Jeremia 14:14 - Tshwa Bible

¹⁴ Jehova i lo nzi hlamula, aku: A vaprofeti va profeta mawunwa vitweni ga mina. A nzi va rumangi, a nzi va layangi; a nzi wulawulangi nchumu kabye. Va profeta ka nwina a miwoniso ya mawunwa ni kuvumba, a zilo za mahala za kukhohlakala ka timbilu tabye.

Jeremia 14:14 ပူးပေါင်းရင်းမြစ်များ

Isaya 56:10

A varinzeli vakwe vontlhe zikhumu, a va tivi nchumu; Vona vontlhe timbyana ta ziwiri, a va zi koti ku wukula; Mba miloro wurongweni gabye, va ranza ku khudzehela.

Isaya 9:15

A hloko hi masingalakati ni vadzunzekileko, Kanilezi a vaprofeti va profetako mawunwa i nkila.

Jeremia 20:6

Na wena Paxuri, ni vontlhe va tshamako ndlwini ya wena mu ta yiswa kukhonweni. Wena u taya Babuloni, laho u ta fela kona, ni ku lahlelwa kona zinwe ni maxaka ya wena wontihe, lawo u nga ma profetela mawunwa,

Jeremia 28:11

Hanania i te ngalo mahlweni ka vontlhe vanhu: Jehova i ngalo: Nzi ta pfutlatisa zalezi a muyoko wa Nebukadnezzare, hosi ya Babuloni, tinhanwini ta matiko wontihe loku ku hunzile a malembe mambiri. Muprofeti Jeremia i lo ti fambela ndleleni yakwe.

Jeremia 28:13

Famba u ya byela Hanania, uku: Jehova i ngalo: U tshoveletele a muyoko wa sinya, kanilezi a wutshanwini ga wona u tava ni muyoko wa xiketse.

Jeremia 28:15

Muprofeti Jeremia i lo engeta a wula ka muprofeti Hanania, aku: Ingisaka, Hanania; Jehova a nga ku rumangi; kanilezi u maha lezaku lava vanhu va tsumba mawunwa.

Jeremia 29:21

Jehova wa tiyimpi, a Nungungulu wa Israeli i ngalo xungetano ha Ahabi a nʼwana Kolaya, na Zedekia a nʼwana Maaseya, lava va mu profetelako mawunwa vitweni ga mina: Langata, nzi ta va nyikela canjeni ga Nebukadnezzare, hosi ya Babuloni; yena i ta va daya mahlweni ka nwina.

Jeremia 29:31

Rumela ka vontlhe va nga wukhumbini, uku: Jehova i ngalo xungetano ha Xemaya wa le Nehelame: Kotisa lezi Xemaya a nga profeta ka nwina na nzi nga mu rumangi, a mu maha mu tsumba mawunwa;

Jeremia 37:19

Va kwihi makunu a vaprofeti va nwina lava va nga profeta ka nwina, vaku: A hosi ya Babuloni yi nga ta mu vukela hambu a ku vukela tiko legi ke?

Jeremia 5:31

A vaprofeti va profeta mawunwa, ni vapristi va fumela na va layiwa hi vona; hi lezo a vanhu va mina va zi lavako. Kanilezi mu ta maha yini a magunweni ya kona ke? Ezek. 13:6; Mat. 23:1

Jeremia 8:10

Hikwalaho nzi ta nyikela a vasati vabye ka vanwani, Ni masimu yabye ka lava va ta nga ma wutla. Hakuva vontlhe va ti nyiketile kunaveleni, Kusukela ka ntsongwani kala ka wahombe. A vaprofeti ni vapristi vontlhelele va kanganyisa.

Jeremia 8:11

A va cheli kota ku chuma a mbanga ya nhwana wa vanhu va mina, Vaku: Ku rulile, ku rulile, kasi a ku na kurula.

Mikosi 2:14

A vaprofeti va wena va ku wonele a miwoniso yi nga nyawuliko ni ya wupumbu, A va tsetsulangi a zigoho za wena, kasi u pona u ngayi wukhumbini; Kanilezi va ku profetele zahava, lezi zi nga ku hambukisa.

Mikosi 2:9

A tinyangwa takwe ti wile lahasi, a tshoveletela zikwinyaro za kona; A hosi ni tihosana ta kona ti lomu matikweni, a ka ha hi na nayo; A vaprofeti vakwe a va ha kumi miwoniso hi ka Jehova.

Ezekieli 12:24

Hakuva ku nga ha ta kuva kona a xiprofeto xa hava ni kuvumba ka kukanganyisa a ndlwini ya ka Israeli.

Ezekieli 13:2

Nʼwana wa munhu, profeta hi vaprofeti va ka Israeli lava va profetako, u wula ka vona lavo va profetako hi kuranza ka timbilu tabye, uku: Zwanani a gezu ga Jehova!

Ezekieli 13:23

hikwalaho mu nga ta ha wona miwoniso ya hava, hambu ni ku vumba. Nzi ta tlhatlhisa a vanhu va mina canjeni ga nwina; mu ta zi tiva lezaku hi mina Jehova.

Ezekieli 21:29

Na va kari va ku wonela miwoniso ya hava, va ku hlahluvela mawunwa, kasi u vekiwa tinhanwini ta laʼvo biha va delweko, lava a siku gabye gi chikelako xikhatini xa kugoha ka magumo.

Mika 3:11

A tihosi ta kona ti lamula hi ku xavelelwa, a vapristi va kona va gonzisa hi ku fela nzhiho, a vaprofeti va kona va vumbela mali: kanilezi va ti seketela ha Jehova, vaku: Kasi Jehova a nga xikari ka hina ke? a kubiha a ku na ku hi wela!

Zakaria 10:2

Hakuva a materafime ma wulawula zahava, ni vangoma va vumba mawunwa; vanyamilorwani va lora zahava, va tangalisa hi lezi zi nga nyawuliko. Hikwalaho a vanhu va penga kota a ntlhambi wa tiyivu, va xaniseka hi ku vumala murisi. Isa. 8:19; Mat. 9:36

Zakaria 13:3

Ku taku ni wihi a ta nga profeta, zonake a raru wakwe ni nyine wakwe lava va mu belekileko, va taku kakwe: U yimelwe hi kufa, hakuva u wulawula mawunwa vitweni ga Jehova! A raru wakwe ni nyine wakwe lava va mu belekileko va ta mu tlhava loku a profeta.

Deuteronome 18:20

Kanilezi a muprofeti loye a ta nga ti kukumukisa hi ku wulawula hi vito ga mina, a timhaka leti nzi nga mu leletelangiko ku ti wulawula, ni loku a wulawula hi mavito ya vanwani vanungungulu, a muprofeti loye i tafa.

1 Timote 4:2

hi kota ya wuxengeteli ga vanhu va kanelako mawunwa, lava a livalo labye li hisilweko khwatsi hi xiketse xo hisa. Efe. 4:19

1 Johani 4:1

Varanzekako, mu nga kholwi mimoya yontlhe, kanilezi hlotani a mimoya mu tiva loku yi huma ka Nungungulu; hakuva a vaprofeti vanyingi va mawunwa va la suga fenemete laha tikweni. Jer. 29:8; Mat. 24:24; Kuv. 2:2