Jeremia 2:17 - Tshwa Bible

¹⁷ Xana a ku ti vangelangi ha wece a khombo, Kota lezi u tsikileko Jehova a Nungungulu wa wena Laha yena a nga ku rangela ndleleni ke?

Jeremia 2:17 ပူးပေါင်းရင်းမြစ်များ

1 Kronekele 28:9

Wena nwananga Solomoni, tiva Nungungulu wa dadani wa wena, u mu khozela hi mbilu yi basileko ni kutsaka ka muhefemulo; hakuva Jehova wa kamba timbilu tontlhe, a tiva a timhaka tontlhe ta maalakanyo ya mbilu. Loku wena u mu hlota, u ta mu kuma; kanilezi loku wena u mu tsika, yena i ta ku hoxa kule kala kupinzuka. Isa. 55:6; Jer. 11:20; Kuv. 2:23

2 Kronekele 15:2

i lo ya khinga Asa a yaku kakwe: Wena Asa, na nwina nwentlhe vaJuda, ni va ka Benjamini, nzi ingiseni! Jehova i zinwe na nwina, loku nwinawu mu hi naye; loku mu mu hlota mu ta mu kuma; kanilezi loku mu mu tsika, yenawu i ta mu tsika. Deut. 4:29; Jer. 29:13

Joba 34:27

Hakuva va mu fulareleko, A va xiyisisangi a tindlela takwe.

Joba 4:8

Khwatsi hilezi nzi zi wonileko, lava va rimako kugoha, Va byala kubiha, va tshovela zalezo. Hos. 8:7; Gal. 6:7

Tisimu 107:7

I lo va rangela hi ndlela yi lulamileko, Kasi vaya mutini wo tshama kona.

Tisimu 136:16

Loyi a nga rangela vanhu vakwe lomu xiwuleni, Hakuva a wuxinji gakwe ga kala kupinzuka.

Tisimu 77:20

U lo rangela a vanhu va wena khwatsi i ntlhambi, Hi woko ga Mosi na Aroni. Mika 6:4; Isa. 83:11

Mavingu 15:10

A kukawukwa ka bayisa ka loyi a tsikako ndlela; i loyi a alako ziluleko i tafa.

Isaya 1:4

Khombo ka wena tiko ga vaonhi, nwina vanhu va teleko hi kugoha, pswalo wa vamahi va kubiha, vana va kuhunguka; mu tsikile Jehova, mu kanyisa a Wakubasa wa ka Israeli, mu tlhelela nzhako.

Isaya 59:13

Hi hambukile, hi ala Jehova, Hi tlhelela nzhako hi nga lanzeli Nungungulu wa hina, Hi wulawulile zo tsimbeketa vanwani ni kuhluwuka, Hi alakanyela ni ku wulawula mawunwa timbilwini ta hina.

Jeremia 13:22

Loku u wula mbilwini ya wena, uku: Zita hikuyini lezi zilo hehla ka mina ke? Tiva lezaku a nguwo ya wena yi tlakusilwe hi kota ya kubiha ka wena ka hombe. Ni zirenze za wena zi biwa. Isa. 47:2; Nah. 3:5

Jeremia 19:4

Hakuva va nzi tsikile, va hanahanisa a wutshamu legi, hakuva lomu va hisile tibani ka vanwani vanungungulu, lavo va nga va tivangiko, vona ni vakoko vabye ni tihosi ta ka Juda; va tatisile legi wutshamu hi nkhata wa va nga hiko na nanzu;

Jeremia 2:13

Hakuva a vanhu va mina va mahile a kubiha kumbiri: Va nzi tsikile, mina loyi nzi nga xibuka xa mati ma hanyako, Va ti akela mathangi ma nga ni tifa, Ma nga zi kotiko ku hlayisa mati. Tis. 36:9; Joh. 4:13

Jeremia 2:19

Hi kubiha ka wena ku ta nga ku tsayisa, U biwa hi kukhunguvanyeka ka wena. Hikwalaho, tiva lezaku zi bihile a ku tsika Jehova, Nungungulu wa wena, Ni ku nga mu chavi ka vanga kubayiseka, ku wula Hosi, Jehova wa tiyimpi.

Jeremia 4:18

A mahanyela ya wena ni mitiro ya wena zi ku vuxele lezi zilo, Hi wona mbhanzu wa kubiha ka wena, Kunene wa bava, ka bayisa ni lomu mbilwini.

Jeremia 44:3

hi kota ya kubiha loku va ku mahileko va vindlusa a zanga ya mina hi ku hisa tibani ni ku tirela vanwani vanungungulu, lava va nga kala va nga va tivi, hambu nwina ni vadadani va nwina.

Jeremia 5:25

Hi zionho za nwina zi hambukisileko lezi zilo, mu vumala makatekwa hi kota ya zigoho za nwina.

Ezekieli 39:24

Nzi lo maha ka vona maringano ni zivi zabye ni zihambunyeto zabye; nzi lo va fihlela a nghohe ya mina.

Hosea 13:9

A kulobyiswa ka wena Israeli, kuta hilezi u nzi vukeleko, mina loyi nzi nga muvuni wa wena.

Mika 1:5

Zontlhe lezo zi ta maheka hi kota ya zihambunyeto za Jakobe ni zionho za yindlu ya ka Israeli, A xihambunyeto xa Jakobe xi huma kwihi? A hi le Samaria ke? Hi wahi a matshamu yo tlakuka ya ka Juda? A hi Jerusalema ke?

Mitsengo 32:23

Kanilezi loku mu nga mahi lezo mu tava mu onhile ka Jehova; hikwalaho tivani lezaku a xionho xa nwina xi ta tlhela xi mu kuma.

Deuteronome 32:10

I mu kumile xiwuleni, A xiwula xa tihuwa ti chavekako. I mu bhiyele, a mu wundla, I mu hlayisile khwatsi hi nzololo ya tihlo gakwe,

Deuteronome 32:19

Jehova i lo zi wona, a va tsika, A holovela vana vakwe va xinuna ni va xisati,