Jeremia 28:4 - Tshwa Bible

⁴ Kambe nzi ta wuyisa ka legi wutshamu Jekonia a nʼwana Jehoiakimu, hosi ya ka Juda, ni tontlhe tikhumbi ta ka Juda, ti yisilweko le Babuloni, ku wula Jehova; hakuva nzi ta pfutlata a muyoko wa hosi ya Babuloni. 2 Tih. 24:12

Jeremia 28:4 ပူးပေါင်းရင်းမြစ်များ

Genesisi 27:40

u ta hanya hi supado ya wena, u mu khozela a nakuloni. Zonake laha u ta nga kukutela a ntamu wa wena u ta phewula a gota gakwe nhanweni ya wena.

2 Tihosi 24:14

I lo khomela vontlhe va le Jerusalema, ni tinduna tontlhe, ni tinghwazi tontlhe, a famba navo. Va wa hi 10,000 wa tiperesu; i lo khomela ni vavatli vontlhe ni vafuli, ku sala a zisiwana basi.

Isaya 9:4

Hakuva u tshovile a muyoka wa nzhwalo wakwe Ni limhika li ngaba hlana wakwe, A nhonga ya mutsimbeketi wakwe u yi tshovile kukotisa sikwini ga Midiani,

Jeremia 13:19

A miti ya le Dzongeni yi valilwe, A nga kona a to yi vulula; Vontlhe va ka Juda va yisilwe kukhonweni, A ku salangi ni munwe.

Jeremia 2:20

Hakuva hi kale na u tshovile muyoko wa wena, U phewulela a tingoti ta wena, uku: Nzi nga ha ta tira. Hakuva u baramile zitsungeni zontlhe zo tlakuka. Ni lomu hasi ka tontlhe tisinya to nyuka, u maha wubhayi.

Jeremia 22:10

Mu nga rileli loyi a fileko, Mu ngabi nkosi hi kota ya yena; Kanilezi rilelani loyi a sukako, Hakuva a nga ta ha wuya, A ta wona a tiko legi a belekilweko ka gona.

Jeremia 22:24

Khwatsi hi lezi nzi hanyako, ku wula Jehova, loku ku wo khwatsi Koma a nʼwana Jehoiakimu, hosi ya ka Juda, a wa hi phera yi mehelweko canjeni ga mina ga xinene, hambu zi hi tano ngha nzi mu konole kwalaho. Xiz. 8:6; Hag. 2:24

Jeremia 24:1

Anzhako ka kuve Nebukadrezzare, a hosi ya Babuloni, a yisile kukhonweni Jekonia, a nʼwana Jehoiakimu hosi ya ka Juda, ni tihosana ta ka Juda, ni vavatli ni vabethi va nyunzu, vota hi Jerusalema, va yiswa Babuloni, Jehova i lo nzi wonisa a zirunzu zimbiri za makuwu, na zi vekilwe nyangweni ya tempeli ya Jehova. 2 Tih. 24:15; 2 Kro. 36:9

Jeremia 24:5

Jehova a Nungungulu wa Israeli i ngalo: Kota lezi vanhu va tsakako hi makuwu laʼma nene, hizalezo nzi ta tsaka hi vaJuda lava va bohilweko, nzi hlayisa khwatsi lava nzi va humesileko wutshanwini legi nzi va yisa tikweni ga maKaldea.

Jeremia 27:8

A tiko kutani mufumo lowu wu to kala ku khoza ka Nebukadnezzare, hosi ya Babuloni, va ta nga ala ku veka tinhamu tabye hasi ka muyoka wa hosi ya Babuloni, nzi taba a tiko lego hi supado, ni ndlala, ni ntungu, ku wula Jehova, kala nziku gi bhi hi woko gakwe.

Jeremia 28:10

Zonake muprofeti Hanania i lo teka a muyoko a nhanwini ya muprofeti Jeremia a wu tshoveletela.

Jeremia 28:2

Jehova wa tiyimpi, a Nungungulu wa Israeli i ngalo: Nzi pfutlatile a muyoko wa hosi ya Babuloni.

Jeremia 29:1

Makunu leti hi timhaka ta papilo legi Jeremia muprofeti a nga rumela hi le Jerusalema a ka lava va seleko va masingalakati va le wukhumbini, ni ka vapristi ni ka vaprofeti ni ka vontlhe vanhu, lavo Nebukadnezzare a nga va khoma Jerusalema va yiswa Babuloni,

Jeremia 29:2

anzhako kova Jekonia, a hosi, a humele hi le Jerusalema zinwe ni mamani wa hosi ni tinduna ni tihosana ta ka Juda ni Jerusalema, ni vavatli ni vabethi va nyunzu. 2 Tih. 24:12; Jer. 24:1

Jeremia 30:8

Hi ka siku lego, ku wula Jehova wa tiyimpi, Nzi ta pfutlata a muyoko nhanwini ya Wena, Nzi ta phewula a magota ya wena, Cima a nga ta ha fumiwa hi vamatiko.

Levi 26:13

Hi mina Jehova, a Nungungulu wa nwina, loyi nzi mu humesileko tikweni ga le Gipite, kasi mu nga mahi tikhumbi tabye. Nzi tshovile a pingo wa makhotso ya nwina, nzi mu mahile mu famba na mu lulamile muku pswi.

Nahume 1:13

Makunu nzi ta tshova a muyoka wakwe lowu wu nga ka wena, nzi phewula a mangenje ya wena.