Jeremia 13:22 - Tshwa Bible

²² Loku u wula mbilwini ya wena, uku: Zita hikuyini lezi zilo hehla ka mina ke? Tiva lezaku a nguwo ya wena yi tlakusilwe hi kota ya kubiha ka wena ka hombe. Ni zirenze za wena zi biwa. Isa. 47:2; Nah. 3:5

Jeremia 13:22 ပူးပေါင်းရင်းမြစ်များ

Isaya 20:4

hilezo a hosi ya le Assiria yi ta fambisa a tiperesu ta maGipite, ni lava va khomilweko le Etiopia, laʼvaswa ni zikhosana, va hi zimbyiri va nga hi na zilato, ni matshako yabye ma nga fenengetwangi, ti hi tingana ta Gipite.

Isaya 3:17

hikwalaho a Hosi yi taba hi xigwere a tihloko ta vanhwana va le Zioni, Jehova i ta funungula wumbyiri gabye. Xip. 47:3; Ezek. 16:37; 23:29

Isaya 47:8

Hikwalaho zwana lezi, wena loyi u ranzako ku ti tsakisa; Wena loyi u tshamekileko: Wena loyi unge mbilwini ya wena: Hi mina nzoce, a ku na munwani, Cima nzi nga ta kuva noni, Hambu ku lahlekelwa hi vanana.

Jeremia 13:26

Hikwalaho nzi ta tlakusa a xiambalo xa wena kala nghoheni ya wena, Lezaku ku woneka a tingana ta wena.

Jeremia 14:16

A vanhu lavo va nga profeta kabye va ta hoxwa maruweni ya Jerusalema hi kota ya ndlala ni supado, ku nga tava kona wo va lahla: vona ni vasati vabye, ni vana vabye va xinuna ni va xisati; hakuva mina nzi ta chulula kubiha kabye hehla kabye.

Jeremia 5:19

Loku nwina mu taku ngalo: Hikuyini Jehova Nungungulu wa hina a hi maheleko lezi zilo ke? u ta va byela uku: Kotisa lezi nwina mu nzi tsikileko, mu khozela a vanungungulu vanwani tikweni ga nwina, hizalezo mu ta tirela a vamatiko a tikweni gi nga hiko ga nwina. Deut. 29:24; Jer. 16:10

Mikosi 1:8

Jerusalema i onhile nguvu, hi kwalaho i mahile manyalataniso; Wa kanyiswa hi vontlhe lava va nga mu dzunza loku va wona wumbyiri gakwe. Ina, wa hefemuteka, a tlhelela nzhako.

Ezekieli 23:26

Va ta ku runzuwulela a tinguwo ta wena, va ku tekela a wubombi ga wena go saseka.

Hosea 12:8

Efraime i te ngalo: Kunene, nzi fumile, nzi ti kumele kufuma. A mitirweni ya mina va nga ta kuma nanzu ka mina hambu ni xionho. Kuv. 3:17

Hosea 2:10

Makunu nzi ta funungula a tingana takwe mahlweni ka zigangu zakwe, a nga kona a ta nga mu ponisa canjeni ga mina.

Hosea 2:3

Loku a nga mahi lezo nzi ta mu tlomulela tinguwo, a sala ximbyiri khwatsi hi siku lego a nga belekwa, nzi mu maha a fanana ni xiwula, a tiko gi omileko, nzi mu daya hi tora.

Hosea 2:5

Hakuva a nyine wabye i mahile wuoswi, loyi a va belekileko i mahile zilo za tingana. I te ngalo: Nzi ta lanzela a zigangu za mina, lava va nzi phamelako va nziha mati, va nzi nyika a woya ga tiyivu, ni wukene, a mafura ya mina ni zakunwa.

Nahume 3:5

nzi ta ku vukela, ku wula Jehova wa tiyimpi, nzi ta tlakusa a nguwo ya wena yi vala a nghohe ya wena, nzi kombisa a matiko a wumbyiri ga wena, ni mifumo a tingana ta wena.

Zefania 1:12

Xikhatini lexo nzi ta lavisisa lomu Jerusalema hi tikandiya; nzi ta tsayisa a vavanuna lava va te ku njha hehla ka zisese zabye, lava va nge ngalo timbilwini tabye: Jehova a nga mahi xinene ge hambu zahava!

Deuteronome 18:21

Kambe loku u wula mbilwini ya wena ku ngalo: Hi ta yi tivisa kuyini a mhaka leyi yi nga wulwangiko hi Jehova ke?

Deuteronome 7:17

Loku u wula lomu mbilwini ya wena ku ngalo: Matiko lawa ma nzi hunza hi kutala; nzi ta va wutlelisa kuyini a tiko ke?

Deuteronome 8:17

U nga wuli mbilwini ya wena ku ngalo: A ntamu wa mina ni canja ga mina ga ntamu gi nzi fumisile.