Isaya 65:7 - Tshwa Bible

⁷ A zigoho zabye, ku wula Jehova, Zinwe ni zigoho za vadadani vabye, Lava va hisileko tibani hehla ka zitsunga, Va nzi rukatela hehla ka miganga. Hikwalaho nzi ta va pimela a hakhelo ya mitiro yabye ya kale. Ekso. 20:5; Hos. 4:13

Isaya 65:7 ပူးပေါင်းရင်းမြစ်များ

1 Tihosi 22:43

I lo famba hi tindlela ta raru wakwe Asa; a nga hambukangi aya tlhelweni, kanilezi i lo maha lezi zi lulamileko mahlweni ka Jehova. Ntsena lezaku a tiyindlu ta lomu zitsungeni ti wa nga khungumulwangi. A vanhu va lo simama va hisa tibani lomu zitsungeni.

1 Tihosi 22:44

Jehoxafate i lo maha kurula zinwe ni hosi ya ka Israeli.

2 Tihosi 12:3

Hambu lezo, a matshamu ma tlakukileko a ma susiwangi; a vanhu va lo simama ku ya maha miphahlelo ni ku hisa tibani lomu matshanwini ma tlakukileko.

2 Tihosi 14:4

Hambu lezo, a matshamu yo tlakuka a ma susiwangi; a vanhu va lo simamisa va hisa tibani lomu matshanwini ma tlakukileko.

2 Tihosi 15:35

Ntsena lezaku a matshamu ma tlakukileko a ma susiwangi. A vanhu va lo simamisa va nyikela miphahlelo ni ku hisa tibani lomu matshanwini ma tlakukileko. I lo aka a nyangwa ya le hehla ya yindlu ya Jehova.

2 Tihosi 16:4

I lo nyikela miphahlelo, a hisa tibani lomu matshanwini ma tlakukileko ni lomu migangeni, ni lahasi ka tisinya tontlhe leti ti hlukileko.

2 Kronekele 21:11

Jehoramu i lo engeta kambe a maha matshamu ma tlakukileko lomu zitsungeni za va ka Juda; i lo kucetela a vanhu va le Jerusalema ku ti nyiketela wubhayini, a pengisa va ka Juda.

Eksodusi 20:5

U nga zi khizameli, hambu ni ku zi tirela; hakuva mina Jehova, Nungungulu wa wena, nzi Nungungulu wo pinyama, loyi a tsayisako a vanana hi kota ya zionho za vapswali vabye, kala ka xizukulwana xa wunharu ni xa wumune xa lava va nzi vengako; Deut. 24:16; Jer. 31:29; Ezek. 18:19

Isaya 10:12

Kanilezi loku a Hosi yi mahile wontihe ntiro wa yona hehla ka xitsunga xa Zioni ni le Jerusalema, nzi ta tsayisa a hosi ya le Assiria hi kota ya kutikulisa ka mbilu ya yona, ni matshanza ya mahlo ya yona, 2 Tih. 19:35

Isaya 13:11

Nzi ta tsayisa misava hi kota ya kubiha ka yona, Ni vakubiha hi kota ya kugoha kabye, Nzi fuvisa a matshanza ya laʼva ti kulisako, Nzi tsongahata laʼva ti kukumukisako.

Isaya 22:14

Jehova wa tiyimpi i nzi hlevele, aku: Hakunene, mu nga ta tsetselelwa loku kugoha kala mufa, ku wula Hosi Jehova wa tiyimpi.

Isaya 26:21

Hakuva Jehova wata hi le wutshanwini gakwe, A ku ta tsayisa vaaki va misava hi kota ya kugoha kabye; Zonake a misava yi ta funungula a nkhata wu nga ka yona, Yi nga ha fihli a vadelweko va yona. Gen. 4:10; Mik. 1:3; Mat. 23:35

Isaya 28:21

Hakuva Jehova i ta yima kota lezi a nga maha xitsungeni xa Perazima, A zangara khwatsi hi lezi a nga maha le nkoveni wa Gibeoni, Kasi a fela ku maha ntiro wakwe—a ntiro wa masingita, A hetisa a ntiro wakwe wu hlamalisako. Jox. 10:10; 2 Sam. 5:20, 25; 1 Kro. 14:11, 16

Isaya 29:14

Hikwalaho nza ha ta maha mahanjalati ka vanhu lava, A mitiro yi riwukisako, leʼyi hlamalisako; A wutlhari ga titlhari tabye gi ta fuva, Ni kupima ka vanhu vabye va tlharihileko ku ta gumelwa.

Isaya 3:11

Khombo ka wakubiha! i tava ni khombo hakuva i ta nyikiwa a nchachazelo wa mitiro yakwe.

Isaya 30:13

hikwalaho a kugoha loku ku tava na nwina khwatsi i khurisi gi tlakukileko gi nga ni tifa, legi gi khungumukako hi xitshuketi.

Isaya 30:14

Gi ta khungumuka khwatsi i mbita ya wumba loku yi pswhandlaswa ha womu, leyi ku nga saliko ni xirengele lexi munhu a nga okako ha xona a nzilo, kutani a kukha ha xona mati le hlobyeni.

Isaya 57:12

Nzi ta tlhatlhambutela a kululama ka wena, Ni mitiro ya wena yi nga ta ku vuna nchumu.

Isaya 57:7

U andlele a sango ga wena xitsungeni xi tlakukileko, Hi laho kambe u kanzihileko a ku ya phahlela hi timhamba.

Isaya 59:18

I ta va chachazela hi ku ringana ni mitiro yabye, A zanga ka valala vakwe, ni ku tlhelisela ka lava va lwako naye; I ta tlhelisela hi fanelo a matiko ya le bimbini.

Isaya 65:6

Languta, ku tsalilwe mahlweni ka mina: Nzi nga ta miyela nzi kala nzi tlhelisela; Kunene, nzi ta tlhelisela ka vona,

Isaya 66:4

Hizalezo mina nzi ta ranza ku va nehela makhombo, Nzi ta tisa hehla kabye lezi va zi chavako; Hakuva laha nzi nga vitana a nga kona a nga vumela, Ni laha nzi nga wulawula a nga kona a nga ingisa; Kanilezi va mahile kubiha mahlweni ka mina, Va ranza lezi zi nga nzi tsakisiko.

Jeremia 13:25

Lexi hi xiavelo xa wena lexi u ringaniselweko hi mina, Ku wula Jehova; Hakuva u nzi rivele, u tsumba mawunwa.

Jeremia 13:27

Nzi wonile a wubhayi ga wena ni kurila ka kunavela ka wena, A wugango ga wena go hunzeleta le zitsungeni ni lomu masinwini. Khombo ka wena Jerusalema! Xana u ta rinzela kala rini na u nga basiswi ke?

Jeremia 16:18

Hi kuranga nzi ta va tlhelisela kambiri a kugoha kabye ni zionho zabye; hakuva va nyenyezisile a tiko ga mina hi zirumbi za manyala yabye, na va tatisile a tshomba ya mina hi manyalataniso yabye.

Jeremia 5:29

Xana mina nzi nga ta tsayisa lezi zilo ke? ku wula Jehova. Nzi nga ta ti photela a ka tiko go khwatsi hi legi ke?

Jeremia 5:9

Xana mina nzi nga ta tsayisa lezi zilo ke? ku wula Jehova. Nzi nga ta ti photela a ka tiko go khwatsi hi legi ke?

Ezekieli 18:6

a nga geli le hehla ka zitsunga, ge hambu ku tlakusa a mahlo yakwe a cuwuka a zifananiso za yindlu ya ka Israeli, leyi a nga wisangiko tingana a sati wa muakelane wakwe, ge hambu ku tlhangana ni wasati loyi a nga xikhatini xo tsawuka;

Danieli 9:8

Hosi, hi na ni tingana, hina ni tihosi ni tihosana ta hina, ni vadadani va hina, hakuva hi ku onhele.

Hosea 11:2

Kanilezi va lo fularela lava va nga vitana; va lo phahlela ka vaBaali, va hisela zifananiso a tibani.

Hosea 2:13

Nzi ta mu tsayisa hi kota ya masiku ya maBaali, lawa a va hiseleko ho wona a libani, laha a nga ti bombisa hi zingwavila zakwe ni tinzalama takwe, a lanzela zigangu zakwe, mina a nzi rivala, ku wula Jehova.

Levi 26:39

Lava va ta nga sala xikari ka nwina, va ta hleleleka hi kota ya kuonha kabye le matikweni ya valala va nwina; va ta hleleleka hi kota ya kuonha ka vadadani vabye loku va seleko nako.

Mitsengo 32:14

Makunu nwinawu mu lava ku teka xikhundla xa vararu va nwina, mu maha xizukulwana xa vaonhi, mu anzisa a zanga ya Jehova xikari ka va ka Israeli.

Luka 6:38

Nyikani, ku ta nyikiwa ka nwina; va ta mu nyika xifuveni xa nwina a xiringaniso xi nene, xi kanyetelweko, lexi xi kuhlungelweko xi halakela. Hakuva hi lipimo lolu mu pimelako vanwani ha lona, mu ta pimelwawu ha lona. Tis. 79:12; Mav. 19:17; Mar. 4:24

1 Va le Tesalonika 2:16

va hi tsimbetela a ku kanela ka vamatiko, lezaku va fela ku hanyiswa; lezo va tatisa xontlhe xikhati a lipimo la zionho zabye. Kanilezi a khulo ga Nungungulu gi va putsuketele magumo. Gen. 15:16; Mat. 24:6; Miti. 13:50; 14:19; 17:5; 22:21; Lu. 11:52