Jakobe 1:12 - Tshwa Bible

¹² I katekile a munhu loyi a timiselako minzhingweni; hakuva loku a ringilwe a kumeka na a tiyile, i ta amukeliswa a xidlodlo xa wutomi, lexi a Hosi yi tsumbisileko lava va yi ranzako. Kuv. 2:10; Joba 5:17; 1 Ped. 5:4

Jakobe 1:12 ပူးပေါင်းရင်းမြစ်များ

Genesisi 22:1

Zonake anzhako ka lezo zilo, Nungungulu i lo ringa Abrahama aku ngalo: Abrahama! Aku: Nzi laha. Maheb. 11:17-19

Nehemia 1:5

nziku: Nza ku khongotela Jehova, wena Nungungulu wa tilo, Nungungulu wa hombe a chavekako, loyi a hlayisako a xivumelwano, a mahela wuxinji lava va mu ranzako va hlayisako zileletelo zakwe, Ekso. 20:6; Mitse. 14:18; Dan. 9:4

Joba 2:10

Kanilezi yena aku ngalo kakwe: Wena u wulawulisa ku khwatsi hi munwe wa zipumbu za vavasati. Hi ta amukela ntsena leʼzo saseka hi canjeni ga Nungungulu, hi nga ha amukeli zo biha ke? A ka zontlhe lezo cima Joba a nga gohangi hi milomu yakwe.

Joba 5:17

Langutani, i katekile munhu loyi Nungungulu a mu lulekako: Hikwalaho u nga soli a xitsayiso xa Nyamintamu. Maheb. 12:5; Jak. 1:12; Kuv. 3:19

Tisimu 11:5

Jehova wa kamba loyi a lulamileko; Kanilezi wa venga a wakubiha ni loyi a ranzako kuleva.

Tisimu 119:67

Na nzi nga se kuva hlomulweni nzi wa pengile, Kanilezi makunu nza gonga a mhaka ya wena.

Tisimu 119:71

Zi nzi sasekele a kuva nzi hlokiswa, Kasi nza gonza ziyimiso za wena.

Tisimu 119:75

Jehova, nza zi tiva lezaku a kulamula ka wena ku lulamile, Lezaku u nzi hlokisile hi kutsumbeka.

Tisimu 5:11

Kanilezi ngha va tsaka vontlhe lava va ku mahako wuponelo gabye; Ngha va buma xontlhe xikhati hakuva wena wa va vikela; Lava va ranzako a vito ga wena a va tatiswe hi litsako.

Tisimu 94:12

Jehova, i katekile a munhu loyi u mu layako, Loyi u mu gonzisako hi nawo wa wena, Joba 5:17; Maheb. 12:5

Eksodusi 20:6

kanilezi nza va mahela wuxinji kala ka xizukulwana xa khume ga mazana xa lava va nzi ranzako, lava va hlayisako milayo ya mina.

Mavingu 17:3

A mbita yo nyekisela nja siliva, ni nzhimbo ngwa nzalama; anilezi Jehova i ringa timbilu.

Isaya 64:4

Hakuva kusukela kaleloko a ku na nga zwiwa, A ku na nga ingisiwa hi ndleve, Ge hambu ku woniwa hi mahlo a Nungungulu munwani Loyi a mahako mitiro ya kunghahi ka lava va mu langutelako.

Zakaria 13:9

A xipanze lexi xa wunharu nzi ta xi enghenisa nzilweni, nzi va basisa ku fanana ni siliva yi nyekisilweko, nzi va ringa ku fanana ni nzalama. Va ta khongela vitweni ga mina, nzi va ingisa. Nzi taku: Vona mbanhu va mina. Vona vaku: Jehova i Nungungulu wa hina. Mal. 3:3; Joh. 20:28; 1 Ped. 2:6

Mateu 10:22

Mu ta vengiwa hi vanhu vontlhe hi kota ya vito ga mina; kanilezi loyi a timiselako kala magumo, hi yena a ta nga hanyiswa. Lu. 21:17; Mar. 13:13

Mateu 25:34

Zonake a Hosi yi taku ka vona lava va nga reveni gakwe ga xinene: Ngonani nwina mu katekisilweko hi Dadani, mu taga a tshomba yi nga wona mufumo lowu wu longiselelweko nwina kusukela kusanguleni ka misava. Rom. 8:17; Kuv. 21:7; 1 Kor. 2:9

Luka 6:22

Mu katekile nwina loku vanhu va mu venga, va mu hlongola, va mu rukatela, va nyenya a vito ga nwina aku khwatsi gi bihile, hi kota ya Nʼwana wa munhu. Mat. 5:11; Joh. 16:2; 1 Ped. 2:19

Va le Roma 5:4

ni kuhonisela ku vanga kutiya minzhingweni, ni kutiya minzhingweni ku vanga kutsumba.

Va le Roma 8:28

Hina ha zi tiva lezaku zontlhe zi tlhangana zi tira zinwe a kusaseka a ka vona lava va ranzako Nungungulu, lava va vitanilweko hi khungo gakwe. Gen. 50:20; Mav. 12:21; 2 Tim. 1:9

1 Va le Korinte 2:9

Kanilezi hi kanela kota lezi ku tsalilweko ku ngalo: A zilo lezi zi nga woniwangiko hi tihlo, ni ndleve yi nga zi zwangiko, Lezi zi nga alakanyiwiko mbilwini ya munhu, Zalezo Nungungulu i zi longisele vona lava va mu ranzako. Isa. 64:4

1 Va le Korinte 8:3

Kanilezi loku munhu a ranza Nungungulu, yaloye wa tibyiwa hi yena. Ekso. 33:12; Nah. 1:7; Mat. 7:23; Gal. 4:9; 2 Tim. 2:19

1 Va le Korinte 9:25

Vontlhe vanhu va palisanako va ti khoma ka zilo zontlhe. Makunu va maha lezo kasi ku kuma a xidlodlo lexi xi bolako, kanilezi hina hi tirela a xidlodlo lexi xi nga boliko. 1 Tim. 6:12; 2 Tim. 1:5; Jak. 1:12

Deuteronome 13:3

u nga ingisi timhaka ta muprofeti loye ni mulori loye, hakuva Jehova Nungungulu wa nwina hi yena a mu ringako, kasi ku tiva lezaku xana ma ranza Jehova Nungungulu wa nwina hi timbilu tontlhe ta nwina ni mihefemulo yontlhe ya nwina.

Deuteronome 7:9

Zi tive lezaku Jehova Nungungulu wa wena hi yena Nungungulu; i Nungungulu a tsumbekako, loyi a hlayisako xivumelwano xakwe ni wuxinji, kala ka xizukulwana xa khume ga mazana xa lava va mu ranzako, ni ka lava va hlayisako milayo yakwe. Ekso. 20:6; 34:7

Deuteronome 8:2

Alakanya yontlhe ndlela leyi Jehova Nungungulu wa wena a ku fambisileko ha yona lomu xiwuleni lomu ka 40 wa malembe, aku kasi a ku koramisa ni ku ku ringa, kasi a fela ku tiva lezi zi nga lomu mbilwini ya wena; lezaku kutani u ta hlayisa milayo, kutani u nga yi hlayisi.

2 Timote 2:15

Chela kota ku ti kombisa mahlweni ka Nungungulu u hi loyi a hlolilweko u kheseka, a xitiri xi nga luko na tingana, loyi a avelako a mhaka ya zinene hi kululama.

2 Timote 4:8

Makunu nzi vekelwe a xidlodlo xa kululama, lexi a Hosi a nga mulamuli a lulamileko, yi ta nga nzi nyika xona sikwini lego, na ku nga hi mina nzoce, kanilezi ni ka vontlhe lava va ranzileko a kuwoneka ka yena. Kuv. 2:10

Maheberu 10:32

Kanilezi alakanyani a masiku ya kale, anzhako ka kuya na mu woningilwe, lawo mu nga timisela ka wona a kulweni ka hombe ka kuxaniseka; Gal. 3:4; Kol. 2:1

Maheberu 11:17

Hi kukholwa Abrahama i lo phahlela ha Isaka a siku a nga ringiwa; ina, loyi a amukeleko a zitsumhiso i lo nyikela a nʼwana wakwe a belekilweko yece; Gen. 22:1, 9; Jak. 2:21

Maheberu 12:5

Xana mu rivele a gezu ga kukhongotela, legi gi wulako ka nwina khwatsi hi loku gi wuliwa ka vana? ku ngalo: Nwananga, u nga kanyisi a kulaya ka Hosi, U nga mbheli ntamu loku u kawukwa hi yona; Mav. 3:11

Maheberu 6:15

Zinghaho Abrahama na a timisele hi lihlaza-mbilu, i lo kuma lezi a tsumbisilweko zona.

Jakobe 2:5

Ingisani, vamakabye va mina va ranzekako; Xana Nungungulu a nga hlawulangi lava va vumalako hi za tiko, lezaku vava lava va fumileko kukholweni, ni kuva zigatshomba ya mufumo lowu a wu tsumbisileko vona lava va mu ranzako ke? Ekso. 20:6; Joh. 7:48; Kuv. 2:9

Jakobe 5:11

Hi ngalo: Va katekile lava va nga timisela. Mu zwile hi kutimisela ka Joba, mu wonile a kugumelwa ka Hosi; hakuva a Hosi yi tele hi ku zwela wusiwana ni wuxinji. Mitse. 14:8; Joba 1:21; Tis. 103:8

1 Pedro 3:14

Kanilezi mu katekile loku mu xaniseka hi kota ya kululama; mu nga chavi a kudzukisa kabye, hambu ni ku karateka. Isa. 8:12, 13; Mat. 5:10, 11, 12

1 Pedro 4:13

Kanilezi tsakani loku mu hlengela kuxanisekeni ka Kristu, kasi laha kuvululelweni ka kungangamela kakwe mu fela ku tsaka muva ni zigingi. Miti. 5:41; Rom. 8:17

1 Pedro 4:14

Nwina mu katekile loku mu rukiwa hi kota ya vito ga Kristu; hakuva a Moya wa kungangamela, wu nga Moya wa Nungungulu, wu le hehla ka nwina.

1 Pedro 5:10

A Nungungulu wa tipswalo tontlhe, loyi a nga mu vitanela a kungangameleni kakwe ka pinzukelwa ka Kristu, i ta mu mbhelelisa a mu tiyisa, ni ku mu nyika ntamu, anzhako ka kuva mu xanisekile a xikhatanyana. 1 Kor. 1:9; 2 Kor. 4:17; Maheb. 13:21

1 Pedro 5:4

Kasi laha a Murisi wa hombe a ta nga wonekeliswa, mu ta kuma a xidlodlo xa kungangamela lexi xi nga guhaliko. 2 Tim. 4:8; Maheb. 13:20; Jak. 1:12

1 Johani 4:19

Hina ha ranza, hakuva yena i lo ranga a hi ranza.

Kuvululelwa 2:10

U nga chavi nchumu ka lezi u ta nga xaniseka ha zona. Languta, Satani i ta khotsela vanwani va nwina paxweni, a kuva mu ringiwa, mu xaniswa khume ga masiku. Tsumbeka kala kufeni, nzi ta ku nyika xidlodlo xa wutomi. Mat. 10:22; 24:13; Jak. 1:12

Kuvululelwa 3:19

Nzi kawuka ni ku tsayisa vontlhe lava nzi va ranzako; hikwalaho pinyama u hunzuluka. Mav. 3:11; Maheb. 12:5

Kuvululelwa 3:21

Loyi a hlulako nzi ta mu nyika a kuva a tshama zinwe na mina xitshanwini xa mina xa wuhosi, kota lezi mina nzi nga hlula, nzi tshamile na Dadani wa mina xitshanwini xakwe xa wuhosi. Mat. 19:28; 1 Kor. 6:2