Isaya 66:13 - Tshwa Bible

¹³ Khwatsi hi munhu a tangaliswako hi mamani wakwe, Hizalezo mina nzi ta mu tangalisa; Mu ta tangaliswa mutini wa Jerusalema.

Isaya 66:13 ပူးပေါင်းရင်းမြစ်များ

Tisimu 137:6

Loku nzi nga ku alakanyi, A lirimi la mina a li namarele malakalakeni ya mina, Loku nzi nga ranzi Jerusalema hi kuhunzeletilweko.

Tisimu 94:19

Laha nzi nga karateka mbilwini, Wena u tangalisile a muhefemulo wa mina.

Isaya 12:1

A ka siku lego u taku: O Jehova, nza ku bonga! Hambu lezi u nga nzi zangarele, Kanilezi a zanga ya wena yi bohlile, U tlhela u nzi chavelela.

Isaya 40:1

Chavelelani, chavelelani a vanhu va mina, Ku wula Nungungulu wa nwina.

Isaya 40:2

Wulawulani hi wuxinji ka Jerusalema. Muba nyiwo kakwe lezaku a wukhumbi gakwe gi mbhelile, Lezaku kugoha kakwe ku tsetselelwe, Hakuva a ka zionho zakwe i amukele a nzhiho kambiri hi ka canja ga Jehova.

Isaya 49:13

Tlhavani zizimba nwina matilo! tsaka wena misava, Bhumani nwina zitsunga, hakuva Jehova i tangalisile a vanhu vakwe, I zwele wusiwana a ka vakwe lava va hlokiswako.

Isaya 51:12

Hi mina wutsumbu nzi mu chavelelako. U mani wena u chavako a vanhu va ta ngafa, Ni vana va vanhu va ta nga hunzuka va fanana ni byanyi;

Isaya 51:3

Hakuva Jehova i ta zwela wusiwana Zioni, I ta zwela wusiwana a marumbi yakwe wontihe; A xiwula xakwe i ta xi maha xi fanana ni Edeni, Ni mapanya yakwe ma ta fanana ni simu ga Jehova. Ku tava kona kutsaka ni migiyo lomo, A zigingi ni magezu ya wucenje. Tis. 102:25; Lu. 21:33

Isaya 66:10

Nengelani zinwe ni Jerusalema, Mu mu tsakela nwina nwentlhe mu mu ranzako. Bhumani hi litsako zinwe naye, Nwina nwentlhe mu mu rilelako;

2 Va le Korinte 1:3

A bongiwe Nungungulu tlhelo Dadani wa Hosi ya hina Jesu Kristu, a Dadani wa wuxinji ni Nungungulu wa kuchavelela kontlhe; Ekso. 34:6; Efe. 1:3

2 Va le Korinte 1:4

loyi a hi chavelelako kuxanisekeni ka hina kontlhe, kasi hi fela ku zi kota ku chavelela vona lava va nga le kuxanisekeni, hi kuchavelela loku hi chavelelwako ha kona hi Nungungulu. 2 Tes. 2:16

1 Va le Tesalonika 2:7

Kanilezi hi lo rula xikari ka nwina, kota a muanwisi loku a hlayisa a vanana vakwe.