Isaya 9:4 - Tshwa Bible

⁴ Hakuva u tshovile a muyoka wa nzhwalo wakwe Ni limhika li ngaba hlana wakwe, A nhonga ya mutsimbeketi wakwe u yi tshovile kukotisa sikwini ga Midiani,

Isaya 9:4 ပူးပေါင်းရင်းမြစ်များ

Genesisi 27:40

u ta hanya hi supado ya wena, u mu khozela a nakuloni. Zonake laha u ta nga kukutela a ntamu wa wena u ta phewula a gota gakwe nhanweni ya wena.

Tisimu 125:3

Hakuva a nhonga ya wuhosi ya zakubiha yi nga ta fumela a tshomba ya valulamileko, Kasi a vakululama va nga nawuluti canja gabye kubiheni. Isa. 14:5

Tisimu 81:6

Nzi susile a nzhwalo katleni gakwe, Ni mandla yakwe ma ruliwa xirunzwini. Ekso. 1:14; 6:6

Isaya 10:16

Hikwalaho Hosi Jehova wa tiyimpi I ta wonzisa a vakulukileko va Assiria; Lahasi ka wukulu ga gona ku ta vura kukotisa a kuvura ka nzilo.

Isaya 10:5

Khombo ka Assiria, a limhika la zanga ya mina! Loyi a welelako khulo ga mina khwatsi i nhonga.

Isaya 14:25

Nzi ta tshova Assiria lomu tikweni ga mina, Nzi mu kanzihela hi mikonzo lomu zitsungeni za mina; Zonake va ta ruliwa muyoka wakwe, Ni nzhwalo wakwe wu susiwa makatleni yabye.

Isaya 16:4

A vahlongolweko va le Moabi a va luvele ka wena, Uva wuchavelo gabye nghoheni ya muhlaseli. Haxuva a muxanisi i ta gumelwa, a kuphanga ku ta fuva, Ni vatsimbeketi va ta suka lomu tikweni.

Isaya 47:6

Nzi wa zangarele a tiko ga mina, Nzi nyenyezisa a tshomba ya mina, Nzi va nyikela mandleni ya wena. A ku va mahelangi wuxinji; U lo binzisa nguvu a muyoka wa wena hehla ka zikhosana.

Isaya 49:26

A vatsimbeketi va wena nzi ta va gisa nyama yabye, Va ta popiwa hi nkhata wabye wutsumbu, khwatsi hi vinya giswa; Zonake a nyama yontlhe yi ta zi tiva lezaku mina Jehova nzi muhanyisi wa wena, Ni Nyamintamu wa ka Jakobe Mutiruli wa wena.

Isaya 51:13

U rivalako Jehova a Mumahi wa wena, Loyi a andleleko matilo ni ku aka a ziseketelo za misava; U simamisa ku chava wontihe masiku hi kota ya zanga ya muxanisi Loku a xuva ku lovisa ke? Yi gumela kwihi a zanga ya mulovisi ke?

Isaya 52:2

Ti phuhunhe a tsutsungwani, vuka u tshama xitshanwini xa wena, o Jerusalema; Tlhatlha magota ma nga nhanwini ya wena, O khumbi, nhwana Zioni!

Isaya 54:14

U ta bhiyelwa hi kululama, U tava kule ni kutsimbeketwa, U nga ta chava nchumu, Ni lobyiselelo wu nga ta ha tshinela ka wena.

Isaya 9:5

Hakuva a zilato lezi a zi bohileko loyi a ngaya yimpini, Ni tinguwo tontlhe leti ti nga porongelwa nkhateni, Zi ta hoxiwa nzilweni zi hiswa.

Jeremia 30:8

Hi ka siku lego, ku wula Jehova wa tiyimpi, Nzi ta pfutlata a muyoko nhanwini ya Wena, Nzi ta phewula a magota ya wena, Cima a nga ta ha fumiwa hi vamatiko.

Jeremia 48:17

Mu rileni nwina lava mu mu ranzeleko, Nwina lava mu tivako a vito gakwe; Muku: Yi tshovekisile kuyini a nhonga leʼya ntamu, A nhonga yo saseka?

Levi 26:13

Hi mina Jehova, a Nungungulu wa nwina, loyi nzi mu humesileko tikweni ga le Gipite, kasi mu nga mahi tikhumbi tabye. Nzi tshovile a pingo wa makhotso ya nwina, nzi mu mahile mu famba na mu lulamile muku pswi.

Nahume 1:13

Makunu nzi ta tshova a muyoka wakwe lowu wu nga ka wena, nzi phewula a mangenje ya wena.