Isaya 66:22 - Tshwa Bible

²² Hakuva khwatsi hi lezi a matilo maswa ni misava yiswa leyi nzi ta nga yi maha, zi ta nga tsonzoma mahlweni ka mina, ku wula Jehova, zinghaho a lixaka la nwina ni vito ga nwina zi ta tshama zi hi kona. Jer. 31:35; 2 Ped. 3:13; Kuv. 21:1

Isaya 66:22 ပူးပေါင်းရင်းမြစ်များ

Isaya 48:19

Ni vana va wena va wa ta ku khwatsi i seke, Ni pswalo wa marumbu ya wena wu wa ta kotisa vunye; A vito ga wona cima gi wa nga ta susiwa, Ge hambu ku fuviswa mahlweni ka mina. Gen. 22:17; 28:14

Isaya 51:16

Nzi vekile a timhaka ta mina no nwini wa wena, Nzi ku fihlile nzhutini wa canja ga mina, Kasi ku andlala tilo ni ku aka ziseketelo za misava, Ni ku wula ka Zioni, aku: Wena u tiko ga mina! Deut. 18:18; Jer. 1:9

Isaya 53:10

Zi lo mu xalalisa Jehova a ku muba hi kubayiseka. Loku a wutomi gakwe gi mahile a mhamba ya zionho, I ta wona a pswalo wakwe, a lehisa masiku yakwe, Ni kuranza ka Jehova ku ta vuvuma canjeni gakwe. Rom. 6:9

Isaya 56:5

Nzi ta va nyika wutshamu ni vito lomu ndlwini ya mina ni mutini wa mina, Legi gi hunzako akuva ni vana va xinuna ni va xisati; Nzi ta va nyika a vito ga pinzukelwa Legi gi to kala gi nga fuviswi. 2 Sam. 18:18; Kuv. 2:17

Isaya 59:21

A xivumelwano xa mina zinwe navo hi lexi, ku wula Jehova. A moya wa mina lowu wu nga hehla ka wena, ni timhaka ta mina leti nzi ti vekileko nonwini wa wena, zi nga ta huma nonwini wa wena, ni milonwini ya vana va wena, hambu milonwini ya vazukulu va wena, kusukela lezi kala kupinzuka, ku wula Jehova.

Isaya 61:8

Hakuva mina Jehova nzi ranza lezi zi lulamileko, Nzi venga kuphanga ku mahiwako hi kanu; Nzi ta va nyika hi kutsumbeka a nchachazelo wabye, Nzi ta maha navo a xivumelwano xa pinzukelwa.

Isaya 61:9

A lixaka labye li ta tibyiwa xikari ka matiko, Ni vana vabye va ta tibyiwa xikari ka tixaka tinwani; Vontlhelele va ta nga va wona va ta va tiva Lezaku lixaka leli Jehova a li katekisileko.

Isaya 65:17

Hakuva nzi ta vanga a tilo giswa ni misava yiswa, A zilo za kale zi nga ta ha alakanyiwa, Ge hambu ku wuya lomu malangeni. 2 Ped. 3:13; Kuv. 21:1

Isaya 65:22

Va nga ta akela ku kasi vanwani va tshama lomo, Va nga ta byalela ku kasi vanwani vaga mihanzu ya kona; Hakuva a masiku ya vanhu ma ta ringana ni masiku ya tisinya, Ni vahlawulilweko va mina va ta tsakela mitiro ya mandla yabye.

Isaya 65:23

Va nga ta ti karatela mahala, Va nga ta beleka vanana kasi ku fela khombyeni, Hakuva va tava lixaka leli li katekisilweko hi Jehova; A vana vabye va ta hanya zinwe navo. 1 Kor. 15:38

Jeremia 33:20

Jehova i ngalo: Loku mu wa ta zi kota ku tshova a xivumelwano xa mina ni mumu, ni xivumelwano xa mina ni wusiku, lezaku laho ku ngave na mumu ni wusiku a zikhatini za kona;

Jeremia 33:21

zonake a xivumelwano xa mina zinwe na Davida a nanza ga mina xi nga tshoveka, lezaku a ngave na nʼwana wo fuma xitshanwini xakwe xa wuhosi; zinwe ni vaLevi va nga vapristi lava va nzi tirelako.

Zefania 3:20

Xikhatini lexo nzi ta mu wuyisa nzi mu tsombanyisa, hakuva nzi ta mu nyika wudumo mu khesiwa xikari ka matiko wontlhe ya misava, a siku lego nzi ta nga wuyisa a vakhonwi va nwina mahlweni ka nwina, ku wula Jehova. Deut. 30:3

Mateu 28:20

mu va gonzisa a ku gonga zontlhe lezi nzi mu layileko zona. Mangabye, nzi na nwina a masiku wontihe, na kona kugumelweni ka xikhati. Miti. 2:42

2 Pedro 3:13

Kanilezi hi kota ya xitsumbiso xakwe, hiha ha langutela a matilo maswa ni misava yiswa, lomu a kululama ku tshamileko kona. Isa. 65:17; Kuv. 21:1

Kuvululelwa 21:1

Nzi lo wona a tilo giswa ni misava yiswa; hakuva a tilo go sangula ni misava yo sangula zi wa hunzile, ni bimbi gi wa nga ha hi kona. Isa. 65:17; 2 Ped. 3:13