Jeremia 25:9 - Tshwa Bible

⁹ nzi ta rumela nzi ya lava a tixaka tontlhe ta le Nwalungu, ku wula Jehova, ni ka Nebukadrezzare, a nanza ga mina a nga hosi ya Babuloni; nzi ta va tisa a kulwa ni tiko legi ni vaaki va gona, ni matiko wontihe ma gamekeneko; nzi ta va lovisela magumo, nzi ta va maha a xirewukiso, ni xiruko, ni marumbi ya kala kupinzuka.

Jeremia 25:9 ပူးပေါင်းရင်းမြစ်များ

2 Tihosi 24:2

Jehova i lo rumela a mabutho ya maKaldea, ni ya maSiria, ni ya vaMoabi, ni ya vanana va ka Amoni a ku yalwa na Jehoiakimu; i lo ma rumela a ku ya hlasela va ka Juda, khwatsi hi lezi Jehova a wulileko hi nomu wa malanza yakwe, a vaprofeti.

2 Kronekele 29:8

Hikwalaho Jehova i zangarele Juda ni Jerusalema, a va nyikela kundlengandlengisweni, va hlokiswa ni ku chepetwa, khwatsi hi lezi mu zi wonako hi mahlo ya nwina. Deut. 28:25

2 Kronekele 36:21

Kasi ku fela ku tatiseka a gezu ga Jehova legi gi wulilweko hi nomu wa Jeremia, kala a tiko gi ta ti tsakela hi masabado ya gona; gi humula xikhati xontlhe lexi kala ku mbhela 70 wa malembe. Levi 26:34; Jer. 25:12; Dan. 9:2

Mavingu 21:1

A mbilu ya hosi yi khwatsi i congo wa mati lomu canjeni ga Jehova; yi fambisa ni kwihi laha yena a ku ranzako.

Isaya 10:5

Khombo ka Assiria, a limhika la zanga ya mina! Loyi a welelako khulo ga mina khwatsi i nhonga.

Isaya 13:3

Nzi leletele a va hlawulekileko va mina, Nzi vitanile a tinhenha ta mina, leʼti tsakelako wukulu ga mina, Lezaku va tira a ntiro wa zanga ya mina.

Isaya 39:7

Va ta teka a vana va wena, lava va humako ka wena, lava u ta nga va beleka, va va maha mithenwa lomu ziluvelweni za hosi ya le Babuloni.

Isaya 44:28

Nzi wula ka Kurusi, nziku: Murisi wa mina! I ta maha kontlhe kuranza ka mina; A ka Jerusalema i taku: U ta aketwa; Ni ka tempeli: A xiseketelo xa wena xi ta akiwa luswa.

Jeremia 1:14

Jehova aku ka mina: A khombo gi tata hi le Nwalungu hehla ka vaaki vontlhe va misava.

Jeremia 1:15

Hakuva nzi ta ramba a tixaka tontlhe ta matiko ya le Nwalungu, ku wula Jehova; linwe ni linwani li ta ta yimisa xitshamu xa wuhosi xa lona laha tinyangweni ta Jerusalema, kasi ku vukela a makhurisi ma ranzelekeleko muti, ni ku vukela a miti yontlhe ya ka Juda.

Jeremia 10:22

Hi nga zwani, ku zwala guwa, A dzolonga ga hombe gi tako hi le Nwalungu, A ku ta hunzulusa a miti ya ka Juda yiva marumbi, A wutshamu ga mahlolwa.

Jeremia 12:14

Zakunghahi a wulako Jehova hi vaakelwani va mina vo biha lava va vukelako a tshomba leyi nzi hileko a vanhu va mina a vaIsraeli; Nzi ta va tsuwula tikweni gabye, ni yindlu ya ka Juda nzi ta yi tsuwula xikari kabye.

Jeremia 18:16

Lezoke va maha tiko gabye giva xirewukiso, Ni xiruko hi laʼku nga mbheliko; Lezaku ni wihi a hunzako kona a hlamala, A ziviza hloko yakwe.

Jeremia 2:15

A tinghalana ti wele hehla kakwe na ti tsewuza hi gezu ga tona, Ti hanzulela a tiko gakwe, a miti yakwe yi hisilwe ku nga tshami munhu kona.

Jeremia 20:4

Hakuva Jehova i ngalo: Nzi ta ku maha xichaviso a ka wutsumbu ga wena ni ka maxaka ya wena wontihe; vona va ta dawa hi tisupado ta valala vabye, wena wutsumbu u ta zi wona: Nzi ta nyikela gontlhe Juda a canjeni ga hosi ya Babuloni, yi ta va yisa kukhonweni le Babuloni, yi va daya hi supado.

Jeremia 24:9

A ka matlhelo wontihe va tava xichaviso ni khombo a ka matiko wontihe ya misava, va tava xihlekiso, ni vingu, a xixovo, ni xiruko lomu nzi ta nga va hangalasela kona. Deut. 28:25; 1 Tih. 9:7

Jeremia 25:8

Hikwalaho Jehova wa tiyimpi i ngalo: Kotisa lezi mu nga ingisiko a timhaka ta mina,

Jeremia 29:18

Nzi ta va hlongolisa hi supado, ni ndlala, ni ntungu; nzi ta va maha a xichaviso xikari ka mifumo yontlhe ya misava, ni kuva xiruko, ni xirewukiso ni xihlekiso, ni xixovo a ka wontihe matiko nzi to va hangalasela ka wona;

Jeremia 35:11

Kanilezi, kute loku Nebukadrezzare hosi ya Babuloni a hlasela tiko legi, hite: Tanani, hiya Jerusalema, hi suka mahlweni ka tiyimpi ta maKaldea ni ta maSiria; hikwalaho hi lo ta aka Jerusalema.

Jeremia 36:2

Ti tekele a bhuku u tsala tontlhe timhaka leti nzi ku byelileko ha Israeli na Juda, ni xungetano hi wontihe matiko, a kusukela a siku lego nzi nga wulawula na wena a masikwini ya Josia kala nyamutlha lezi.

Jeremia 36:29

U ta byela Jehoiakimu hosi ya ka Juda, uku: Jehova i ngalo: Wena u hisile bhuku legi uku: Hikuyini u tsalileko ka gona lezaku a hosi ya Babuloni yi tata yi ta hahlula tiko legi, yi mbheta vanhu ni zihari?

Jeremia 4:7

A nghala yi humele xihlahleni xa yona, ni muhahluli wa matiko I sukile wutshanwini gakwe kasi ku hangalasa a tiko ga wena, A hahlula miti ya wena, lezaku ku nga ha ala munhu ka yona.

Jeremia 40:2

A nduna ya vanyakasani yi lo vitana Jeremia yiku kakwe: Jehova a Nungungulu wa wena i wulile a khombo legi hehla ka legi wutshamu;

Jeremia 43:10

uku kabye: Jehova wa tiyimpi a Nungungulu wa Israeli, i ngalo: Nzi ta vitanisa Nebukadrezzare a hosi ya le Babuloni, a nanza ga mina, nzi ta yimisa a xitshamu xakwe xa wuhosi hehla ka maribye lawa nzi ma fihlileko; i ta gwimba a tenda gakwe ga wuhosi hehla ka wona.

Jeremia 46:20

Gipite i thokazi go saseka nguvu, Kanilezi a bhawani gata hi le Nwalungu.

Jeremia 49:19

Languta, i tata kota nghala yi humako hi lomu xihlahleni xa Jordani, yiya wugehveni go nyuka. Nzi ta mu hlongola xikanwe; ni wihi loye nzi mu hlawulako, nzi ta mu yimisa hehla ka gona. Hakuva himani a kotako mina? Himani a ta nga nzi yimisela xikhati ke? Himani murisi a ta nga tiya mahlweni ka mina ke?

Jeremia 6:1

Nwina vanana va Benjamini, tsutsumani mu huma xikari ka Jerusalema, Banani mpunzu le Tekoa, Yimisani a xikombiso xa nzilo le Betakeremi; Hakuva a khombo gita hi le Nwalungu, Ni lobyiselelo wa hombe.

Jeremia 8:16

A guwa ga mahaxi yakwe gi zwala le Dani; A tiko gontlhe gi rurumela hi kota ya kuyimba ka wona; Hakuva va tile va hetisa tiko ni zontlhe zi nga ka goha, A muti ni vontlhe va tshamako ka wona.

Ezekieli 12:20

A miti leyi yi nga ni vanhu yi ta hahlulwa, ni tiko gi ta maha xiwula; zonake mu ta zi tiva lezaku hi mina Jehova.

Ezekieli 16:40

Va ta maha tsombano wa ku ku vukela, va ku gandla hi maribye, va ku pondlisa hi tisupado tabye.

Ezekieli 21:11

I yi humesile kasi ya kutliwa yi khomiwa canjeni; yi kutlilwe ni ku lotiwa kasi ku nyikelwa mandleni ya muhlaseli.

Ezekieli 26:7

Hakuva Hosi Jehova i ngalo: Nzi ta neha Nebukadrezzare le Tire, a hosi ya le Babuloni, a hosi ya tihosi, na a suka hi le Nwalungu, ata ni mahaxi ni tikareta ta yimpi, ni vakhileli va mahaxi, ni xidlemo xa vanhu vo tala.

Ezekieli 36:5

Hikwalaho Hosi Jehova i ngalo: Hakunene nzi wulawulile hi kuhisa ka kupangama ka mina nzi vukela a matiko manwani ni gontlhe tiko ga Edome, lava va ti nyikileko a tiko ga mina a kuva va gi fumela hi migiyo ya timbilu tabye, ni xikanya xa mihefemulo, va gi maha muphango wabye.

Danieli 5:18

Wena hosi, Nungungulu a Hunzeleleko Kutlakuka i nyikile mufumo ka raru wa wena Nebukadnezzare, ni wukulu, ni wukosi, ni wudzunzo.

Habakuka 1:12

Kasi a ku sukeli kupinzukeni, wena Jehova Nungungulu wa mina, Loyi a Basileko wa mina ke? Hi nga tafa! Jehova, wena u va vekele kulamulwa; wena u nga Ribye ga hina, u va yimisele a kutsayiswa.

Habakuka 1:17

Xana i ta simama a chulula a likoka lakwe, na a nga tsiki ku daya matiko?

Deuteronome 28:37

Na wena u tava xihlamaliso ni xihlekiso, ni a xomololwako xikari ka vanhu vontlhe lavo Jehova a ta nga ku yisa ka vona. 1 Tih. 9:7; Jer. 25:9