu legi a tikweni ga Juda ni lomu mitini yabye, loku nzi wuyisile lavava nga wukhumbini, vaku: Jehova a ku katekise, wena wuako ga nongameto, Wena xitsunga xi basileko!

Jeremia 32:10

Nzi lo tsala a papilo ga xavo, nzi gi tiyisa, na nzi hi ni timboni; zonake nzi lo pima mali xikalweni.

Jeremia 32:37

Langutani, nzi ta va tsombanyisela hi le matikweni wontihe, lawo nzi va hlongoleleko kona a zangeni ya mina ni xiviti xa mina ni khulo ga hombe; nzi ta tlhela nzi va wuyisa ka legi wutshamu, nzi va maha va tshamiseka. Deut. 30:3; Jer. 30:10

Jeremia 33:11

ku ta zwala a gezu ga nkulungwani ni ga litsako, a gezu ga muteki ni ga mutekiwa, ni gezu ga lava vange: Khesani Jehova wa tiyimpi, hakuva i nene, hakuva a wuxinji gakwe ga kala kupinzuka; ni magezu ya lava va nehako minyikelo ya kubonga a ndlwini ya Jehova. Hakuva nzi ta wuyisa lava va khomilweko ka legi tiko, va ta kotisa xikhatini xa kale, ku wula Jehova.

Jeremia 33:13

Lomu mitini ya le zitsungeni, ni le mitini ya tiluwa, ni lomu mitini ya Dzonga, ni le tikweni ga Benjamini, ni lomu matlhelweni ya Jerusalema, ni lomu mitini ya Juda, a mitlhambi ya ha ta hunza hi mandleni ya vahlayi, ku wula Jehova.

Jeremia 33:26

zonake nzi ta tsika a pswalo wa Jakobe ni wa Davida a nanza ga mina, lezaku nzi nga ha dzuki nzi teka xikari ka vana vakwe loyi a ta nga fumela a lixaka la Abrahama, Isaka na Jakobe, hakuva nzi ta wuyisa a vakhomiwa vabye nzi va hawukela.

Jeremia 33:7

Nzi ta wuyisa a vakhonwiwa va ka Juda na Israeli, nzi ta va akisa kota kale.

Obadia 1:19

A va le Dzongeni va ta fumela a xitsunga xa Esau; lava va le mikoveni va ta fumela a maFilistia. Va ta fumela a tiko ga Efraime ni tiko ga Samaria; na Benjamini i ta fumela a tiko ga Gileade.

Obadia 1:20

A vakhonwi va yimpi ya ka Israeli, lava va nga le wukhumbini, va ta fumela a tiko ga Kanani kala le Zarefate; ni vakhonwi va le Jerusalema lava va nga le Sefarade va ta ti tekela a miti ya tlhelo ga Dzonga.

Zefania 2:7

Gi tava tiko ga misalela ya ka Juda, va ta risela lomo a mitlhambi yabye. Laha gambyeni va ta etlela tindlwini ta ka Axkeloni, hakuva Jehova a Nungungulu Wabye i ta va alakanya, a tlhelisela a vakhonwi yabye.

Zakaria 7:7

Kasi a mu tivi a timhaka leti Jehova a nga ti wulawula hi vaprofeti va kale, a xikhatini lexi a vaaki va Jerusalema va nga vuvuma zinwe ni miti leyi yi gi ranzeleko, a tlhelo ga Dzonga ni le mikoveni na ka ha akilwe ke?