Isaya 64:4 - Tshwa Bible

⁴ Hakuva kusukela kaleloko a ku na nga zwiwa, A ku na nga ingisiwa hi ndleve, Ge hambu ku woniwa hi mahlo a Nungungulu munwani Loyi a mahako mitiro ya kunghahi ka lava va mu langutelako.

Isaya 64:4 ပူးပေါင်းရင်းမြစ်များ

Genesisi 49:18

Jehova, nzi cuwukele ku tirulwa hi wena!

Ezra 9:7

Kusukela xikhatini xa vadadani va hina ha su simamisa hi maha kubiha ka hombe kala lezi; hi kota ya zionho za hina, ni za tihosi ta hina, ni vapristi va hina, hi nyikelwe lomu mandleni ya tihosi ta matiko, hi xaniswa hi supado, ni wukhumbi, ni kuphangiwa, ni tingana, kota lezi hi nga zona nyamutlha.

Tisimu 103:18

Ka lava va hlayisako a xivumelwano xakwe, Va alakanya a zileletelo zakwe, va zi maha.

Tisimu 130:5

Nza rinzela Jehova, muhefemulo wa mina wu rinzele; Nza tsumba mhaka yakwe.

Tisimu 31:19

Gi kulisile kuyini a wunene ga wena, Legi u gi vekelako lava va ku chavako, Legi u va mahelako gona lava va ku tsumbako, A mahlweni ka vana va vanhu.

Tisimu 62:1

A muhefemulo wa mina wu langutela Nungungulu yece; A kuhanyisa ka mina kuta hi ka yena.

Isaya 25:9

A ka siku lego va taku: Langutani, loyi hi yena Nungungulu wa hina; Hi mu tsumbile, i ta hi ponisa; Hi yena Jehova, loyi hi mu rinzeleko, A hi tsakeleni kuhanyisa kakwe!

Isaya 30:18

Hikwalaho Jehova i ta rinzela, a kala a zi kota ku mu tsetselela; i ta kuliswa kasi a fela ku mu zwela wusiwana. Hakuva Jehova hi Nungungulu a lulamileko, va katekile vontlhe va mu rinzelako.

Isaya 40:31

Kanilezi lava va lavelelako Jehova va ta kuma ntamu muswa, Va ta puruma ku fanana ni magama, Va ta tsutsuma va nga karali, Va ta famba va nga rereki.

Isaya 59:12

Hakuva a zihambunyeto za hina zi tele mahlweni ka wena, Ni zionho za hina za hi ranisa; Hakuva a zihambunyeto za hina ha zi wona, Ha zi tiva a zigoho za hina:

Isaya 66:8

Himani a ngazwa a xilo xo kota lexo? Himani a nga wona a zakunghahi? A tiko ga zi kota ku pswaliwa hi siku ginwe ke? Kutani lixaka li nga wumbelwa hi xitshuketi Ko kala Zioni a pswala vana na a ha ku lunwa ke?

Danieli 9:15

Hosi, Nungungulu wa hina, loyi u humesileko a vanhu va wena tikweni ga Gipite hi canja ga wena ga ntamu, u ti mahela a wudumo kala ni nyamutlha lezi, hina hi Onhile, hi mahile kubiha.

Danieli 9:5

hi onhile, hi hambunyetile, hi gohile, ni ku hluwuka, hi fularele a zilayelo za wena, ni zileletelo za wena.

Danieli 9:8

Hosi, hi na ni tingana, hina ni tihosi ni tihosana ta hina, ni vadadani va hina, hakuva hi ku onhele.

Hosea 7:7

Vontlhe va hisa ku fanana ni njalo, vaga a Valamuli vabye; a tihosi tabye tontlhe ti wile, ku hava ni munwe a nzi khongelako.

Zakaria 10:9

Nzi ta va xwanya xikari ka matiko, va ta nzi alakanya matikweni ya le kule. Va ta hanya ni vanana vabye, va ta tlhela va wuya.

Mateu 25:34

Zonake a Hosi yi taku ka vona lava va nga reveni gakwe ga xinene: Ngonani nwina mu katekisilweko hi Dadani, mu taga a tshomba yi nga wona mufumo lowu wu longiselelweko nwina kusukela kusanguleni ka misava. Rom. 8:17; Kuv. 21:7; 1 Kor. 2:9

Luka 2:25

Ku wa hi kona a munhu le Jerusalema, loyi a vito gakwe a nga wa hi Simeoni; i wa lulamile hi kupinyama, na a langutela a kuchavelelwa ka Israeli, ni Moya wa ku Basa wu wa hi ka yena. Isa. 40:1; Mar. 15:43

Johani 14:3

Hambu loku nzi famba nzi ya mu longisela wutshamu, nzi ta wuya kambe, nzi ta mu teka muta ka mina; kasi laha nzi nga kona, mu fela kuva kona na nwinawu. Miti. 1:11; 1 Tes. 4:17

Va le Roma 8:19

Hakuva zontlhe zivangwa zi cuwukela hi kunavelisisa ka hombe a kuvululelwa ka vana va Nungungulu. 2 Ped. 3:13; 1 Joh. 3:2

1 Va le Korinte 1:7

a kuva mu nga vumali xinyikiwo ni xinwe xa ka moya, na mu kari mu rinzela a kuwonekeliswa ka Hosi ya hina Jesu Kristu;

1 Va le Tesalonika 1:10

na mu rinzela a Nʼwana a kuta hi le tilweni, loyi yena a nga mu vuxa hi ka vafileko, a nga Jesu loyi a hi hlangutako zangeni leyi yi ta ngata. Miti. 1:11; Rom. 2:7; Fil. 3:20; Maheb. 9:28; 2 Ped. 3:12; Kuv. 1:7

1 Timote 3:16

Kunene a fihlakalo wa kukholwa ka hina wa hombe nguvu: Loyi a nga wonekeliswa nyameni, A kumiwa na hi loyi a lulamileko Moyeni, A woniwa hi tingelosi, A kanelwa xikari ka vamatiko, A kholwiwa laha misaveni, A tlakuselwa kungangameleni. Mat. 3:16; 28:2; Joh. 1:32; 15:26; Miti. 10:34; Gal. 2:8

Maheberu 11:16

Kanilezi makunu va navela a tiko gi nene ku hunza gona, legi gi nga le tilweni; hi kota ya lezo Nungungulu a nga na tingana a ku vitanwa lezaku i Nungungulu wabye; hakuva i va longisele muti. Ekso. 3:6, 15; Fil. 3:20

Jakobe 5:7

Hikwalaho, vamakabye, timiselani kala Hosi yi wuya. Langutani, a murimi wa langutela a mihanzu yo saseka ya misava, a timisela a kala a kuma a vula yo ranga ni yo gumesa. Deut. 11:14

1 Johani 4:10

A liranzo hi leli, a hi lezaku hina hi mu ranzile Nungungulu, kanilezi hi yena a hi ranzileko, a rumela Nʼwana wakwe a kuva nzhiho wa zionho za hina. Joh. 15:16; Rom. 5:10