Isaya 65:12 - Tshwa Bible

¹² Nzi ta mu nyikela ka supado, Mu ta korama nwentlhe mu tlhabyiwa, Hakuva laha nzi nga vitana a mu hlamulangi; Laha nzi nga wulawula a mu ingisangi; Kanilezi mu mahile kubiha mahlweni ka mina, Mu ti hlawutela lezi zi nga nzi tsakisiko.

Isaya 65:12 ပူးပေါင်းရင်းမြစ်များ

Isaya 1:16

Hlambani, mu ti basisa; susani mitiro ya nwina yo biha mahlweni ka mina; tsikani ku maha kubiha.

Isaya 1:20

kanilezi loku mu ala mu hluwuka, mu ta lobyisiwa hi supado; hakuva a nomu wa Jehova wu wulile lezo. Levi 26:25

Isaya 10:4

Mu ta zi kota ku korama xikari ka tiperesu ntsena, Hambu kuwa lahasi ka zirumbi za va delweko. Hambu lezo, a zanga yakwe a yi rengangi, Ni canja gakwe ga ha nawulukile.

Isaya 27:1

A ka siku lego Jehova i taba hi supado yakwe yo kariha ya hombe ni ya ntamu, A tsayisa Leviatani, a nyoka yi tsutsumako, Leviatani, a nyoka yi ti kokakokako, Zonake a daya drako legi gi nga lomu bimbini. Joba 26:13; Ezek. 29:3

Isaya 3:25

A vavanuna va wena va ta dawa hi supado, ni tinhenha ta wena ti ta mbhelela yimpini.

Isaya 34:2

Hakuva Jehova i zangarele wontlhe matiko, A khulo gakwe gi le hehla ka tiyimpi tontlhe ta wona; I va mbhetisile, i va nyikele kudaweni.

Isaya 34:5

Hakuva a supado ya mina yi popilwe le tilweni, Langutani, yi ta relela hehla ka Edome, A ku ya lamula a tiko legi gi rukateleko.

Isaya 34:6

A supado ya Jehova yi tele hi nkhata; yi womelele mafura; Hi nkhata wa tiyivana ni timhongo, Ni mafura ya tiswa ta tihamba; Hakuva Jehova i na ni kutlhabyiwa le Bozra, Ni kuhihirita ka hombe tikweni ga Edome.

Isaya 41:28

Laha na nzi cuwuka a nzi woni munhu, A gi kona sungukati xikari kabye, Loyi a zi kotako ku hlamula loku nzi wutisa.

Isaya 50:2

A xikhati lexi nzi ngata, hikuyini ku nga hi hava muyimeli ke? Ni laha nzi nga vitana, hikuyini ku nga kala ku huma wo hlamula? Xana a woko ga mina gi komile ko kala nzi tsanzeka ku tlhatlhisa ke? Kutani nzi vumala ntamu wa ku hanyisa ke? Languta, hi kukawuka ka mina nza womisa a bimbi, A micongo nzi yi maha xiwula, kasi a zidluwani za bola, zifa hi tora, Hi kota ya ku vumala mati. Ekso. 14:21; Jox. 3:5, 16

Isaya 59:15

Ina, a zinene za vumaleka, Ni loyi a tsikako leʼzo biha wa phangiwa. Jehova i zi wonile, zi mu tsanwisa Hikuva ku nga hi na nongameto.

Isaya 63:6

Nzi lo kanzihelela matiko zangeni ya mina, Nzi va popisa hi khulo ga mina, Nzi halata nkhata wabye laha misaveni.

Isaya 65:3

I tiko legi gi nzi zangarisako xontlhe xikhati Hi ku phahlela lomu masinwini, Ni ku hisa tibani hehla ka ma alati ya zitini;

Isaya 66:16

Hakuva Jehova i ta lamula hi nzilo, A tsayisa a nyama yontlhe hi supado yakwe; Lava Jehova a ta nga va daya va tava vanyingi. Kuv. 19:20

Jeremia 16:17

Hakuva a mahlo ya mina ma te tshonono tindleleni tabye tontlhe; a va fihlalangi mahlweni ka mina, ni zionho zabye a zi fihleki kuwoneni ka mina. Joba 34:21; Maheb. 4:13

Jeremia 18:21

Hikwalaho nyiketa vanana vabye ndlaleni, U va hendleleta ku dawa hi supado; Kasi a vasati vabye va felwa hi vanana, ni ku maha tinoni. A vanuna vabye a va dayiwe hi ntungu. Ni majaha yabye a ma dayiwe hi supado kulweni.

Jeremia 34:17

Hikwalaho Jehova i ngalo: Nwina a mu nzi ingisangi, a mu bangi hungu ga kutlhatlheka a munwe ni munwani ka makabye wakwe, ni munwe ni munwani ka muakelwane wakwe. Langutani, nza mu bikela kutlhatlheka, ku wula Jehova, nzi tlhatlha matlhari, ni ntungu, ni ndlala; nza mu nyikela mu xaniswa xikari ka yontlhe mifumo ya misava.

Jeremia 35:17

hikwalaho Jehova, a Nungungulu wa tiyimpi, i ngalo: Languta, nzi ta neha hehla ka Juda ni ka vontlhe a vaaki va Jerusalema, gontlhe a khombo nzi gi wulileko ha vona. Hakuva nzi wulawulile kabye, kanilezi a va nzi ingisangi; nzi va vitanile, kanilezi a va hlamulangi.

Jeremia 7:13

Makunu na mu mahile a zimaho lezi zontlhe, ku wula Jehova, nzi wulile a ka nwina na ga hi mixo, nzi mu byela, kanilezi a mu ingisangi; nzi lo mu vitana kanilezi a mu hlamulangi.

Jeremia 7:27

Hikwalaho u ta va byela tontlhe timhaka leti, kanilezi va nga ta kuzwa; u ta va vitana, va nga ku hlamuli.

Levi 26:25

Nzi ta rumela hehla ka nwina a matlhari ya ku ta photela a xivumelwano xa mina; zonake ku taku loku mu tsombene lomu mitini ya nwina, nzi rumela a ntungu xikari ka nwina, mu nyikelwa mandleni ya nala.

Mika 5:15

Nzi ta ti photela hi zanga ni khulo hehla ka matiko lawa ma nga ingisiko.

Zakaria 7:7

Kasi a mu tivi a timhaka leti Jehova a nga ti wulawula hi vaprofeti va kale, a xikhatini lexi a vaaki va Jerusalema va nga vuvuma zinwe ni miti leyi yi gi ranzeleko, a tlhelo ga Dzonga ni le mikoveni na ka ha akilwe ke?

Mateu 22:3

Yi lo rumela a malanza ya yona a ku ya vitana lava va rambilweko mubuzweni; kanilezi va lo ala kuta.

Mateu 22:7

Zonake a hosi yi lo zangara; yi lo rumela tiyimpi ta yona, ti ya lovisa vadayi lavo, ni ku hisa muti wabye. Dan. 9:26; Lu. 19:27

Johani 1:11

I lota kaya kakwe, kanilezi lava va nga hi vakwe a va mu amukelangi.

Deuteronome 32:25

Lahandle va ta dawa hi tlhari, Ni lomu tindlwini va ta dawa hi kutshisa; A jaha gi ta lova khwatsi hi nhanyana, Ni loyi a anwako khwatsi hi xikhosana.