Jeremia 22:17 - Tshwa Bible

¹⁷ Kanilezi a mahlo ya wena ni mbilu ya wena zi navela bhinzu ntsena, Ni ku halata nkhata wa loyi a nga hiko na nanzu, U maha hi ku tsimbetela ni tihanyi.

Jeremia 22:17 ပူးပေါင်းရင်းမြစ်များ

1 Tihosi 21:19

U ta ya mu byela, uku: Jehova i ngalo: Xana a hi wena mudayi ni khamba ke? U mu byela kambe uku: Jehova i ngalo: Laha a timbyana ti nga lazela a nkhata wa Nabote hi kwalaho kambe ti ta nga lazela a nkhata wa wena futsi!

2 Tihosi 23:37

I lo maha kubiha mahlweni ka Jehova, a lanzela zontlhe lezi a vararu vakwe va nga zi maha.

2 Tihosi 24:4

kambe hi kota ya nkhata lowu wu nga hiko na nanzu lowu a wu halatileko, hakuva i tatile a Jerusalema hi nkhata wu nga hiko na nanzu; hikwalaho Jehova a nga vumelangi ku tsetselela.

2 Kronekele 36:8

A zinwani zimaho za Jehoiakimu, ni manyala ma bihileko lawa a nga maha, ni lezi zi kumilweko ka yena, zi tsalilwe lomu bhukwini ga Matimu ya tihosi ta ka Israeli ni ta ka Juda. A nʼwana wakwe Jehoiakina i lo fuma xikhundleni xakwe.

Joba 31:7

Loku a nkonzo wa mina wu hambukile ndleleni, Ni loku a mbilu ya mina yi lanzela mahlo ya mina, Ni loku a bawa gi namarele mandleni ya mina;

Tisimu 10:3

Hakuva a wakubiha wa buma hi mixuvo ya mbilu yakwe; Loyi wa makangwa i rukatela, a kanyisa Jehova.

Eksodusi 18:21

Kanilezi hlawula xikari ka vanhu vontlhe a vavanuna lava va va nene, lava va chavako Nungungulu, a vavanuna lava va lulamileko, lava va vengako bhinzu legi gi nga lulamangiko; u va yimisa a kuva tinduna ta mazanazana, ni ta zana, ni ta ntlhanu wa makume, ni ta makume; Mitse. 11:16; Deut. 1:13

Mavingu 24:2

Hakuva a timbilu tabye ti alakanya ku xanisa, i milomu yabye yi wulawula kubiha.

Isaya 56:11

Ina, timbyana ta makhobomu, ci ma a va eneliswi. A va kunghaho mbarisi, lava va nga pimiko nchumu; Vontlhe va famba hi tindlela tabye wutsumbu, Munwe ni munwani i ti lavela bhinzu gakwe.

Jeremia 17:11

Khwatsi hi hwari leyi yi kuhlehelako a manza lawa yi nga ma tsikelangiko, Zinghaho ni loye a hlengeletelako a kufuma handle ka nongameto; Na hi xikari ka masiku yakwe i ta ku tsika, Ni kugumeseni kakwe i tava muhunguki.

Jeremia 19:4

Hakuva va nzi tsikile, va hanahanisa a wutshamu legi, hakuva lomu va hisile tibani ka vanwani vanungungulu, lavo va nga va tivangiko, vona ni vakoko vabye ni tihosi ta ka Juda; va tatisile legi wutshamu hi nkhata wa va nga hiko na nanzu;

Jeremia 22:3

Jehova i ngalo: Lamulani hi fanelo ni kululama, mu ponisa loyi a phangiwako a mandleni ya loyi a mu tsimbeketako; mu nga xanisi a muluveli, ni xisiwana, ni noni, mu nga va tsimbeketi, hambu ku halata nkhata wa lava va nga hiko na nanzu wutshanwini legi.

Jeremia 6:13

Hakuva va ti nyiketele kumbilukeleni, A vatsongwani ni vahombe, A vaprofeti ni vapristi, vontlhe va kanganyisa.

Jeremia 6:6

Hakuva Jehova wa tiyimpi i ngalo: Tsemani tisinya, mu maha lihlavu la ku bhiyela Jerusalema. Hakuva i muti wu feleko ku tsayisiwa, Wu tele hi kutsimbeketa.

Jeremia 7:6

loku mu nga xanisi a muluveli, a xisiwana ni noni, loku mu nga halati a nkhata wa va nga hiko na nanzu ka legi wutshamu, hambu ni ku lanzela vanwani vanungungulu, muva ni makhombo hi kota ya vona; Ekso. 22:21

Jeremia 8:10

Hikwalaho nzi ta nyikela a vasati vabye ka vanwani, Ni masimu yabye ka lava va ta nga ma wutla. Hakuva vontlhe va ti nyiketile kunaveleni, Kusukela ka ntsongwani kala ka wahombe. A vaprofeti ni vapristi vontlhelele va kanganyisa.

Ezekieli 18:12

a onhela a nyakeke ni muvumali, a phanga, loyi a, nga tlhelisangiko a seye, loyi a tlakusileko mahlo yakwe a cuwuka zifananiso, loyi a mahileko manyala,

Ezekieli 19:6

Yi lo fambafamba xikari ka tinghala kala yi tiyelwa, Yi lo gonza ku khoma pfimba, yi khadamula vanhu.

Ezekieli 19:7

Yi lo phanga ziluvelo zabye, yi hahlula miti yabye, Ku rurumela a tiko ni zontlhe zi nga ka gona hi kota ya kudzumadzuma ka yona.

Ezekieli 19:9

Va lo yi bhoxa mukhalo va yi enghenisa ka xiranga, va yi yisa ka hosi ya Babuloni, Va yi valela makhokholeni, kasi a gezu ga yona gi nga ha zwali zitsungeni za ka Israeli. 2 Tih. 25:6

Ezekieli 22:6

Languta, yinwe ni yinwani ya tihosana ta ka Israeli yi wa halata nkhata lomu ka wena kukotisa a ntamu wa yona.

Ezekieli 33:31

Vata ka wena kota tolovelo, va tshama mahlweni ka wena kukotisa a vanhu va mina, va ingisela a timhaka ta wena, kanilezi va nga ti mahi. Hi milomu yabye va kombisa liranzo, kanilezi a timbilu tabye ti lanzisela a mabhinzu yabye.

Mika 2:2

Va navela masimu ni tiyindlu, va zi teka; va tsimbeketa a munhu ni yindlu yakwe, ni munhu loyi a nga ni tshomba yakwe. Ekso. 20:17; 1 Tih. 21:1

Mika 3:10

Nwina mu akako Zioni hi nkhata ni Jerusalema hi kubiha. Jer. 22:13; Hab. 2:12

Zefania 3:3

A tihosana ta wona, tinghala leti ti dzumako; a valamuli va wona va fana ni mahlolwa ni wusiku, ma nga siyiko nchumu xa manziko.

Va le Roma 1:29

Va tele hi kungalulami kontlhe, ni kubiha, ni timbilu, ni matsoho; va tele hi makangwa, a kudaya, a kukanetisana, a kukanganyisa, a mona; a vahlevi,

1 Va le Korinte 6:10

ni makhamba, ni zinaveli, ni zidakwa, ni lava va rukatelako, ni vaphangi; a va kunghaho va nga taga a tshomba ya mufumo wa Nungungulu.

Va le Kolosi 3:5

Hikwalaho dayani a ziro za nwina za laha misaveni: a wubhayi, ni kungahlazeki, ni wurembi, ni kumbilukela ka kubiha, ni likaka, li nga kukhozela zifananiso;

Joxua 7:21

nzi lo wona xikari ka lezi zi phangilweko a nguwo yo saseka ya le Babuloni, ni mazana mambiri ya maxekeli ya siliva, ni muhono wa nzalama wa 50 wa maxekeli a kubinza, mina nzi lo zi navela, nzi teka; languta, zona zi fihlilwe lomu misaveni lahasi ka tenda ga mina, ni mali yi lahasi ka zona.

2 Pedro 2:14

Va na ni mahlo ma teleko hi wubhayi, a va kolwi hi kuonha. Va kucetela a mihefemulo leyi yi nga tiyangiko. A timbilu tabye ti tolovela a mahlokoti; a vanana va rukatelweko.

2 Pedro 2:3

Hi ku navela kufuma, va ta bhinzula ha nwina hi magezu ya kukanganyisa; kanilezi a kukoneka kabye ka kale a ku hlweli, ni kulobyiswa kabye a ku etleli. Deut. 32:35; Tit. 1:11; Juda 4, 15

1 Samueli 8:3

Kanilezi a vana vakwe a va fambangi hi tindlela takwe; va lo khunguvanyeka hi ku navela mali, va vumela ku rengelelwa, va hambukisa nongameto. Va ka Israeli va kombela hosi.