Jeremia 10:15 - Tshwa Bible

¹⁵ Zona a zi nyawuli, mitiro ya wu khohlisi; A xikhatini xa kutsayiswa zi ta lova.

Jeremia 10:15 ပူးပေါင်းရင်းမြစ်များ

Tisimu 115:9

Nwina va ka Israeli, tsumbani Jehova, Hi yena muvuni wabye ni xitlhangu xabye.

Isaya 41:24

Langutani, nwina a mu va nchumu, Ni mitiro ya nwina a yi nyawuli; Manyalataniso loyi a mu hlawulako.

Isaya 41:29

Langutani, vontlhe a va vuni nchumu, A mitiro yabye a yi nyawuli; A zifananiso zabye zi wumbelweko i moya wa hava ntsena.

Isaya 57:12

Nzi ta tlhatlhambutela a kululama ka wena, Ni mitiro ya wena yi nga ta ku vuna nchumu.

Jeremia 10:11

Mu ta va byelisa lezi, muku: A vanungungulu lava va nga vangangiko a tilo ni misava va ta nwalala tikweni ni lahasi ka tilo.

Jeremia 10:8

Vontlhe va hungukile ni kuva zipumbu, A gonzo ya zifananiso i tsanza ntsena.

Jeremia 14:22

Xana xi kona a xifananiso xikari ka vamatiko xi zi kotako ku nisa vula ke? Kutani tilo gi nga zi kota ku nisa vula ha goce ke? Xana a hi wena ke, Jehova Nungungulu wa hina? Hikwalaho hi ta ku rinzela, hakuva hi wena u mahileko zontlhe lezi.

Jeremia 18:15

Hakuva a vanhu va mina va nzi rivakelwe, Va hisile libani ka zifananiso; Zi va khunguvanyekisile tindleleni tabye, a mipfutleni ya kale, Kasi va njenjereka ndleleni yo hambuka leyi yi nga bhoxiwangiko.

Jeremia 43:12

Nzi ta dzivela nzilo lomu tindlwini ta vanungungulu va Gipite; Nebukadrezzare i ta ti hisa a yisa zifananiso wukhumbini. I ta ti fenengeta hi tiko ga Gipite kukotisa a murisi a bohako nguwo yakwe; zonake i ta huma lomo hi kurula.

Jeremia 50:2

Tlhatlhambutelani xikari ka matiko, muba nyiwo, mu yimisa a bandera. Mu nga fihli nchumu, va byeleni, muku: Babuloni i hlulilwe, Beli i wisilwe tingana, Merodake i khungumulwe; a zifananiso zakwe zi chelilwe tingana, a vanungungulu vakwe va khungumulwe.

Jeremia 51:18

Zona a zi nyawuli, mitiro ya wukhohlisi; A xikhatini xa kutsayiswa ka zona zi ta lova.

Jeremia 8:12

Va wa hi ni tingana hilezi va nga tirile manyala ke? A va na tingana, hambu ku pima lezaku xini ku wiswa tingana! Hikwalaho va tawa zinwe ni lava va wako: A xikhatini xa kutsayiswa kabye va ta khunguvanyeka, ku wula Jehova.

Jeremia 8:19

Hi ngazwa a gezu ga xirilo ga nʼwana wa xisati wa vanhu va mina, Legi gi humako tikweni ga le kule, giku: Kasi Jehova a nga kona le Zioni ke? Xana a Hosi yakwe a yi kona kakwe ke? Hikuyini va vindlukisileko a zanga ya mina hi zifananiso zabye, Ni vanungungulu va vamatiko ke? Mika 4:9

Hosea 9:7

A masiku ya kutsayiswa ma chikele, a masiku ya nchachazelo ma chikele! Israeli i ta zi tiva! A muprofeti i hunzukile xipumbu, a munhu wa moya i hungukile hi kota ya wunyingi ga zigoho za wena ni wukulu ga kuhluwuka ka wena.

Jona 2:8

Lava va khatalelako zahava, Va tsika Nungungulu wabye wa tipswalo.

Zakaria 13:2

Hi siku lego, ku wula Jehova wa tiyimpi, nzi ta fuvisa a mavito ya zifananiso laha tikweni, zi nga ha alakanyiwi kambe. Nzi ta hlongola a vaprofeti ni moya wu nga hlazekangiko lomu tikweni. Ezek. 30:13; Hos. 2:17; 1 Joh. 4:1

Mitiro 14:15

vaku: Madota, Hiyini mu mahako lezi zilo? Hinawu hi vanhu va tshamela ginwe na nwina, hi mu nehela a ivangeli, lezaku kasi ma fela ku tsika lezi zi nga nyawuliko, muta ka Nungungulu loyi a hanyako, loyi a nga maha tilo ni misava ni bimbi, ni zontlhe lezi zi nga ka zona; Jak. 5:17; 1 Sam. 12:21; 1 Tes. 1:9

Deuteronome 32:21

Vona va nzi vuxele xiluse hi lezi zi nga hiko Nungungulu, Va nzi zangarisile hi zilo zabye za hava; Nzi ta va vuxela xiluse hi lezi zi nga hiko vanhu, Nzi ta va zangarisa hi matiko ya zipumbu.

1 Samueli 12:21

Mu nga dzuki mu hambuka, mu lanzela a zilo zi nga nyawuliko, lezi zi nga vuniko nchumu, ni lezi zi nga ponisiko, hakuva zilo zi nga nyawuliko.

1 Samueli 5:4

A siku gi lanzelako, a vanhu va le Axdode va lo vuka kambe ni mixo va wona Dagoni na a wile hi nghohe yakwe mahlweni ka arke ga Jehova; a hloko ya Dagoni ni mandla yakwe zi wa tsemekile, na zi hi laha xipimbitsini xa nyangwa, na ku sele miri woce.