Jeremia 24:2 - Tshwa Bible

² A xirunzu xinwe xi wa hi ni makuwu yo saseka nguvu, ku fanana ni makuwu lawa yo ranga ku buva; a xinwani xirunzu xi wa hi ni makuwu yo swara nguvu, lawa ma nga zi kotiko ku giwa, hakuva ma wa bihile nguvu.

Jeremia 24:2 ပူးပေါင်းရင်းမြစ်များ

Isaya 5:4

Xini xinwani xi nga fanele kuva xi mahilwe xivineni xa mina Lexi nzi nga xi mahangiko ke? Laha nzi nga rinzela a kuva xi pswala mauva yo nanziha, Hikuyini xi psweleko mauva yo bava ke?

Isaya 5:7

Hakuva a xivina xa Jehova wa tiyimpi hi yindlu ya ka Israeli, Ni vanhu va ka Juda xibyalo xakwe a tsakako ha xona. I wa cuwukele nongameto, kanilezi i lo kuma kuhalatiwa ka nkhata, A cuwukela kululama, kanilezi a kuma tihuwa ta kuxaniseka.

Jeremia 29:17

Jehova wa tiyimpi i ngalo: Nzi ta va rumela supado, ni ndlala, ni ntungu, nzi ta va maha kota makuwu yo biha, ma nga zi kotiko ku giwa hi kota ya kubiha ka wona.

Hosea 9:10

Nzi thumbile Israeli khwatsi mauva ya lomu xiwuleni; nzi wonile a vadadani va nwina khwatsi mihanzu yo sangula ya nkuwu wa ha tewulako. Kanilezi vona va lota le Baal-peora, va ti nyikela ka nungungulu wa tingana, vave manyalataniso ku fanana ni loyi va nga mu ranza. Mitse. 25:3; Jer. 3:24

Mika 7:1

I khombo ka mina! hakuva nzi kotisa a simu legi a mihanzu ya gona yi phophilweko, ni xivina lexi a mauva ya xona ma kolelweko; a ka hi na xitata xa mauva lexi xi nga giwako, hambu ni mihanzu yo ranga ya kuwu leyi nzi yi ranzako. Mat. 21:19

Nahume 3:12

A makhokhola ya wena wontlhe ma ta ku khwatsi mikuwu yi nga ni mihanzu yi buvileko kuranga; loku yi jujiwa yi wela kanwini ka mugi.

Mitsengo 18:13

Yontlhe mihanzu yo ranga yi nga lomu tikweni gabye leyi va ta nga neha ka Jehova, yi tava ya wena. Vontlhe lava va hlazekileko lomu ndlwini ya wena Va taga.

Mateu 5:13

Nwina mu munyu wa misava; kanilezi loku munyu wu pswhama, wu ta lungwa hi yini? A wa ha vuni nchumu ntsena ku hoxiwa lahandle wu kanzihelwa hi vanhu. Mar. 9:50; Lu. 14:34, 35