Isaya 66:4 - Tshwa Bible

⁴ Hizalezo mina nzi ta ranza ku va nehela makhombo, Nzi ta tisa hehla kabye lezi va zi chavako; Hakuva laha nzi nga vitana a nga kona a nga vumela, Ni laha nzi nga wulawula a nga kona a nga ingisa; Kanilezi va mahile kubiha mahlweni ka mina, Va ranza lezi zi nga nzi tsakisiko.

Isaya 66:4 ပူးပေါင်းရင်းမြစ်များ

2 Tihosi 21:2

I lo maha lezi zi bihileko mahlweni ka Jehova, a lanzela a manyala ya matiko lawo Jehova a ma hlongoleko mahlweni ka vanana va ka Israeli.

2 Tihosi 21:6

I lo hisa a nʼwana wakwe nzilweni, a namarela wutumbeni ni wuloyini, a yimisa vangoma ni vavumbi, a maha kubiha ko hunzeleta mahlweni ka Jehova, a mu zangarisa. Levi 18:21; 19:26; Jer. 32:35

Tisimu 81:12

Hikwalaho nzi lo va tsika kunonoheni ka timbilu tabye, Va lo famba hi makungo yabye. Ezek. 20:25; Miti. 14:16; Rom. 1:24

Mavingu 1:24

Hakuva mina nzi vitanile, nwina mu ala, zi lo nawuluta a canja ga mina, kanilezi ai nga kona a nga gi khatalela, Isa. 65:2; Jer. 7:13

Mavingu 10:24

Lexi a xi chavako a wa kubiha xi ta mu wela; anilezi a wa kululama i ta mahelwa mixuvo yakwe.

Isaya 50:2

A xikhati lexi nzi ngata, hikuyini ku nga hi hava muyimeli ke? Ni laha nzi nga vitana, hikuyini ku nga kala ku huma wo hlamula? Xana a woko ga mina gi komile ko kala nzi tsanzeka ku tlhatlhisa ke? Kutani nzi vumala ntamu wa ku hanyisa ke? Languta, hi kukawuka ka mina nza womisa a bimbi, A micongo nzi yi maha xiwula, kasi a zidluwani za bola, zifa hi tora, Hi kota ya ku vumala mati. Ekso. 14:21; Jox. 3:5, 16

Isaya 59:15

Ina, a zinene za vumaleka, Ni loyi a tsikako leʼzo biha wa phangiwa. Jehova i zi wonile, zi mu tsanwisa Hikuva ku nga hi na nongameto.

Isaya 59:7

A mikonzo yabye yi tsutsumela kubiheni, Yi hatlisela ku ya halata a nkhata wu nga hiko na nanzu; A maalakanyo yabye maalakanyo ya kubiha, A kuhahlula ni kulovisa zi lomu tindleleni tabye.

Isaya 65:12

Nzi ta mu nyikela ka supado, Mu ta korama nwentlhe mu tlhabyiwa, Hakuva laha nzi nga vitana a mu hlamulangi; Laha nzi nga wulawula a mu ingisangi; Kanilezi mu mahile kubiha mahlweni ka mina, Mu ti hlawutela lezi zi nga nzi tsakisiko.

Isaya 65:2

Nzi nawulutile a mandla ya mina siku gontlhe a ka tiko gi hluwukileko, Legi gi fambako hi ndlela leyi yi nga hiko yi nene, Va lanzela maalakanyo yabye wutsumbu.

Isaya 65:3

I tiko legi gi nzi zangarisako xontlhe xikhati Hi ku phahlela lomu masinwini, Ni ku hisa tibani hehla ka ma alati ya zitini;

Isaya 65:7

A zigoho zabye, ku wula Jehova, Zinwe ni zigoho za vadadani vabye, Lava va hisileko tibani hehla ka zitsunga, Va nzi rukatela hehla ka miganga. Hikwalaho nzi ta va pimela a hakhelo ya mitiro yabye ya kale. Ekso. 20:5; Hos. 4:13

Jeremia 35:17

hikwalaho Jehova, a Nungungulu wa tiyimpi, i ngalo: Languta, nzi ta neha hehla ka Juda ni ka vontlhe a vaaki va Jerusalema, gontlhe a khombo nzi gi wulileko ha vona. Hakuva nzi wulawulile kabye, kanilezi a va nzi ingisangi; nzi va vitanile, kanilezi a va hlamulangi.

Jeremia 7:13

Makunu na mu mahile a zimaho lezi zontlhe, ku wula Jehova, nzi wulile a ka nwina na ga hi mixo, nzi mu byela, kanilezi a mu ingisangi; nzi lo mu vitana kanilezi a mu hlamulangi.

Jeremia 7:30

Hakuva a vanana va ka Juda va mahile kubiha a mahlweni ka mina, ku wula Jehova; va enghenisile a manyalataniso yabye lomu ndlwini yi vitanwako hi vito ga mina, va yi nyenyezisa.

Ezekieli 11:8

Mu chava a supado, nzi ta neha supado hehla ka nwina, ku wula Hosi Jehova.

Ezekieli 14:4

Hikwalaho wulawula ka vona, uku: Hosi Jehova i ngalo: A munhu ni munhu wa ka Israeli loyi a nyikelako a mbilu yakwe ka zifananiso, a veka mahlweni kakwe a zikhunguvanyiso lexi xi mu yisako kubiheni, loku ata ka muprofeti mina Jehova nzi ta mu hlamula kota lezi zi mu faneleko hi kota ya wunyingi ga zifananiso zakwe;

Ezekieli 20:25

Nzi lo va nyika a milayo yi nga hiko yi nene, ni zileletelo lezi va nga zi kotiko ku hanya ha zona; Miti. 7:42; Rom. 1:24; 2 Tes. 2:10

Mateu 24:24

hakuva ku ta huma vanhu va ta nga ti wula Kristu hi ku hemba, ku huma ni vaprofeti va mawunwa; va ta maha ziwoniso za hombe ni zirewukiso, kasi ku pengisa ni vahlawulilweko loku zi koteka. Deut. 13:1; Rom. 8:28; 2 Tim. 2:19

1 Samueli 8:19

Kanilezi va lo ala ku ingisa a gezu ga Samueli, vaku ngalo: Za hava lezo, hina hi lava hosi ku hi fumela;