Isaya 65:8 - Tshwa Bible

⁸ Jehova i ngalo: Loku ku hi ni dosi lomu ka xitata xa mauva, ve ngalo: U nga xi tsemi, hakuva xa ha hi ni zikatekiso! Minawo nzi ta mahisa lezo hi kota ya malanza ya mina: Nzi nga ta lovisa vontlhe.

Isaya 65:8 ပူးပေါင်းရင်းမြစ်များ

Genesisi 18:26

Jehova i te ngalo: Loku nzi kuma le Sodoma a 50 wa valulamileko xikari ka muti, nzi ta tsetselela a wutshamu, lego hi kota ya vona lavo.

Isaya 1:9

Loku Jehova wa tiyimpi a wa nga hi siyelangi misalela, ngha hi wa kotile Sodoma, hi fanana na Gomora. Gen. 10:24; Mik. 3:22; Rom. 9:29

Isaya 10:21

A misalela yi ta hunzuluka, A misalela ya Jakobe yi ta tlhelela ka Nungungulu wa ntamu.

Isaya 10:22

Hakuva hambu loku a vanhu va wena, Israeli, Va ku khwatsi i seke ga bimbi, Misalela yabye ntsena yi ta nga wuya. A kulobyiswa ku tiyisilwe, ku tele hi kululama.

Isaya 48:9

Kanilezi hi kota ya vito ga mina nzi ta timisela, Hi kota ya wudumo ga mina nzi ta ti khoma, Lezaku nzi nga ku lovisi.

Isaya 6:13

Loku ku sala munwe xikari ka va khume, na yena i ta hunza xikari ka nzilo, khwatsi hi sinya ya munga ni nkanyi, hambu loku yi tsemilwe a xibho xi ta hluka xi humesa matluka. A xibho xa kona xi tava mbewu yi basileko.

Jeremia 30:11

Hakuva nzi zinwe na wena, Kasi ku ku hanyisa, ku wula Jehova. Hakuva nzi ta mbhetisa wontihe a matiko Lawo nzi ku hangalasileko ka wona; Kanilezi wena nzi nga ta ku mbhetisa; Nzi ta ku laya hi nongameto, A nzi zi koti ku ku tsika na u nga biwangi.

Joeli 2:14

Himani a tivako aku kutani a nga ta tlhela a hunzuluka, a siya xikatekiso lenzhako kakwe, kasi muva ni minyikelo ya tinzhoho ni ya kunwa ka Jehova Nungungulu wa nwina ke?

Mateu 24:22

Loku lawo masiku ma wa nga komiswangi, ngha ku nga hi kona ni munwe a hanyisilweko; kanilezi hi kota ya vahlawulilweko a masiku lawo ma ta komiswa. Isa. 65:8, 9; Zak. 14:2, 3

Marku 13:20

Loku Hosi yi wa nga komisangi lawo masiku, ngha ku nga hi kona ni munwe a hanyisilweko, kanilezi hi kota ya vahlawulilweko, lava yi va hlawulileko, yi ma komisile lawo masiku.