Isaya 65:1 - Tshwa Bible

¹ Nzi wa longile ku hlamula lava va nga kala va nga nzi vitani, Nzi vumele ku kumiwa hi lava va nga kala va nga nzi lavi. A ka tiko legi gi nga vitwangiko hi vito ga mina, nzi waku: Hi mina loyi! hi mina loyi! Rom. 10:20

Isaya 65:1 ပူးပေါင်းရင်းမြစ်များ

2 Samueli 1:7

Laha a nga hunzuluka a cuwuka nzhako, i lo nzi wona a nzi vitana, nzi mu hlamula nziku: Nzi laha!

Tisimu 22:27

Wontihe matlhelo ya misava ma ta alakanya Jehova, ma hunzuluka; Tixaka tontlhe ta vamatiko ti ta khizama mahlweni ka wena.

Isaya 11:10

Masikwini lawo ku tava kona a ximilwa mutswini wa ka Jese, lexi a matiko ma ta nga yimiselwa khwatsi i nghapa; a vamatiko va ta mu lava, ni wuhumulelo gakwe gi ta ngangamela. Rom. 15:12; Kuv. 5:5

Isaya 40:9

Kanzihani xitsungeni xo tlakuka Nwina lava mu nehelako Zioni a mahungu yo saseka, Tlakusani magezu ya nwina hi ntamu, Nwina lava mu nehelako Jerusalema mahungu yo saseka. Tlakusani magezu ya nwina, mu nga chavi, Byelani miti ya ka Juda, muku: Langutani Nungungulu wa nwina.

Isaya 41:27

Hi mina wo ranga nzi byelileko Zioni, nziku: Hi valavo, hi valavo! Nzi ta nyika Jerusalema munwe a kanetako mahungu yo saseka.

Isaya 43:1

Kanilezi makunu ku wula Jehova, loyi a ku vangileko Jakobe, Loyi a ku wumbileko wena Israeli, i ngalo: U nga chavi nchumu, hakuva nzi ku tlhatlhisile, Nzi ku vitanile hi vito ga wena, u wa mina. Gen. 26:24

Isaya 45:22

Tlhelelani ka mina mu hanyiswa, Nwina nwentlhe magemeta-musi ya misava; Hakuva mina nzi Nungungulu, a ku na munwani.

Isaya 55:5

Languta, u ta vitana a matiko lawa u nga ma tiviko, Ni matiko lawa ma nga ku tiviko ma ta tsutsumela ka wena, Hi keta ya Jehova, Nungungulu wa wena, Ni Loyi a Basileko wa ka Israeli, loyi a ku dumisileko.

Isaya 63:19

Makunu hi fanana ni vanhu lava cima u nga va fumelangiko, Khwatsi hi lava va nga vitwangiko hi vito ga wena.

Hosea 1:10

Hambulezo a tsengo wa vanana va ka Israeli wu ta fanana ni tsengo wa seke ga bimbi gi nga zi kotiko ku hlayiwa hambu ku pimiwa. Ku ta chikela xikhati xaku lezi va nga byelilwe ku ngalo: A mu vanhu va mina, ku ta wuliwa ka vona lezaku: Mu vana va Nungungulu a hanyako. Gen. 32:12; Rom. 9:25; 1 Ped. 2:10

Zakaria 2:11

A matiko yo tala ma ta namarela ka Jehova hi siku lego, va tava vanhu va mina. Nzi ta tshama xikari ka wena, zonake u ta zi tiva lezaku hi Jehova wa tiyimpi a nzi rumileko ka wena.

Luka 13:12

Laha Jesu a nga mu wona, i lo mu vitana, aku ngalo ka yena: Wasati, u tlhatlhilwe wubabyini ga wena.

Johani 1:29

Hi manziko wa kona Johani i lo wona Jesu na a kari ata kakwe, aku: Wonani Yivana ya Nungungulu, leyi yi susako zionho za tiko! Ekso. 12:3; Isa. 53:7; Miti. 8:32; 1 Ped. 2:24; 1 Joh. 2:2

Va le Roma 10:20

Na Isaya i tiyisa aku: Nzi lo kumiwa hi lava va nga kala va nga nzi lavi; Nzi ti wonekelisa ka lava va nga kala va nga wutiseli ha mina. Isa. 65:1

Va le Roma 9:30

Zonake hi taku yini ke? Hi ngalo, a vamatiko lava va nga kala va nga hloti a kululama, va ku kumile, a kululama loku ku nga ka kukholwa.

1 Pedro 2:10

nwina lava a kale mu nga kala mu nga hi tiko, kanilezi makunu mu tiko ga Nungungulu; nwina lava mu nga kala mu nga mahelwangi wuxinji, kanilezi makunu mu mahelwe wuxinji. Hos. 2:23; Rom. 9:25