Jeremia 32:17 - Tshwa Bible

¹⁷ Hosi Jehova, hi wena u vangileko a tilo ni misava hi ntamu wa wena wa hombe ni woko ga wena gi nawulutilweko; a ku na nchumu xi tsanzako ka wena; Gen. 18:14; Lu. 1:37

Jeremia 32:17 ပူးပေါင်းရင်းမြစ်များ

Genesisi 18:14

Kasi xi kona xilo xi tsanzako Jehova ke? Hi xikhati xi yimisilweko nzi ta Wuya kambe ka wena ha nwakani, Sara i tava ni nwanana. Lu. 1:37

2 Tihosi 19:15

Hezekia i lo khongela ka Jehova, aku: Jehova Nungungulu wa ka Israeli, loyi a tshamileko hehla ka makerubima! Hi wena wece a Nungungulu wa matiko wontihe ya misava; hi wena u nga maha a tilo ni misava. 1 Sam. 4:4; Tis. 80:2; 99:1

2 Tihosi 3:18

Kambe xilo xo hehuka mahlweni ka Jehova; i ta nyikela ni vaMoabi mandleni ya nwina.

Nehemia 9:6

Wena u Jehova, wena wece; hi wena u mahileko tilo ni matilo ya matilo, ni tiyimpi ta wona tontlhe, ni misava ni zontlhe zi nga ka yona, ni mabimbi ni zontlhe zi nga ka wona, u zi hanyisa zontlhe; a yimpi ya le tilweni yi khozela wena. Isa. 37:16, 20; Miti. 4:24

Joba 42:2

Mina nza zi tiva lezaku wena wa zi kota ku maha zilo zontlhe, Ni lezaku a kuxuva ka wena a ku na ku tsanzekiswa.

Tisimu 102:25

Kale na u vekile a xiseketelo xa misava, A matilo i ntiro wa mandla ya wena. Maheb. 1:10

Tisimu 136:12

Hi canja ga ntamu ni woko gi nawulutilweko, Hakuva a wuxinji gakwe ga kala kupinzuka. Deut. 4:34

Eksodusi 20:11

Hakuva hi ntlhanu wa masiku hi ginwe, Jehova i mahile tilo ni misava, ni bimbi, ni zontlhe zi nga ka zona; kanilezi i lo humula hi siku ga wuntlhanu ni mambiri; hikwalaho Jehova i katekisile a siku ga sabado a gi basisa. Gen. 2:2

Isaya 42:5

I wuta lezo Nungungulu Jehova, Loyi a vangileko tilo, a gi andlala, Loyi a anekileko misava ni lezi zi milako ka yona; Loyi a nyikileko kuhanya ka vanhu va nga ka yona, A nyika moya ka tava va famba-fambako ka yona. Neh. 9:6; Joba 33:4

Isaya 44:24

Jehova, a mutiruli wa wena, Loyi a ku wumbileko rumbyini ga nyine wa wena, i ngalo: Nzi Jehova loyi a mahako zilo zontlhe, Nzi andlele a matilo ha nzoce Nzi andlala a misava ha nzoce. Joba 9:8; Jer. 32:17

Isaya 45:12

Hi mina nzi mahileko misava, Nzi vanga vanhu hehla ka yona; I mandla ya mina ma andleleko matilo, Nzi hloma a mabutho ya wona wontihe.

Isaya 59:1

Langutani, a woko ga Jehova a gi komangi go kala gi tsanzeka ku hanyisa, Ni ndleve yakwe a yi valekangi ko kala yi tsanzeka kuzwa. Mitse. 11:23; Isa. 50:2

Jeremia 1:6

Nzi lo hlamula, nziku: Oho, Hosi Jehova! Cuwuka, a nzi zi tivi ku wulawula, hakuva nza hi nwanana. Ekso. 4:10; 6:12

Jeremia 14:13

Zonake nzi te ngalo: Ha, Hosi Jehova, a vaprofeti va wula kabye, vaku: Mu nga ta wona supado, hambu kuva ni ndlala; kanilezi nzi ta mu nyika a kurula ku tiyileko a wutshanwini legi.

Jeremia 21:2

Hi nga hi wutisela a ka Jehova, hakuva Nebukadrezzare, a hosi ya Babuloni, wa hi hlasela; kutani Jehova i ta hi mahela a masingita yakwe, lezaku yena a suka ka hina.

Jeremia 27:5

Hi mina nzi vangileko misava, ni vanhu ni zihari zi nga kona misaveni, hi ntamu wa mina wa hombe ni woko ga mina gi nawulutilweko; nza yi nyika ka loyi nzi ranzako a ku mu nyika yona. Jer. 32:17; Dan. 4:29

Jeremia 32:27

Hi mina Jehova, a Nungungulu wa nyama yontlhe; xi kona leʼxi nga nzi tsanzako ke? Mitse. 16:22

Jeremia 33:3

Vitana ka mina, nzi ta ku hlamula, nzi ku komba zilo za hombe, leʼzi fihlilweko lezi u nga zi tiviko.

Jeremia 4:10

Zonake nzi lo wula mina, nziku: Ha, Hosi Jehova, hakunene u khohlisile nguvu a vanhu lava ni Jerusalema, uku: Nwina mu tava ni kurula. Kasike a supado ya va tlhava, va kusuhi ni kufa. 2 Tih. 22:18; Jer. 14:13

Jeremia 51:15

I vangile misava hi ntamu wakwe, A seketela tiko hi wutivi gakwe, Hi kupima kakwe i tshambulutile tilo.

Jeremia 51:19

Loyi a nga xiavelo xa ka Jakobe a nga fanani na zona; Hakuva hi yena muvangi wa zilo zontlhe; Israeli lixaka la tshomba yakwe, Jehova wa tiyimpi hi vito gakwe.

Ezekieli 11:13

Laha nzi nga wa profeta, Pelatia nʼwana Benaia i lofa. Zonake nzi lowa hi nghohe nziba huwa hi gezu ga hombe, nziku: Hosi Jehova! u ta lovisa bhi a misalela ya ka Israeli ke? Isa. 10:20; Ezek. 9:8

Ezekieli 9:8

Laha va nga kari va hlasela, mina na nzi sele nzhako, nzi lowa hi nghohe ya mina, nzi rila, nziku: Ha, Hosi Jehova! u ta lovisa vontlhe vaIsraeli lava va seleko hi ku chulula a zanga ya wena hehla ka Jerusalema ke?

Danieli 2:22

Wa dlunyatisa lezi zi etileko ni mifihlakalo; wa tiva leʼzi nga munyameni, ni kuwonekela ku zinwe naye. 1 Kor. 2:10

Danieli 6:20

Loku yi chikele nkeleni yi lo vitana Danieli hi gezu ga kukarateka, yi ku: Danieli, nanza ga Nungungulu a hanyako, a Nungungulu loyi u mu khozelako xontlhe xikhati i zi kotile ku ku ponisa tinghaleni ke?

Zakaria 12:1

A mhaka ya xiprofeto xa Jehova ha Israeli. Jehova loyi a tshambutelako matilo, a yimisa xiseketelo xa misava, a wumba moya wa munhu nzeni kakwe, i ngalo:

Zakaria 8:6

Jehova wa tiyimpi i ngalo: Hambu loku a mhaka leyi yi nga tsanza a kuwoneni ka misalela ya vanhu lava a masikwini lawo, yi wa ta tsanza mahlweni ya minawu ke? ku wula Jehova wa tiyimpi.

Mitsengo 11:23

Jehova i te ngalo ka Mosi: Xana a canja ga Jehova gi komile ke? Makunu wena u ta wona zalezi kutani timhaka ta mina ti ta maheka kutani ti nga ta maheka. Isa. 50:2; 59:1

Mateu 19:26

Jesu i lo va cuwuka, aku: Ka vanhu a zi koteki, kanilezi zilo zontlhe za koteka ka Nungungulu. Gen. 18:14; Lu. 1:37

Marku 10:27

Jesu i lo va cuwuka, aku: Ka vanhu a zi koteki, kanilezi a zi tsanzi ka Nungungulu; hakuva zontlhe za koteka ka Nungungulu. Jer. 32:17; Mat. 19:26; Lu. 1:37

Luka 1:37

Hakuva a ku na xilo xi nga mu tsanzako Nungungulu. Gen. 18:14; Jer. 32:17; Rom. 4:21

Luka 18:27

Kanilezi yena aku ngalo: A zilo lezi zi nga kotekiko ka vanhu, za koteka ka Nungungulu. Jer. 32:17; Zak. 8:6; Mat. 19:28

Mitiro 14:15

vaku: Madota, Hiyini mu mahako lezi zilo? Hinawu hi vanhu va tshamela ginwe na nwina, hi mu nehela a ivangeli, lezaku kasi ma fela ku tsika lezi zi nga nyawuliko, muta ka Nungungulu loyi a hanyako, loyi a nga maha tilo ni misava ni bimbi, ni zontlhe lezi zi nga ka zona; Jak. 5:17; 1 Sam. 12:21; 1 Tes. 1:9

Mitiro 15:18

Ku wula Hosi, leyi yi tivekisako lezi zilo hi kale ka matiko.

Mitiro 17:24

Nungungulu loyi a nga maha misava ni zontlhe zi nga ka yona, yena loyi a nga Hosi ya tilo ni misava, a nga tshami titempeleni leti ti akilweko hi mandla. Xip. 7:48; 14:15; Mat. 11:25

Kuvululelwa 4:11

Hosi ya hina ni Nungungulu wa hina, wena u fanele ku amukela kukhesiwa ni kudumiswa ni ntamu; hakuva hi wena u nga vanga zilo zontlhe, hi kota ya kuranza ka wena zi kona, zi vangilwe. Gen. 1:1; Miti. 17:24; Xip. 5:12