Isaya 66:18 - Tshwa Bible

¹⁸ Hakuva nza yi tiva mitiro yabye ni maalakanyo yabye. A xikhati xata laha nzi ta nga tsombanyisa a matiko wontihe ni tirimi; va tata va ta wona kungangamela ka mina.

Isaya 66:18 ပူးပေါင်းရင်းမြစ်များ

Joba 42:2

Mina nza zi tiva lezaku wena wa zi kota ku maha zilo zontlhe, Ni lezaku a kuxuva ka wena a ku na ku tsanzekiswa.

Tisimu 139:2

Wa tiva kutshama ka mina ni kusuka ka mina; U tiva maalakanyo ya mina na u hi kule. Mat. 9:4

Tisimu 67:2

Kasi a ndlela ya wena ya tibyiwa laha misaveni, Ni kuhanyisa ka wena xikari ka matiko wontihe. Isa. 60:3; Lu. 2:30

Tisimu 72:11

Ina, tontlhe tihosi ti ta mu khizamela, A matiko wontihe ma ta mu tirela.

Tisimu 72:17

A vito gakwe gi ta tsonzoma kala kupinzuka, A vito gakwe gi tava kona na ga hi kona gambo; Ni vanhu va ta katekisana ha yena; Matiko wontihe ma ta mu vitana loyi a katekileko. Gen. 12:3

Tisimu 82:8

Vuka, Nungungulu, u lamula misava, Hakuva wontihe matiko ma lumba wena.

Tisimu 86:9

A matiko wontihe lawa u ma mahileko ma tata, ma ku khizamela, Hosi, Ma kulisa vito ga wena. Zef. 2:11; Zak. 14:9

Tisimu 94:11

Jehova wa tiva a maalakanyo ya munhu, Lezaku a ma vuni nchumu. 1 Kor. 3:20

Tisimu 97:6

A matilo ma tlhatlhambutela a kululama kakwe, Ni matiko wontihe ma wona a wukulu gakwe.

Isaya 11:9

A xitsungeni xontlhe xa mina xa kubasa ku nga ta gohiwa nchumu hambu ku onhiwa, Hakuva ku tiva Jehova ku tava ku enetile misava, Khwatsi hi lezi a mati ma fenengetiieko a kueta ka bimbi.

Isaya 2:2

A masikwini yo gumesa a xitsunga xa yindlu ya ka Jehova xi ta yimiswa le xixungweni xa zitsunga, yi tlakusiwa hehla ka zitsunga zinwani; wontihe matiko ma taya kona. Jer. 3:17; Mika 4:1

Isaya 37:28

Loku u tshama, kutani u huma hambu ku enghena, nza zi tiva, Ni loku u nzi vukela hi zanga.

Isaya 40:5

Ni kungangamela ka Jehova ku ta wonekeliswa, Yontlhe nyama yi ta ku wona khatiginwe. Hakuva a nomu wa Jehova wu wulile lezo.

Isaya 45:22

Tlhelelani ka mina mu hanyiswa, Nwina nwentlhe magemeta-musi ya misava; Hakuva mina nzi Nungungulu, a ku na munwani.

Isaya 52:10

Jehova i funungule a woko gakwe ga kubasa mahlweni ka matiko wontihe, A magemeta-musi ya misava ma ta wona a kuhanyisa ka Nungungulu wa hina.

Isaya 55:8

Hakuva a maalakanyo ya mina a hi maalakanyo ya nwina, Ge hambu a tindlela ta nwina a hi tindlela ta mina, Ku wula Jehova.

Isaya 56:8

Hosi Jehova loyi a tsombanyisako a vaIsraeli Lava va nga hi wukhumbini, i ngalo: Nzi ta tsombanyisa vanwani, Nzi va tlhanganyisa ni lava va sinako va tsombanyisilwe.

Isaya 57:12

Nzi ta tlhatlhambutela a kululama ka wena, Ni mitiro ya wena yi nga ta ku vuna nchumu.

Isaya 59:7

A mikonzo yabye yi tsutsumela kubiheni, Yi hatlisela ku ya halata a nkhata wu nga hiko na nanzu; A maalakanyo yabye maalakanyo ya kubiha, A kuhahlula ni kulovisa zi lomu tindleleni tabye.

Isaya 65:2

Nzi nawulutile a mandla ya mina siku gontlhe a ka tiko gi hluwukileko, Legi gi fambako hi ndlela leyi yi nga hiko yi nene, Va lanzela maalakanyo yabye wutsumbu.

Isaya 66:10

Nengelani zinwe ni Jerusalema, Mu mu tsakela nwina nwentlhe mu mu ranzako. Bhumani hi litsako zinwe naye, Nwina nwentlhe mu mu rilelako;

Jeremia 16:17

Hakuva a mahlo ya mina ma te tshonono tindleleni tabye tontlhe; a va fihlalangi mahlweni ka mina, ni zionho zabye a zi fihleki kuwoneni ka mina. Joba 34:21; Maheb. 4:13

Jeremia 3:17

A ka xikhati lexo va ta vitana Jerusalema aku xitshamu xa wuhosi xa Jehova; a matiko wontihe ma ta tsombana le Jerusalema a vitweni ga Jehova; cima va nga ta ba famba hi kunonoha ka timbilu tabye.

Ezekieli 38:10

Hosi Jehova i ngalo: Hi siku lego ku ta enghena maalakanyo mbilwini ya wena, u pola makungo yo biha;

Ezekieli 39:21

Nzi ta wonekelisa a wukulu ga mina xikari ka matiko, wontihe matiko ma ta wona a kulamula loku nzi ku mahileko, ni canja ga mina legi nzi va bileko ha gona.

Joeli 3:2

Nzi ta tsombanyisa wontlhe matiko, nzi ma yisa nkoveni wa Jehoxafate, nzi ta va ranisa hi kota ya Israeli, a vanhu va mina ni tshomba ya mina, lava va va hangalasileko xikari ka matiko, va avelana a tiko ga mina.

Amosi 5:12

Hakuva nza gi tiva a wunyingi ga zihambunyeto za nwina, ni wukulu ga zionho za nwina. Mu hlokisa a valulamileko, mu vumela ku xavelelwa, mu vukela a vavumali lomu hubyeni.

Zakaria 14:16

A misalela ya matiko wontlhe lawa ma ngalwa ni Jerusalema, lembe ni lembe yi ta kanziha ku ya khozela Hosi Jehova wa tiyimpi, ni ku ya maha a mubuzo wa mixaxa.

Malaki 1:11

Hakuva a vito ga mina ga hombe xikari ka vamatiko kusukela kutsuwukeni ka gambo kala kupeleni ka gona: matshanwini wontlhe ku hiswa a libani vitweni ga mina, zinwe ni minyikelo yi basileko; hakuva a vito ga mina ga hombe xikari ka vamatiko, ku wula Jehova wa tiyimpi.

Mateu 12:25

Jesu na a tiva maalakanyo yabye i te ngalo ka vona: Ni wihi mufumo wu ti panzako ha woce wu ta hangalaka; ni wihi muti kutani yindlu yi ti panzako ha yoce yi nga ta ku tsonzoma. Xip. 9:4; Joh. 2:25; Kuv. 2:23

Mateu 9:4

Jesu na a tiva kualakanya kabye, aku ngalo: Hi yini mu alakanyako kubiha timbilwini ta nwina? Tis. 139:2; Xip. 12:25; Lu. 5:22

Luka 5:22

Jesu na a tiva a maalakanyo yabye, i lo va hlamula, aku: Mu wulawulisana hikuyini a timbilwini ta nwina ke?

Johani 17:24

Dadani, nzi ranza lezaku lava u nzi nyikileko vona, na vonawu va fela ku tshama na mina laha nzi nga kona; kasi va fela ku wona a kungangamela ka mina loku u nzi nyikileko kona; hakuva u nzi ranzile na yi nga se ku vangiwa misava. Vesi 5; Xip. 12:26; 1 Tes. 4:17

Johani 5:42

kanilezi nza mu tiva, lezaku mu hava liranzo la Nungungulu timbilwini ta nwina.

Va le Roma 16:26

kanilezi makunu yi wonekelisilwe hi Mitsalo ya vaprofeti, khwatsi hi kulaya ka Nungungulu wa pinzukelwa, yi tibyisilwe ka matiko wontihe kuva kuingisa ka kukholwa; 2 Tim. 1:10

1 Va le Korinte 3:20

niku: A Hosi ya tiva a maalakanyo ya votlhariha, lezaku a ma nyawuli. Tis. 94:11

Deuteronome 31:21

Ni loku makhombo lawa yo tala ni zikarato zita hehla kabye, zonake leli lisimu li ta maha wukustumunyu mahlweni ka vona; hakuva lona li nga ta rivaliwa milonwini ya zizukulwana zabye. Hakuva mina nza tiva maalakanyo ya timbilu tabye legi siku, na nzi nga se nga va chiketa a tikweni legi nzi hlambanyileko ku va nyika gona.

Maheberu 4:12

Hakuva a mhaka ya Nungungulu ya hanya, yi na ni ntamu, ya kariha ku hunza supado ya wutlha gimbiri, yi tlhava yi kala yi hambanyisa a muhefemulo ni moya, ni mahlakala ni mongo; yi hlola a maalakanyo ni mixuvo ya mbilu. Isa. 49:2; Efe. 6:17; Kuv. 1:16

Kuvululelwa 11:15

A ngelosi ya wuntlhanu ni timbiri yi loba mpunzu wa yona; ku zwakala a magezu ya hombe le tilweni, maku ngalo: Makunu a mufumo wa misava wu lumba Hosi ya hina, na Kristu wa yona; yena i ta fuma kala kupinzuka ni kupinzuka. Isa. 27:13; Dan. 2:44

Kuvululelwa 2:13

Nza ku tiva laha u tshamako kona, laha xi nga kona a xitshamu xa wuhosi xa Satani. Hambu zi hi tano, u khomisile a vito ga mina, a ku kanetangi a kukholwa ka mina, hambu masikwini ya Antipasi, a kustumunyu wa mina a kholekileko, loyi a nga dawa xikari ka nwina, laha Satani a akileko kona.

Kuvululelwa 2:2

Nza yi tiva mitiro ya wena, ni kupinyama ka wena ni kutimisela ka wena, ni lezaku a ku na kuhonisela hi vanhu va kubiha; u va hlolile lava va ti wulako vaku vapostoli, na va nga hi vona, u kumile lezaku vo hemba. Tis. 1:6; 2 Kor. 11:18; 1 Joh. 4:1

Kuvululelwa 2:9

Nza tiva a kuxaniseka ka wena, ni wusiwana ga wena, kasi lezo u fumile, ni ku rukatelwa hi vona lava va nge ngalo vaJuda, na va nga hi vona, kanilezi na va hi va sinagoga ga Satani. Lu. 12:21; Rom. 2:17; Xip. 3:9