Isaya 66:10 - Tshwa Bible

¹⁰ Nengelani zinwe ni Jerusalema, Mu mu tsakela nwina nwentlhe mu mu ranzako. Bhumani hi litsako zinwe naye, Nwina nwentlhe mu mu rilelako;

Isaya 66:10 ပူးပေါင်းရင်းမြစ်များ

Tisimu 122:6

Kombelelani a kurula ka Jerusalema, Lava va ku ranzako va ta vuvuma.

Tisimu 137:6

Loku nzi nga ku alakanyi, A lirimi la mina a li namarele malakalakeni ya mina, Loku nzi nga ranzi Jerusalema hi kuhunzeletilweko.

Tisimu 26:8

Jehova, nza ranza a wuakelo ga yindlu ya wena, Ni wutshamu legi gi nga ni kungangamela ka wena. Ekso. 40:34

Isaya 25:9

A ka siku lego va taku: Langutani, loyi hi yena Nungungulu wa hina; Hi mu tsumbile, i ta hi ponisa; Hi yena Jehova, loyi hi mu rinzeleko, A hi tsakeleni kuhanyisa kakwe!

Isaya 35:2

Ma ta pfepfa ku hunza mpimo, Ma bhuma hi litsako ni kuyimbelela; Ma ta nyikiwa a wukosi ga Lebanoni, Ni kunona ka Karmeli na Xaroni. Va ta wona a wukulu ga Jehova, ni wukenikeni ga Nungungulu wa hina.

Isaya 44:23

Yimbelelani nwina matilo, hakuva Jehova i zi tirile! Matshamu ya kueta ya misava, kanyulukani! Tlhavani zizimba nwina zitsunga, Na wena khwati ni tisinya to ntlhe ti nga ka wena; Hakuva Jehova i tlhatlhisile Jakobe, A ti dumisa ha Israeli.

Isaya 51:3

Hakuva Jehova i ta zwela wusiwana Zioni, I ta zwela wusiwana a marumbi yakwe wontihe; A xiwula xakwe i ta xi maha xi fanana ni Edeni, Ni mapanya yakwe ma ta fanana ni simu ga Jehova. Ku tava kona kutsaka ni migiyo lomo, A zigingi ni magezu ya wucenje. Tis. 102:25; Lu. 21:33

Isaya 65:18

Kanilezi mu ta tsaka mu nengela ka zontlhe lezi nzi ta nga zi vanga, Hakuva Jerusalema nzi ta mu vangela migiyo. Ni vanhu va kona nzi ta va vangela litsako.

Isaya 9:3

U anzisile a tiko, u kulisile kutsaka kabye; Va tsakile mahlweni ka wena ku khwatsi hi lava va tshovelako, Va hlalela kukotisa vanhu va avelanako muphango.

Ezekieli 9:4

aku ka yena: Famba u ya tsemakanya muti, a xikari ka Jerusalema, u vekela xifungo zimombyeni za vanhu lava va nga ni mahika, va rilako hi kota ya manyalataniso, lawa ma mahiwako, xikari kabye.

Deuteronome 32:43

Bhumani nwina matiko, yimbelelani hi kutsaka zinwe ni vanhu vakwe, Hakuva Nungungulu i tlhelisele a nkhata wa malanza yakwe, Wa ti photela hehla ka valala vakwe, I maha nzhiho hi kota ya misava yakwe, ni vanhu vakwe. Tis. 9:13; Rom. 15:10; Kuv. 19:2