Jeremia 30:18 - Tshwa Bible

¹⁸ Jehova i ngalo: Nzi ta wuyisa a vakhonwi va matenda ya Jakobe, Nzi ta zwela wusiwana wuakelo gakwe; A muti wu ta akiswa nhulwini ya wona, A yindlu ya wuhosi yi ta tshama kota kutolovela.

Jeremia 30:18 ပူးပေါင်းရင်းမြစ်များ

1 Kronekele 29:1

Hosi Davida i te ngalo ka tlhangano: A nʼwana wa mina Solomoni, loyi ku nga yena a hlawulweko hi Nungungulu, wa hi tsongwani, a nga se ngava ni ntamu, kanilezi a ntiro ngwa hombe, hakuva a yindlu leyo a hi ya munhu, kanilezi nja Jehova Nungungulu.

1 Kronekele 29:19

U nyika ka nʼwana wa mina Solomoni a mbilu yi mbheleleko a ku hlayisa milayo ya wena, ni timhaka ta wena, ni zileletelo za wena, ni ku maha a zilo lezi zontlhe, ni ku aka a yindlu leyi nzi yi longiseleko!

Nehemia 7:4

Makunu a muti wu wa anamile na wu hi wa hombe, kanilezi a vanhu va nga hi nzeni ka wona va wa hi vatsongwani, a tiyindlu ti wa nga se aketwa.

Tisimu 102:13

Wena u ta vuka u mahela wuxinji Zioni, Hakuva makunu xikhati xa ku mu tsetselela; Futsi, a xikhati xi yimisilweko xi chikele.

Tisimu 102:14

Hakuva a malanza ya wena ma ranza a maribye ya wona, Ma zwela wusiwana a ntshuri wa wona.

Tisimu 122:7

A kuve kona kurula lomu nzeni ka tigingisi ta wena, Ni kuvuvuma lomu ziluvelweni za wena.

Tisimu 48:13

Cuwukisani khwatsi a ligingisi la gona, Mu langutela a tiyindlu ta gona ta wuhosi, Kasi ma fela ku tlhatlhambutela ka xizukulwana xa ha tako.

Tisimu 48:3

Lomu tindlwini ta wona ta wuhosi Nungungulu i tibyiwa kota wuchavelo.

Tisimu 78:69

I akile a wutshamu gakwe ga kubasa gi tlakuka khwatsi i tilo, Gi tiya kota misava leyi a yi tiyisileko kala kupinzuka.

Tisimu 85:1

Jehova, u katekisile a tiko ga wena, U wuyisile a vakhomilweko va Jakobe.

Isaya 44:26

Kanilezi nza tiyisa a mhaka ya nanza ga mina, Nzi tatisa a makungo ya mitsukano ya mina. Hi mina nzi wulako ka Jerusalema, nziku: A vanhu va ta tshama ka wena, Nziku ka miti ya ka Juda; Mu ta aketwa; Nzi ta vuxa a marumbi ya kona.

Isaya 44:28

Nzi wula ka Kurusi, nziku: Murisi wa mina! I ta maha kontlhe kuranza ka mina; A ka Jerusalema i taku: U ta aketwa; Ni ka tempeli: A xiseketelo xa wena xi ta akiwa luswa.

Jeremia 23:3

Mina wutsumbu nzi ta hlengeleta a misalela ya tiyivu ta mina, ti huma matikweni wontihe lomu nzi ti hangalasileko kona, nzi ti tlhelisela marangeni ya tona; ti ta pswala ti enzeleka.

Jeremia 29:11

Hakuva nza alakanya lezi nzi xuvako ha nwina, ku wula Jehova: maalakanyo ya kurula, na ma nga hi ya khombo, lezaku mu tsumba a masiku ma ha tako.

Jeremia 29:14

Nzi ta kumiwa ha nwina, ku wula Jehova, nzi ta tlhelisela a vakhonwi va nwina, nzi ta mu tsombanyisa hi matikweni wontihe ni matlhelweni wontihe lawa nzi mu hangalasileko kona, ku wula Jehova; nzi ta tlhela nzi mu wuyisa ka wutshamu legi nzi mu hlongoleko ka gona muya wukhumbini. Deut. 30:1; Tis. 106:45

Jeremia 30:3

Hakuva ma hata masiku, ku wula Jehova,, lawo nzi to tlhelisela ha wona a vabohiwa va vanhu va mina va Israeli na Juda, ku wula Jehova. Nzi ta va wuyiseta tikweni legi nzi hileko a vakoko vabye, va ta gi fumela.

Jeremia 31:23

Jehova wa tiyimpi, Nungungulu wa Israeli, i ngalo: Va ha ta wula gezu legi a tikweni ga Juda ni lomu mitini yabye, loku nzi wuyisile lavava nga wukhumbini, vaku: Jehova a ku katekise, wena wuako ga nongameto, Wena xitsunga xi basileko!

Jeremia 31:38

Languta, a masiku mata, ku wula Jehova, lawo a muti wu to akeliwa Jehova ha wona, a kusukela khokholeni ga Hananeli kala nyangweni ya khuzu.

Jeremia 31:4

Nzi ta ku aketa, u tava u akilwe, wena nhwana wa Israeli; U ta tlhela u ti longisela a zikhitsi, U huma u ya kina hi kutsaka. Ekso. 15:20; Vala. 11:34; Tis. 68:25

Jeremia 31:40

Ni nkova wontihe wa zirumbi ni wa khuma, ni masimu wontihe kala congweni wa Kidroni, ni ku chikela gwitsini ga Livati la mahaxi ngomama wuceni, zi ta basiselwa ka Jehova; ku nga ta ha runzuwulwa hambu ku khungumulwa kala kupinzuka.

Jeremia 32:15

Hakuva Jehova wa tiyimpi, a Nungungulu wa ka Israeli, i ngalo: Ma ha ta xava a tiyindlu ni masimu ni zivina a tikweni legi.

Jeremia 32:44

Va ta xava masimu hi mali, va tsala mapapilo ya xavo, va ma tiyisa, va vitana timboni, lomu tikweni ga Benjamini ni le matlhelweni ya Jerusalema, ni le mitini ya ka Juda, ni le mitini ya lomu zitsungeni, ni le mitini ya tiluwa, ni le mitini ya Dzonga; hakuva nzi ta wuyisa a vakhonwiwa vabye, ku wula Jehova.

Jeremia 33:11

ku ta zwala a gezu ga nkulungwani ni ga litsako, a gezu ga muteki ni ga mutekiwa, ni gezu ga lava vange: Khesani Jehova wa tiyimpi, hakuva i nene, hakuva a wuxinji gakwe ga kala kupinzuka; ni magezu ya lava va nehako minyikelo ya kubonga a ndlwini ya Jehova. Hakuva nzi ta wuyisa lava va khomilweko ka legi tiko, va ta kotisa xikhatini xa kale, ku wula Jehova.

Jeremia 33:7

Nzi ta wuyisa a vakhonwiwa va ka Juda na Israeli, nzi ta va akisa kota kale.

Jeremia 46:27

Kanilezi u nga chavi, wena Jakobe, nanza ga mina, U nga dzukiswi wena Israeli; Hakuva nzi ta ku humesa tikweni ga le kule, Ni vana va wena tikweni ga wukhumbi gabye. Jakobe i ta wuya, a ta tshameka khwatsi, Ku nga tava kona wo mu chavisa.

Jeremia 49:39

Kanilezi a masikwini yo gumesa nzi ta tlhelisela Elami a vakhonwilweko vakwe, ku wula Jehova.

Jeremia 49:6

Kanilezi anzhako ka xikhati nzi ta tlhelisela a vana va ka Amoni lava va nga le wukhumbini, ku wula Jehova. A xiprofeto ha Edome.

Ezekieli 36:11

Hehla ka nwina nzi ta anzisa a vanhu ni zihari, zi ta anza zi beleka. Mu tava ni vaaki kota kusanguleni, nzi ta maha khwatsi ka nwina ni ku hunza kusanguleni ka nwina; mu ta zi tiva lezaku hi mina Jehova.

Amosi 9:14

Nzi ta tlhelisela a vabohiwa va vanhu va mina va Israeli, va ta aketa a miti leyi yi nga hi marumbi va tshama ka yona; va ta byala zivina, vanwa a vinya ga zona; va rima masimu, vaga a mihanzu ya wona. Deut. 28:30, 39; Am. 5:11

Zakaria 1:12

Zonake a ngelosi ya Jehova yiku: Jehova wa tiyimpi! kala rini na u nga hi na wuxinji ha Jerusalema ni miti ya ka Juda leyi u yi zangareleko a malembe laya ya 70 ke?

Zakaria 1:16

Hikwalaho Jehova i ngalo: Nza tlhelela Jerusalema hi wuxinji, a yindlu ya mina yi ta akiwa lomo, ku wula Jehova wa tiyimpi, zonake a lingoti la lipimo li ta tshambulutiwa hehla ka Jerusalema.

Zakaria 12:6

Hi siku lego nzi ta maha a tihosana ta ka Juda ti ku khwatsi i mbawula ya nzilo xikari ka tihunyi, khwatsi xihlahle xa nzilo xikari ka tinyanza. Ti ta lovisa matiko ya le kusuhi hi tlhelo ga xinene ni ga xibhabha; a Jerusalema gi tava wutshanwini ga gona, kwa le Jerusalema.

Zakaria 12:7

Jehova i ta ponisa kuranga a matenda ya ka Juda, kasi a wudzunzo ga yindlu ya ka Davida ni wudzunzo ga vaaki va Jerusalema gi nga hunzi legi ga Juda.

Zakaria 14:10

A tiko gontlhe kusukela Geba kala Rimmoni le Dzongeni ga Jerusalema, gi ta hunzuka livala. Jerusalema gi ta tlakuka a tshama wutshanwini gakwe, kusukela nyangweni ya Benjamini kala nyangweni yo ranga, ni ku kala nyangwa ya laha gwitsini; ni kusukela le khokholeni ga Hananeli kala le maphisweni ya hosi. Jox. 15:32; 2 Tih. 14:13; Neh. 3:1, 6