Isaya 7:20 - Tshwa Bible

²⁰ A ka siku lego a Hosi yi ta cinga tiko hi likari li lombilweko le tlhatukweni wa congo, li nga yona hosi ya Assiria, yi ta cinga hloko ni mafefeleti ya milenge, a cinga ni xilevu kambe. 2 Sam. 10:4

Isaya 7:20 ပူးပေါင်းရင်းမြစ်များ

Isaya 1:5

Hi yini mu ta nga nonohisa mu biwa, hi ku anzisa a kuhluwuka ka nwina? A hloko yontlhe ya babya, a mbilu yontlhe yi bayiseka.

Isaya 10:15

A xihloka xi nga ti dzunza ka loyi a tsemako ha xona ke? Ni saho gi nga ti kulisa ka loyi a sahako ha gona ke? A ku khwatsi hi loku a nhonga yi wa ta tsekatsekisa a woko ga loyi a yi tlakusako, Ni loku a xigomba xi wa ta tlakusa loyi a nga hiko sinya!

Isaya 11:15

Jehova i ta womisa a ravi ga bimbi ga Gipite, I ta tlakusa a canja gakwe hehla ka Eufrate, A wu panza wu maha ntlhanu wa micongwana ni mimbiri, Lezaku vanhu va tlhatuka na va hi ni zilato.

Isaya 36:1

Hi lembe ga wukhume ni mune ga kufuma ka hosi Hezekia, Sennakeribe a hosi ya le Assiria, i lo vukela yontlhe a miti ya ka Juda yi nga ni makhokhola, a yi teka. 2 Tih. 18:13; 2 Kro. 32:1

Isaya 8:7

hikwalaho a Hosi yi ta tisa hehla kabye a mati ya ntamu ya congo, yi nga hosi ya le Assiria ni wukosi gakwe gontlhe, i tata hi milonga yakwe yontlhe, a khulungela lontlhe livuthi la yona.

Isaya 9:13

Kanilezi a vanhu a va tlhelelangi ka loyi a va bako, Ge, hambu ku lava Jehova wa tiyimpi.

Jeremia 2:18

Ni makunu, u fambela yini hi ndlela ya Gipite, A ku yanwa a mati ya Nilo ke? U fambela yini hi ndlela ya Assiria, A ku yanwa a mati ya congo ke?

Ezekieli 29:18

Nʼwana wa munhu, Nebukadrezzare a hosi ya le Babuloni, i rumile a yimpi yakwe ku tira a ntiro wo binza le Tire. A tihloko tontlhe ti lo kuluveka, ni makatla wontihe ma wa pswhomukile. Kanilezi yena ni yimpi yakwe a va kumangi hakhelo le Tire ya ntiro lowu va wu mahileko wa ku gi vukela.

Ezekieli 29:20

Nzi mu nyikile a tiko ga Gipite kota nzhiho wa ntiro lowu a nzi maheleko, hakuva va nzi tirele, ku wula Hosi Jehova.