Jeremia 31:34 - Tshwa Bible

³⁴ A vaakelani va nga ta ha gonzisana, Munhu a nga ta gonzisa makabye, aku: Tiva Jehova! Hakuva vontlhe va ta nzi tiva, Kusukela ka vatsongwani vabye kala vahombe, ku wula Jehova. Hakuva nzi ta va tsetselela a kubiha kabye, Cima nzi nga ta ha alakanya a zionho zabye. Mika 7:18; Joh. 6:45; Rom. 11:27

Jeremia 31:34 ပူးပေါင်းရင်းမြစ်များ

1 Kronekele 28:9

Wena nwananga Solomoni, tiva Nungungulu wa dadani wa wena, u mu khozela hi mbilu yi basileko ni kutsaka ka muhefemulo; hakuva Jehova wa kamba timbilu tontlhe, a tiva a timhaka tontlhe ta maalakanyo ya mbilu. Loku wena u mu hlota, u ta mu kuma; kanilezi loku wena u mu tsika, yena i ta ku hoxa kule kala kupinzuka. Isa. 55:6; Jer. 11:20; Kuv. 2:23

Tisimu 25:7

U nga alakanyi a zionho za wuswa ga mina, Ni zihambunyeto za mina; Nzi alakanye hi wuxinji ga wena, Hi kota ya wunene ga wena, Jehova. Joba 13:26; Jer. 31:19

Isaya 11:9

A xitsungeni xontlhe xa mina xa kubasa ku nga ta gohiwa nchumu hambu ku onhiwa, Hakuva ku tiva Jehova ku tava ku enetile misava, Khwatsi hi lezi a mati ma fenengetiieko a kueta ka bimbi.

Isaya 29:24

Lava a moya wabye wu hambukileko va ta gonza wutlhari, Ni lava va nga kalala va ta kuma wutivi.

Isaya 30:26

A nweti wu ta fanana ni kuwonekela ka gambo, ni kuwonekela ka gambo ku ta engetelwa hi ka ntlhanu ni kumbiri, kukotisa kuwonekela ka ntlhanu wa masiku ni mambiri, hi siku legi Jehova a ta nga bohelela a timbanga ta tiko gakwe, a holisa a timbirimbi ta kubiwa kabye.

Isaya 33:24

A ku na muaki ni munwe a ta ngaku: Nza babya! A vanhu va akileko lomu va ta tsetselelwa zionho zabye. Joeli 3:10; Zak. 12:8

Isaya 33:6

Mu ta tshameka masikwini ya wena, A wutlhari ni wutivi gi ta vanga kuhanyiswa; Ni kuchava Jehova hi tshomba ya Zioni.

Isaya 38:17

A hlomulo loʼwa hombe wa mina wu nzi nehele kurula; Hi liranzo la wena u humesile moya wa mina rinzini ga kubola; Hakuva u hoxile zionho za mina zontlhe lenzhako ka wena.

Isaya 43:25

Hi mina ntsena nzi vinyako a zihambunyeto za wena hi kota ya mina wutsumbu, Ni zionho za wena nzi nga ta ha zi alakanya.

Isaya 44:22

Nzi vinyile a zihambunyeto za wena khwatsi i refu, Ni zionho za wena khwatsi i hunguva. Tlhelela ka mina, hakuva nzi ku tirule.

Isaya 52:6

Hikwalaho a tiko ga mina gi ta tiva a vito ga mina, hikwalaho va ta tiva hi siku gwalego lezaku hi mina loyi nzinge: Nzi mina yena.

Isaya 54:13

Vontlhe a vana va wena va ta maha vapizani va Jehova, A vana va wena va tava ni kurula ka hombe. Joh. 6:45; Rom. 5:1

Jeremia 24:7

Nzi ta vaha timbilu to nzi tiva lezaku hi mina Jehova; vona va tava vanhu va mina, mina nzi tava Nungungulu wabye, loku va tlhelela ka mina hi mbilu yabye yontlhe. Deut. 30:6; Maheb. 8:10

Jeremia 32:40

Nzi ta maha navo a xivumelwano xi nga gumelwiko, lezaku nzi nga ta va fularela, nzi nga tsiki ku va katekisa; nzi veka xichawo xa mina timbilwini tabye, lezaku va nga ha nzi fulareli.

Jeremia 33:8

Nzi ta va basisa kubiheni kabye kontlhe loku va nzi onheleko ha kona; nzi va tsetselela a zigoho zabye zontlhe lezi va nzi vukeleko ha zona, lezi va nga hambuka ha zona mahlweni mina, Ezek. 36:25; Zak. 13:1; Miti. 10:43

Jeremia 50:20

A masikwini ya xikhati lexo, ku wula Jehova, a kugoha ka Israeli ku ta labyiwa, kanilezi ku nga ha ta kuva kona; ni zionho za ka Juda zi nga ta kumiwa, hakuva nzi ta rivalela lava nzi ta nga va siya kota misalela.

Jeremia 9:23

Jehova i ngalo: A tlhari ngha yi nga ti dzunzi hi wutlhari ga yona, Ni nghwazi ngha yi nga ti dzunzi hi wunghwazi ga yona. Hambu loyi a fumileko a nga ti dzunzi hi kufuma kakwe.

Hosea 2:20

Nzi ta ku teka hi kutsumbeka, na wena u ta tiva Jehova.

Mika 7:18

Hi wihi a Nungungulu loyi a fananako na wena, loyi a tsetselelako kubiha, a rivalelako a zihambunyeto za misalela ya tshomba yakwe ke? Wena a ku zangari kala kupinzuka, hakuva wa tsaka ku zwela wuxinji. Ekso. 15:11; Jer. 10:6; Miti. 10:43

Mika 7:19

U ta tlhela u hi zwela wusiwana, u kanzihela a zigoho za hina; u ta hoxa zontlhe zionho za hina bimbini.

Habakuka 2:14

Hakuva a misava yi ta tala hi ku tiva a wukulu ga Jehova, kota lezi a kueta ka bimbi ku fenengetwako hi mati.

Mateu 11:27

Zilo zontlhe zi nyikilwe ka mina hi Dadani; a ku na munhu loyi a tivako Nʼwana, sine Dadani yece; hambu ni wa ku tiva Dadani, sine Nʼwana yece, ni wihi loyi a Nʼwana a ranzako ku mu wonekelisa ka yena. Lu. 10:22; Joh. 3:35; 1 Kor. 15:27

Luka 1:77

A kuva u tivisa vanhu va yona hi kuhanyiswa Kutsetselelweni ka zionho zabye,

Johani 17:3

A wutomi ga pinzukelwa hi kuva va ku tiva, wena Nungungulu wece wa zinene, na Jesu Kristu loyi u mu rumileko. Isa. 53:11; Jer. 9:24; 1 Kor. 8:4; Xip. 3:34; 7:29

Johani 17:6

Nzi wonekelisile a vito ga wena ka vanhu lava u va tekileko tikweni u nzi nyika vona; va wa hi va wena, zonake u nzi nyikile vona; va yi hlayisile a mhaka ya wena. Tis. 22:22; Xip. 6:37, 39

Johani 6:45

Lomu bhukwini ga vaprofeti ku tsalilwe, ku ngalo: Vontlhe va ta gonziswa hi Nungungulu. Loyi a ingisileko Dadani, a gonza ka yena, wata ka mina. Isa. 54:13; Jer. 31:34; Mika 4:2

Mitiro 10:43

Hi yena loyi a vaprofeti vontlhe va mu mahelako wukustumunyu, lezaku munwe ni munwani a kholwako ka yena, i ta amukela a kurivalelwa ka zionho. Isa. 53:11; Jer. 31:34; Gal. 3:22

2 Va le Korinte 2:10

Loyi nwina mu mu tsetselelako, na minawu nza mu tsetselela; hakuva loku rizi tsetselele munhu nchumu, nzi mu tsetselele hi kota ya nwina a mahlweni ka Kristu,

2 Va le Korinte 4:6

Hakuva Nungungulu loyi a ngaku ngalo: A kuwonekela ku ta woninga hi le munyameni, hi yena a nga woninga timbilwini ta hina, kasi ku woningela vanhu lezaku va tiva a kungangamela ka Nungungulu loku ku nga kona nghoheni ya Kristu. Gen. 1:3; Tis. 27:1; Isa. 2:5; Efe. 5:8, 14; 2 Ped. 1:19

Va le Efesusi 1:7

Hi kuma ha yena a kutirulwa ka hina hi kota ya nkhata wakwe, ku nga kutsetselelwa ka zihambuko za hina, hi ku ringana ni kutala ka tipswalo takwe, Rom. 3:24; Maheb. 9:12

1 Va le Tesalonika 4:9

Xungetano ni ku ranza vamakabye a zi laveki lezaku nzi mu tsalela ha kona; hakuva nwina wutsumbu mu gonzisilwe hi Nungungulu a kuva mu ranzana, Jer. 31:34; Joh. 6:45; 13:34; 1 Joh. 2:20

Maheberu 5:12

Hakuva hambu lezi mu nga fanekele kale a kuva mu maha vagonzisi, ka ha laveka ka nwina lezaku munhu a mu gonzisa a zigonzo zo ranga za timhaka ta Nungungulu; ma ha hi lava va lavako masi, na ku nga hi kuga ku tiyileko. 1 Kor. 3:1, 2, 3; Xip. 6:1

Maheberu 8:11

A vaakelani va nga ta ha gonzisana, Munhu a nga ta gonzisa makabye, aku: Tiva Jehova! Hakuva vontlhe va ta nzi tiva, Kusukela ka vatsongwani vabye kala vahombe Isa. 54:13; Joh. 6:45

Maheberu 8:12

Hakuva nzi ta maha wuxinji nzi va tsetselela a kubiha kabye, Cima nzi nga ta ha alakanya a zionho zabye. Rom. 11:27

1 Johani 2:20

Nwina mu totilwe hi Loyi wa Kubasa, ma zi tiva zilo zontlhe. Joh. 10:4, 5; Miti. 3:14; Maheb. 1:9

1 Johani 2:27

Kanilezi a kutotiwa loku mu ku amukeleko hi ka yena ku tshamile ka nwina, a za ha laveki lezaku mu gonziswa hi munhu; kanilezi kota lezi a kutota kakwe ku mu gonzisako zontlhe zi nga zinene, na ku nga hi na wunwa, tshamani ka yena kota lezi ku mu gonzisileko. Jer. 31:33; Joh. 14:26; Maheb. 8:10

1 Johani 5:20

Ha zi tiva lezaku a Nʼwana wa Nungungulu i tile, i hi nyikile kupima kasi ha mu tiva loyi wa zinene, hi kona ka loyi wa zinene, ka yena Nʼwana wakwe Jesu Kristu. Hi yena Nungungulu wa zinene, ni wutomi legi ga pinzukelwa. Isa. 44:6; Lu. 24:45; Joh. 17:3

1 Samueli 2:12

A vana va Eli va wa hi vavanuna vo biha. Va wa nga mu tivi Jehova.