Isaya 64:3 - Tshwa Bible

³ Laha na u mahile a zilo zo tshisa, Lezi hi nga kala hi nga rinzelangi, U lo chika kasi a zitsunga zi wa tsekatseka mahlweni ka wena.

Isaya 64:3 ပူးပေါင်းရင်းမြစ်များ

2 Samueli 7:23

Hi gihi tiko laha misaveni gi fananako ni vanhu va wena va ka Israeli, lava Nungungulu a va tlhatlhisileko, kasi va fela ku maha a vanhu vakwe, a ti mahela vito, a mu mahela zilo za hombe zi chavekako lomu tikweni ga wena, hi ku hlongola a vanhu ni vanungungulu vabye mahlweni ka vanhu va wena lava u va tlhatlhisileko le tikweni ga Gipite ke?

Tisimu 106:22

Ni zirewukiso lomu tikweni ga Hamu, Ni zilo zo tshisa le Bimbini go Pswhuka.

Tisimu 66:3

Muku ka Nungungulu: Yi rewukisa kuyini a mitiro ya wena! Hi kota ya wukulu ga ntamu wa wena a valala va wena va ti koramisa. Deut. 33:29

Tisimu 66:5

Tanani, mu wona a mitiro ya Nungungulu; Za hlamalisa a zimaho zakwe ka vanana va vanhu.

Tisimu 68:8

A misava yi lo tsekatseka, Ni matilo ma lo nyeka mahlweni ka Nungungulu. Na Sinai i lo rurumela mahlweni ka Nungungulu, A Nungungulu wa Israeli. Ekso. 19:16, 18; Vala. 5:4

Tisimu 76:12

Wa bohlisa a kutikulisa ka tihosana, Wa chaveka ka tihosi ta misava.

Eksodusi 34:10

Jehova i lo hlamula, aku: Languta, nza maha xivumelwano. Nzi ta maha zihlamaliso mahlweni ka vanhu va wena vontlhe, lezi zaku cima a zi se nga mahiwa laha misaveni yontlhe, hambu ni ka gihi tiko. Zonake a vanhu vontlhe lava u nga xikari kabye, va ta wona a ntiro wa Jehova; hakuva lezi nzi ta nga zi maha ha wena zi tava zilo zi riwukisako.

Isaya 5:25

Hikwalaho a zanga ya Jehova yi vindlukele vanhu vakwe, I nawulutile a canja gakwe a va vukela, a vaba, A zitsunga zi lo tsekatseka, ni zirumbi zabye ziku khwatsi wulongo lomu maphangweni. Hambulezo, a zanga yakwe a yi rengangi, Ni canja gakwe ga ha nawulukile.

Isaya 64:1

O, loku ku wo khwatsi wa hanzula matilo u chika, Kasi a zitsunga zi wa ta tseka-tseka mahlweni ka wena, Vala. 5:4

Habakuka 3:3

Nungungulu wata hi le Temani, Loyi wa ku Basa wata hi le xitsungeni xa Parani. (Sela.) A kungangamela kakwe ku fenengeta a matilo, A misava yi tele hi kudumiswa kakwe. Ekso. 19:16; Deut. 33:2

Habakuka 3:6

A yima a pima misava, A cuwuka, a matiko ma rurumela; A zitsunga za kale zi panzeka, A miganga ya kaleloko yi korama; Ti nga tindlela takwe ta kaleloko.

Deuteronome 10:21

Hi yena a wudzunzo ga wena, hi yena Nungungulu wa wena, loye a ku maheleko a zilo za hombe lezi zi chavisekako, lezi u zi wonileko hi mahlo ya wena.

Deuteronome 4:34

Kutani i kona munwani nungungulu loyi a nga ringa ku ya wutla vanhu xikari ka wunwani mufumo, hi zikarato ni ziwoniso ni zihlamaliso ni kulwa hi canja ga ntamu gi tlakukileko, ni mitiro ya hombe yi chavekako, kota lezi Jehova Nungungulu wa nwina, a nga mu mahela zontlhe le Gipite kuwoneni ka nwina?