Isaya 7:14 - Tshwa Bible

¹⁴ Hikwalaho yona Hosi wutsumbu yi ta mu nyika muwoniso: A nhwana i ta xura nyimba, a pswala nisanyana, i ta chula vito ga yena Immanueli. Mat. 1:23; Lu. 1:31

Isaya 7:14 ပူးပေါင်းရင်းမြစ်များ

Genesisi 16:11

A ngelosi ya Jehova yi te ngalo ka yena: Languta, u xure nyimba, u ta beleka nisanyana, u ta chula vito gakwe ku hi Ixmaeli; hakuva Jehova i zwile a kuxaniseka ka wena.

Genesisi 29:32

Lea i lo xura nyimba, i lo beleka nisanyana, i lo chula vito gakwe ku hi Rubeni; hakuva i te ngalo: Jehova i wonile kuxaniseka ka mina, lezi a nuna wa mina i ta nzi ranza.

Genesisi 3:15

Nzi ta veka livengo xikari ka wena ni wasati, ni xikari ka pswalo wa wena ni pswalo wa wasati; i ta ku gandla a hloko, na wenawu u ta mu luma a xirenze xakwe. Rom. 16:20; Maheb. 2:14; 1 Joh. 3:8

Genesisi 30:6

Rakeli i te ngalo: Nungungulu i lamule a nanzu wa mina, ni lezaku i zwile a gezu ga mina, i nzi nyikile a nisanyana. Hilezo i lo chula a vito gakwe ku hi Dani.

Genesisi 30:8

Rakeli i te ngalo: Hi kupfinyana ka hombe nzi pfinyene ni makweru, nzi mu hlulile. I lo chula vito gakwe ku hi Naftali.

Genesisi 4:25

Na Adamu i lo engeta a tiva a sati wakwe; i lo beleka a nisanyana, a no chula vito gakwe ku hi Sete, aku ngalo: Hakuva Nungungulu i nzi yimisele yinwani mbewu matshanweni ya Abeli loyi a nga dawa hi Kana.

1 Tihosi 13:3

Zonake i lo maha xiwoniso gwalego siku, aku: Lexi hi xiwoniso lexi Jehova a wulileko, aku: Languta, a alati gi ta panzeka, ni khuma gi nga hehla ka gona gi ta hangalaka lahasi.

Tisimu 46:8

Tanani, mu wona mitiro ya Jehova, A zihangalaso lezi a zi mahileko misaveni.

Isaya 38:7

A xikombiso lexi u nyikiwako hi Jehova, xi tiyisako lezaku Jehova i ta maha lezi a zi wulileko, hi lexi:

Isaya 8:10

Bohani xikungo, kanilezi xi nga ta maheka. Wulawulani mhaka, kanilezi yi nga ta tiya; hakuva Nungungulu i na hina. Joba 5:12; Rom. 8:31

Isaya 8:8

I ta enghena tikweni ga Juda kota ntalo, a kukuleta a kala a chikela mikolweni ya vanhu; a kutshambulutwa ka tipapa takwe ku ta fenengeta kuanama kontlhe ka tiko ga wena, o Immanueli!

Isaya 9:6

Hakuva hi pswalelwe nʼwana, hi nyikilwe a nisanyana, A wuhosi gi vekilwe makatleni yakwe; Yena i ta vitanwa ku Sungukati gi Hlamalisako, Nungungulu Nyamintamu, Dadani wa Pinzukelwa, Hosi ya Kurula. Lu. 1:31; Rom. 8:32; Efe. 2:14

Jeremia 23:6

Juda i ta hanyiswa masikwini yakwe, na Israeli i ta tshama hi kurula. Legi hi vito gakwe a to vitanwa ha gona: Jehova hi kululama ka hina.

Jeremia 31:22

Xana u ta pepetseka kala rini, wena nhwana wo tlula milayo? Hakuva Jehova i ta vanga xilo xiswa le misaveni, A wasati i ta hlayisa wanuna.

Jeremia 44:29

A xikombiso xa nwina xo tiyisa lezaku nzi ta mu tsayisa wutshanwini legi, ku wula Jehova, kasi mu fela ku zi tiva lezaku a timhaka ta mina ti ta tatiseka hi khombo hehla ka nwina, hi lexi:

Mika 5:2

Kanilezi wena Betlehema Efrata, loyi u nga tsongwani xikari ka mingango ya ka Juda, ku ta huma hi ka wena ata ka mina loyi a ta ngava hosi ya ka Israeli, loyi a nga hi kona kaleloko, kusukela xikhatini xa pinzukewa. Mat. 2:6; Joh. 7:42

Mateu 1:23

Langutani, a nhwana i ta xura nyimba, i ta beleka nisanyana, Va ta mu chula vito gakwe aku hi Immanueli; lezo hi ku tlhamusela zi wula ku ngalo: Nungungulu i na hina. Isa. 7:14

Luka 1:31

U ta xura nyimba, u beleka a nisanyana, u mu chula vito gakwe aku hi Jesu. Isa. 7:14; Mat. 1:21; Xip. 2:21

Luka 1:35

A ngelosi yi lo hlamula yiku ka yena: A Moya wa ku Basa wu tata hehla ka wena, ni ntamu wa loyi a nga Hehla-Hehla wu ta ku fenengeta; hikwalaho a nʼwana wo basa loyi a ta nga belekiwa i ta vitanwa a Nʼwana wa Nungungulu. Mat. 1:20; Joh. 1:34; Rom. 1:4

Luka 2:12

A xiwoniso xa nwina hi lexi: Mu ta ya kuma a xinwanana na xi petselwe dzobyeni, xi latiwa lomu xigowolweni xa tihomu.

Luka 20:44

Loku Davida a mu vitana Hosi, i maha a nʼwana wakwe hikuyini?

Johani 1:14

Zonake Gezu gi lova ni miri, gi tshama xikari ka hina; hina hi lo wona kungangamela kakwe, ku nga kungangamela loku Dadani a nyikako a Nʼwana wakwe a belekilweko yece, na a tele hi wuxinji ni zinene. Isa. 40:3; Mat. 1:16; Rom. 1:3

Va le Roma 9:5

A vakokwani vabye; Kristu i lo huma kabye hi ka nyama, loyi a nga hehla ka zontlhe, Nungungulu loyi a bongiwako kala kupinzuka. Amen. Deut. 10:15; Joh. 1:1; Miti. 20:28

1 Timote 3:16

Kunene a fihlakalo wa kukholwa ka hina wa hombe nguvu: Loyi a nga wonekeliswa nyameni, A kumiwa na hi loyi a lulamileko Moyeni, A woniwa hi tingelosi, A kanelwa xikari ka vamatiko, A kholwiwa laha misaveni, A tlakuselwa kungangameleni. Mat. 3:16; 28:2; Joh. 1:32; 15:26; Miti. 10:34; Gal. 2:8

Valamuli 6:36

Gideoni aku ka Nungungulu: Loku hakunene u ta ponisa Israeli hi canja ga mina, kota kuwula ka wena,

1 Samueli 1:20

Ka gwalego lembe Hana i lo xura nyimba a pswala nwanana wa mufana, a mu chula vito ga Samueli, hakuva i te ngalo: Nzi mu kombelile ka Jehova.

1 Samueli 4:21

I lo chula nwanana a vito ga Ikabode, hakuva i te ngalo: A wudumo gi sukile ka Israeli, hi lezi a arke ga Nungungulu gi tekilwe, ni nwingi wakwe ni nuna wakwe.