Isaya 66:14 - Tshwa Bible

¹⁴ Mu ta zi wona, a timbilu ta nwina ti tsaka, A marambu ya nwina ma ta kuma ntamu khwatsi lihunga. Zi ta tibyiwa lezaku a woko ga Jehova gi zinwe ni malanza yakwe, Ni lezaku a zangarela a valala vakwe.

Isaya 66:14 ပူးပေါင်းရင်းမြစ်များ

Ezra 7:9

Hakuva yena i lo suka le Babuloni hi siku go ranga ga hweti yo sangula, zonake a chikela Jerusalema hi siku go ranga ga hweti ya wuntlhanu, khwatsi hi lezi a canja ga tipswalo ta Nungungulu gi nga hi zinwe na yena.

Ezra 8:18

Kota lezi a canja ga Nungungulu wa hina gi nga wa hi hehla ka hina, va lo hi nehela a wanuna wa malanga wa vanana va ka Mali, a nʼwana wa Levi, wa Israeli, a nga Xerebia, zinwe ni vana vakwe ni 18 wa vanakulobye.

Ezra 8:22

Hakuva nzi wa hi ni tingana a ku kombela ka hosi a butho ga tinhenha ni vakhileli va mahaxi, kasi va hi vikela ka valala lomu ndleleni, hakuva nzi wa ngha nzi byelile a hosi, nziku: A canja ga Nungungulu wa hina ga va yimela vontlhe lava va mu lavako, kanilezi a ntamu wakwe ni zanga yakwe, zilwa ni vontlhe lava va mu fularelako.

Ezra 8:31

Hi lo suka Congweni wa Ahava hi siku ga 12 ga hweti yo sangula hiya Jerusalema; a canja ga Nungungulu wa hina gi wa hi zinwe na hina, a hi ponisa mandleni ya valala, ni lava va nga wa hi tumbelele lomu ndleleni,

Tisimu 107:42

A vakululama va zi wona va tsaka, A vakubiha vontlhe va vala milomu.

Mavingu 17:22

A mbilu yi tsakileko yi hi muri wu nene; anilezi a moya wu tshovekileko wu omisa marambu.

Mavingu 3:8

Wu tava muri a nkaveni wa wena, i mongo marambyini ya wena.

Isaya 10:5

Khombo ka Assiria, a limhika la zanga ya mina! Loyi a welelako khulo ga mina khwatsi i nhonga.

Isaya 13:5

Va huma tikweni ga le kule, a magemeta-musi ya tilo; Hi Jehova ni matlhari ya zanga yakwe a tako ku ta lovisa tiko gontlhe.

Isaya 26:19

A vafileko va wena va ta tlhela va hanya, A zirumbi za vafi va mina a zi vuke! Vukani mu giya, nwina lava mu etleleko tshurini, Hakuva a nzhokati ya wena i nzhokati ya wuronga, Zonake a misava yi ta tlhela yi humesa a vafileko. Ezek. 37:3

Isaya 26:20

Yana, tiko ganga, enghena ti ndlwini ta wena, u ti valela; Fihlala xikhatanyana, kala a zanga yi hunza.

Isaya 30:27

Langutani, a vito ga Jehova gata hi le kule, Gita hi nzilo wa zanga yakwe, ni marefu ya musi wo phuma; A milomu yakwe yi tele hi zanga, Ni lirimi lakwe li fanana ni nzilo wu hisako. Ekso. 24:17; 2 Sam. 22:9; Maheb. 12:29

Isaya 33:20

Languta Zioni, a muti wa mibuzo ya hina! A mahlo ya wena ma ta wona Jerusalema, wuakelo ga kurula; A tenda legi gi to kala gi nga susiwi, Legi a timhingu ta gona ti to kala ti nga kunulwi, Ni tingoti ta gona ti nga ta phewuka, ne ni yinwe.

Isaya 34:2

Hakuva Jehova i zangarele wontlhe matiko, A khulo gakwe gi le hehla ka tiyimpi tontlhe ta wona; I va mbhetisile, i va nyikele kudaweni.

Isaya 35:2

Ma ta pfepfa ku hunza mpimo, Ma bhuma hi litsako ni kuyimbelela; Ma ta nyikiwa a wukosi ga Lebanoni, Ni kunona ka Karmeli na Xaroni. Va ta wona a wukulu ga Jehova, ni wukenikeni ga Nungungulu wa hina.

Isaya 41:20

Kasi vanhu va zi wona, va tiva, Va xiyisisa va pima lezaku i canja ga Nungungulu gi mahileko lezo, Ni lezaku Loyi a Basileko wa ka Israeli i zi vangile.

Isaya 42:13

Jehova wa huma kota nhenha, Wa ti vuxa khwatsi hi munhu a yako yimpini; I kanyuluka, aba huwa, A kombisa ntamu wakwe ka valala vakwe.

Isaya 58:11

Lezo Jehova i ta ku rangela xontlhe xikhati, I ta xurisa muhefemulo wa wena matshanwini ma womileko, Ni ku tiyisa a marambu ya wena; U ta fanana ni simu gi cheletelweko mati, Ni xibuka lexi a mati ya xona ma nga pswhiko,

Isaya 59:18

I ta va chachazela hi ku ringana ni mitiro yabye, A zanga ka valala vakwe, ni ku tlhelisela ka lava va lwako naye; I ta tlhelisela hi fanelo a matiko ya le bimbini.

Isaya 66:5

Zwanani a mhaka ya Jehova nwina lava mu rurumelako hi gezu gakwe! Hakuva a vamakwenu lava va mu vengako, Lava va mu hlongolako hi kota ya vito ga mina, Ve ngalo: Jehova a kombisa a wukulu gakwe, Kasi ha fela ku wona kutsaka ka nwina! Kanilezi va tawa tingana.

Zakaria 10:7

A va ka Efraime va ta ku khwatsi tinhenha, a timbilu tabye ti ta tsaka khwatsi hi loku va nwile vinya. Ina, a vanana vabye va ta zi wona va tsaka; a timbilu tabye ti ta tsakela Jehova.

Malaki 3:18

Zonake mu ta tlhela mu wona a kuhambana ku nga kona ka loyi a lulamileko ni wakubiha, xikari ka loyi a tirelako Nungungulu ni loyi a nga mu tireliko.

Johani 16:22

Na nwina mu na ni kuxaniseka makunu, kanilezi nzi ta mu wona kambe, zonake a timbilu ta nwina ti ta tsaka, a nga kona loyi a ta nga mu tekela a kutsaka ka nwina. Miti. 2:46; 1 Ped. 1:8

Maheberu 10:27

kanilezi ku sele ntsena a ku rinzela hi kuchava a kulamulwa, ni xikuhe xa nzilo lowu wu ta nga hetisa a valala. Ezek. 36:5; Zef. 3:8; 2 Tes. 1:8