Jeremia 17:17 - Tshwa Bible

¹⁷ U ngavi ka mina lexi xi chavisako; Wena loyi u nga wuponelo ga mina sikwini ga khombo.

Jeremia 17:17 ပူးပေါင်းရင်းမြစ်များ

Joba 31:23

Hakuva nza chava a ku tsayiswa hi Nungungulu, A nzi zi koti ku yima mahlweni ka kutlakuka kakwe.

Tisimu 41:1

I katekile loyi a zwelako lava va vumalako, Jehova i ta mu hlanguta hi siku ga khombo. Mav. 19:17; Isa. 58:7

Tisimu 59:16

Kanilezi mina nzi ta yimbelela a ntamu wa wena, Ina, ni mixo nzi ta yimbelela hi wuxinji ga wena hi gezu ga hombe, Hakuva u wa hi khokhola ga mina, Ni wuchavelo hi siku ga khombo ga mina.

Jeremia 16:19

O Jehova, ntamu wa mina ni khokhola ga mina, Ni wuponelo ga mina sikwini ga kuxaniseka, A matiko ma tata ka wena hi le magunweni ya misava, maku: A vadadani va gile tshomba ya mawunwa ntsena, A zifananiso za hava, zi nga vuniko nchumu. Isa. 2:2; Zak. 8:20

Jeremia 17:13

Wena Jehova u kutsumba ka Israeli; Vontlhe lava va ku tsikako va taku koyo tingana. Vontlhe lava va sukako ka mina va ta tsaliwa vunyeni; Hakuva va tsikile Jehova, loyi a nga xibuka xa mati ya wutomi. Joh. 4:14

Jeremia 17:7

I katekile a munhu loyi a tsumbako Jehova, A wihi a kutsumba kakwe ku nga Jehova.

Joeli 3:16

Jehova wa dzuma le Zioni, a zwata a gezu gakwe hi le Jerusalema; a tilo ni misava zi tsekatseka. Kanilezi Jehova i tava wuchavelo ga vanhu vakwe, ni khokhola ga vana va ka Israeli. Hos. 11:10; Am. 1:2

Nahume 1:7

Jehova i nene, i khokhola a sikwini ga zikarato; wa va tiva lava va mu tsumbako.

Va le Efesusi 6:13

Hikwalaho hlomani a matlhari wontihe ya Nungungulu, lezaku mu tava ni ntamu wa ku yima hi siku ga khombo, mu simama mu yima loku mu hlulele magumo.