Isaya 65:23 - Tshwa Bible

²³ Va nga ta ti karatela mahala, Va nga ta beleka vanana kasi ku fela khombyeni, Hakuva va tava lixaka leli li katekisilweko hi Jehova; A vana vabye va ta hanya zinwe navo. 1 Kor. 15:38

Isaya 65:23 ပူးပေါင်းရင်းမြစ်များ

Genesisi 12:2

Nzi ta ku maha lixaka la hombe, nzi ta ku katekisa, nzi kulisa a vito ga wena; u ta kuva xikatekiso.

Genesisi 17:7

Nzi ta tiyisa a xivumelwano xa mina zinwe na wena, ni ka pswalo wa wena anzhako ka wena ni ka zizukulwana za wena, xi tava xivumelwano xi nga gumesiko, nzi tava Nungungulu wa wena ni wa pswalo wa wena anzhako ka wena.

Joba 21:8

A pswalo wabye wu tiyisiwa zinwe na vona kuwoneni kabye. Ni vazukulwana vabye mahlweni kabye.

Isaya 44:3

Hakuva nzi ta nyika mati ka lava va nga ni tora, Ni micongwana a misaveni yi womileko; Nzi ta chulula a Moya wa mina hehla ka vana va wena, Ni xikatekiso xa mina hehla ka mahluke ya wena;

Isaya 49:4

Kanilezi mina nzi te ngalo: Nzi tirile mahala, Nzi mbhetile a ntamu wa mina mahala hi lezi zi nga vuniko nchumu; Hambu zi hi tano, Jehova i ta lamula mhaka ya mina, A nchachazelo wa mina wu le ka Nungungulu wa mina.

Isaya 55:2

Hikuyini mu xakelako mali hi ku xava lezi zi nga hiko zakuga ke? Hikuyini mu humesako hakhelo ya nwina hi kota ya lezi zi nga xurisiko ke? Nzi ingiseni, mu taga zo nanziha, mu ti tsakisa hi lezi zi nonileko.

Isaya 61:9

A lixaka labye li ta tibyiwa xikari ka matiko, Ni vana vabye va ta tibyiwa xikari ka tixaka tinwani; Vontlhelele va ta nga va wona va ta va tiva Lezaku lixaka leli Jehova a li katekisileko.

Isaya 66:22

Hakuva khwatsi hi lezi a matilo maswa ni misava yiswa leyi nzi ta nga yi maha, zi ta nga tsonzoma mahlweni ka mina, ku wula Jehova, zinghaho a lixaka la nwina ni vito ga nwina zi ta tshama zi hi kona. Jer. 31:35; 2 Ped. 3:13; Kuv. 21:1

Ezekieli 36:29

Nzi ta mu ponisa ka kontlhe a ku nga hlazeki ka nwina. Nzi ta vitana a mavele, nzi ma enzelekisa, nzi nga ha vangi a ndlala xikari ka nwina. Hos. 2:21; Joeli 2:21

Levi 26:20

Mu ta xakela mahala a ntamu wa nwina, hakuva a misava ya nwina yi nga ta humesa a pfuno wa yona, ni tisinya ta lomu tikweni ti nga ta pswala mihanzu ya tona.

Levi 26:22

Nzi ta rumela zivanza xikari ka nwina; zi ta daya a vanana va nwina, zi mbheta a zifuyo za nwina, zi mu maha va tsongwani; zonake a tindlela ta nwina ti ta maha wuphupha.

Levi 26:29

Mu taga a nyama ya varisanyana va nwina, muga a nyama ya vanhanyana va nwina. 2 Tih. 6:29; Jer. 19:9

Hagai 1:6

Mu byalile nguvu, kanilezi mu tshovele zitsongwani; maga, kanilezi a mu xuri; manwa, kanilezi a mu kolwi; ma fenengela, kanilezi a mu kufumeli; loyi a tirelako hakhelo i hakhela ku yi chela lomu xikhwameni xi bhoxekeleko.

Hagai 2:19

Ya ha hi kona a mbewu lomu gombeni ke? ge hambu a xivina, ni mikuwu, ni sinya ya pomegranada, ni sinya ya maoliva, a zi na nga pswala nchumu. Kanilezi kusukela nyamutlha nzi ta mu katekisa.

Malaki 3:10

Nehani zontlhe za wukhume a ndlwini ya kuveketela, kasi ku fela kuva ni zakuga ndlwini ya mina, mu nzi ringa ha zona, ku wula Jehova wa tiyimpi, kasi ku wona loku nzi ta kala nzi nga mu vululeli a tinjhanela ta tilo nzi mu chululela a makatekwa yo tlhela mu vumala ni wutshamu go chela kona.

Mitiro 2:39

Hakuva xitsumbiso xi ka nwina, ni ka vana va nwina, ni vontlhe lava va nga le kule, ka munwe ni munwani loyi Hosi Nungungulu wa hina a ta nga mu vitana. Rom. 9:8; Joeli 2:28; Efe. 2:13

Va le Roma 4:16

Hi lezaku ku kumiwa hi kukholwa, kasi ku fela ku nyikiwa hi kota ya tipswalo; lezaku a xitsumbiso xi fela ku tiya ka pswalo wakwe wontihe, na ku nga hi ka lava ntsena va nga ni nayo, kanilezi ni ka lava va kholwako ku kota Abrahama, loyi a nga dadani wa hina hontlhe. Xip. 3:24; 9:8; Kol. 3:11

1 Va le Korinte 15:58

Hikwalaho vamakabye va mina va ranzekako, tiyani muku ndende, mu nga tsekatseki, kanilezi mu anza mitirweni ya Hosi xontlhe xikhati, na mu tiva lezaku a ntiro wa nwina a hi wa ipahala Hosini. 2 Kro. 15:7; 2 Ped. 3:14

Va le Galatia 3:29

Loku nwina mu hi va ka Kristu mu pswalo wa Abrahama, mu zigatshomba hi kota va xitsumbiso. Gen. 21:10; Rom. 8:17; 9:7; Maheb. 11:18