Jeremia 2:13 - Tshwa Bible

¹³ Hakuva a vanhu va mina va mahile a kubiha kumbiri: Va nzi tsikile, mina loyi nzi nga xibuka xa mati ma hanyako, Va ti akela mathangi ma nga ni tifa, Ma nga zi kotiko ku hlayisa mati. Tis. 36:9; Joh. 4:13

Jeremia 2:13 ပူးပေါင်းရင်းမြစ်များ

2 Tihosi 22:17

Hakuva va nzi fularele va hisa tibani ka vanwani vanungungulu, va nzi zangarisa hi mitiro yontlhe ya mandla yabye; hikwalaho a zanga ya mina yi vindlukile yi vukela wutshamu legi; cima yi nga ta renga.

Tisimu 36:9

Hakuva a xibuka xa wutomi xi le ka wena, A kuwonekeleni ka wena hi ta wona kuwonekela. Jer. 2:13; 17:13

Mutshawuteli 1:14

Nzi wonile yontlhe mitiro yi mahiwako lahasi ka gambo; languta, yontlhe a yi nyawuli, ku lanza mheho ntsena.

Mutshawuteli 1:2

A kunganyawuli ka zinganyawuliko! ku wula Mukaneli. A kunganyawuli ka zinganyawuliko, zontlhe a zi nyawuli.

Mutshawuteli 12:8

A kunganyawuli ka zinganyawuliko! ku wula Mukaneli. Zontlhe a zi nyawuli.

Mutshawuteli 2:11

Kanilezi laha nzi nga cuwukisa mitiro leyi a mandla ya mina ma yi mahileko, nzi alakanya a kukarateka loku nzi nga hi nako loku nzi yi maha, languta, zontlhe zi wa nga nyawuli, zi wa hi ku lanza mheho ntsena; ku wa nga hi na bhinzu lahasi ka gambo.

Mutshawuteli 2:21

Hakuva hambu loku munhu a mahile a ntiro wakwe hi wutlhari ni wutivi ni kupinyama, i ta wu siyela munhu loyi a kalako a nga ti karatangi nchumu. Lezo na zonawu a zi nyawuli, kambe zi bihile nguvu.

Mutshawuteli 2:26

Hakuva Nungungulu i nyika a wutlhari ni wutivi ni litsako ka munhu loyi a mu xalalisako; kanilezi a ka muonhi i mu nyika a ntiro wa ku hlengeletela ni ku wungeletela, kasi ku nyika loyi a xalalisako Nungungulu. Lezo kambe a zi nyawuli, hi ku lanza mheho ntsena.

Mutshawuteli 4:4

Zonake nzi lo wona lezaku a kutikarata kontlhe ni wihi ntiro wa wutlhari wu huma hi kota ya wukhuxu hi muakelwani. Lezo kambe a zi nyawuli, hi ku lanza mheho ntsena.

Isaya 1:3

A homu ya tiva a nwinyi wa yona, ni mbongola ya tiva a xigowolo xa nwinyi wa yona, kanilezi Israeli a nga tivi nchumu, a vanhu va mina a va pimi nchumu.

Isaya 1:4

Khombo ka wena tiko ga vaonhi, nwina vanhu va teleko hi kugoha, pswalo wa vamahi va kubiha, vana va kuhunguka; mu tsikile Jehova, mu kanyisa a Wakubasa wa ka Israeli, mu tlhelela nzhako.

Isaya 12:3

Hikwalaho mu takha hi kutsaka lomu tihlobyeni ta kuhanyisa. Joh. 4:14; 7:37

Isaya 5:13

Hikwalaho a vanhu va mina va ta yiswa kukhonweni hikuva va nga hi na kutiva; A vahombe vabye va hlokiswa hi ndlala, Ni zidlemo za vanhu zi womile hi tora.

Isaya 55:2

Hikuyini mu xakelako mali hi ku xava lezi zi nga hiko zakuga ke? Hikuyini mu humesako hakhelo ya nwina hi kota ya lezi zi nga xurisiko ke? Nzi ingiseni, mu taga zo nanziha, mu ti tsakisa hi lezi zi nonileko.

Isaya 63:8

Hakuva i te ngalo: Hakunene, mbanhu va mina, A vanana va ta nga kala va nga hluwuki; Zinghaho ava muhanyisi wabye.

Jeremia 1:16

Zonake nzi ta hlawutela a kulamula ka mina hehla kabye hi kota ya kubiha kabye kontlhe, hakuva va nzi tsikile, va ya hisa tibani ka vanwani vanungungulu, ni ku khozela a mitiro ya mandla yabye wutsumbu.

Jeremia 14:3

A vahombe va kona va rumele laʼva tsongwani a ku ya lava mati, Loku vata tihlobyeni a va kumi mati, Va tlhela nitifuko tabye ta maphanga. Vazwa tingana vaku goo! na va fenengeta tihloko tabye.

Jeremia 15:6

U nzi tsikile, ku wula Jehova, U tlhelele nzhako. Hikwalaho nzi nawulutile a canja ga mina nzi ku lovisa. Nzi karele hi ku ku tsetselela.

Jeremia 17:13

Wena Jehova u kutsumba ka Israeli; Vontlhe lava va ku tsikako va taku koyo tingana. Vontlhe lava va sukako ka mina va ta tsaliwa vunyeni; Hakuva va tsikile Jehova, loyi a nga xibuka xa mati ya wutomi. Joh. 4:14

Jeremia 18:14

Xana a gapongo ya Lebanoni yi nga tsika a ribye ga nhova ke? Kutani a mati yo titimela ma khulungako mata hi le kule ma ngapswha ke?

Jeremia 19:4

Hakuva va nzi tsikile, va hanahanisa a wutshamu legi, hakuva lomu va hisile tibani ka vanwani vanungungulu, lavo va nga va tivangiko, vona ni vakoko vabye ni tihosi ta ka Juda; va tatisile legi wutshamu hi nkhata wa va nga hiko na nanzu;

Jeremia 2:11

Xana ku ngava kona a tiko gi hunzulusileko a vanungungulu va gona, Hambu lezi va uga hiko vanungungulu ke? Kanilezi a vanhu va mina va tsikile a wudumo gabye, Va khozela a nungungulu a nga vuniko nchumu.

Jeremia 2:17

Xana a ku ti vangelangi ha wece a khombo, Kota lezi u tsikileko Jehova a Nungungulu wa wena Laha yena a nga ku rangela ndleleni ke?

Jeremia 2:26

Ku khwatsi hi khamba loku gi kumilwe, gi na ni tingana. Hilezo a yindlu ya Israeli yi ni tingana, Zinwe ni tihosi ta yona ni tihosana ta yona, A vapristi va yona ni vaprofeti va yona,

Jeremia 4:22

Ihakuva a vanhu va mina va hungukile, a va nzi tivi; Mbana va zipumbu, na va nga hi na kupima. Vona va tlharihile a ku maha kubiha, Kanilezi a va zi tivi ku maha zinene. Rom. 16:19

Jeremia 5:26

Hakuva lomu tikweni ga mina va kona vanhu va bihileko, va nyanimela kota vaxiyi va zinyanyani; va demba mitlhamu, va phasa vanhu.

Jeremia 5:31

A vaprofeti va profeta mawunwa, ni vapristi va fumela na va layiwa hi vona; hi lezo a vanhu va mina va zi lavako. Kanilezi mu ta maha yini a magunweni ya kona ke? Ezek. 13:6; Mat. 23:1

Ezekieli 14:5

kasi nza fela ku phasa a yindlu ya ka Israeli hi timbilu tabye, hakuva va nzi fularele hi kota ya zifananiso zabye.

Ezekieli 47:1

I lo nzi wuyisa nyangweni ya yindlu; laho nzi lo wona a mati na ma huma hi lahasi ka xipimbitsi xa nyangwa ya yindlu hi tlhelo ga Mutsuwuka-gambo, hakuva a yindlu yi wa cuwukile Mutsuwuka-gambo. A mati ma wa relela hi tlhelo ga xinene ga yindlu, a Dzongeni ga alati. Joeli 3:18; Zak. 13:1; Kuv. 22:1

Mika 2:8

Kanilezi a masiku laya a tiko ga mina gi nzi mahile a nala wa gona. Mu runzuwulela a mikumba ya vanhu lava va hunzako hi kurula lava va nga ranziko ku holova.

Mika 6:3

Tiko ganga, xini nzi ku maheleko? Xini nzi ku rerileko ha xona? Nzi byele!

Zakaria 13:1

Hi siku lego a yindlu ya ka Davida ni vaaki va Jerusalema va ta mahelwa a hlowo, kasi ku hlaza kuonha ni zivi.

Johani 4:10

Jesu i lo hlamula, aku kakwe: Loku u wa xi tivile a xinyikiwo xa Nungungulu, ni lezaku himani a nge ngalo ka wena: Hi nga nziha nzinwa, ngha u kombele yena, zonake ngha na yena a ku nyikile a mati ya kuhanya. Isa. 12:3; Jer. 2:13; Zak. 13:1

Johani 4:11

A wasati aku ngalo kakwe: Hosi, u hava xa kukha ha xona, ni hlowo yi etile; u ta ma kuma kwihi a mati lawo ya kuhanya ke?

Johani 4:14

kanilezi kani hi wihi a nwako mati laya nzi mu nyikako wona, cima a nga tazwa tora; kanilezi a mati laya nzi mu nyikako wona, ma ta maha a xibuka xa mati nzeni kakwe, laya ma velako ma yisa wutomini ga pinzukelwa. Xip. 6:35, 58; 7:38

Johani 7:37

Hi siku go gumesa, legi gi nga siku ga hombe ga mubuzo, Jesu i lo yima, aba hungu, aku: Loku munhu azwa tora, a ate ka mina, a tanwa. Levi 23:36; Isa. 55:1; Kuv. 22:17

Deuteronome 31:16

Jehova i te ngalo ka Mosi: Wena U ta etlela zinwe ni vararu va wena; kanilezi lava vanhu va ta ya hlakana hi wuoswi ni vanwani vanungungulu va tiko lego va yako ka gona; va ta nzi tsika va hambunyeta xivumelwano lexi nzi mahileko zinwe na vona.

2 Pedro 2:17

A vanhu lava tihlowo ti nga hiko na mati, marefu ma susumetwako hi bhubhutsa; va hlayiselwe a munyama lowu wa ntima. Juda 12, 13

Kuvululelwa 21:6

I lo engeta aku ka mina: Zi mahekile. Hi mina Alfa na Omega, a kusangula ni kugumesa. Loyi a zwako tora nzi ta mu nyika mahala a kuva anwa hlobyeni ya mati ya wutomi. Isa. 55:1; Xip. 1:8; 16:17; 22:17

Kuvululelwa 22:1

Zonake yi lo nzi komba a congo wa mati ya wutomi, na ma vangamela khwatsi hi kristali, wu huma xitshanwini xa wuhosi xa Nungungulu ni xa Yivana, Ezek. 47:1; Zak. 14:8

Kuvululelwa 22:17

A Moya ni muswika ve ngalo: Tana! Ni loyi a zi zwako, a wule aku: Tana! Loyi a zwako tora, ate! Ni loyi a zi ranzako, ngha akha mati ya wutomi mahala. Isa. 55:1; Joh. 7:37; Xip. 21:2, 9

Valamuli 10:13

Kanilezi nwina mu lo nzi fularela, mu nzi tsika, mu ya khozela vanwani vanungungulu. Hikwalaho nzi nga ta ha mu tlhatlhisa kambe. Deut. 32:15

1 Samueli 12:10

Zonake va lo rila ka Jehova, vaku: Hi onhile, hakuva hi tsikile Jehova hi khozela maBaali ni maAxtarte. Kanilezi makunu hi tlhatlhise mandleni ya valala va hina, na hina hi ta ku khozela.