Isaya 64:2 - Tshwa Bible

² A kukotisa a nzilo wu dzivelako tihunyi ti womileko, A nzilo wu vilisa mati; Lezaku a valala va wena va fela ku tiva a vito ga wena, Ni matiko ma rurumela mahlweni ka wena.

Isaya 64:2 ပူးပေါင်းရင်းမြစ်များ

Tisimu 106:8

Hambu zi hi tano, a va ponisa hi kota ya vito gakwe, Kasi ku tivekisa a wukulu ga ntamu wakwe.

Tisimu 46:10

Yimani, mu tiva lezaku mina nzi Nungungulu; Nzi ta tlakuswa xikari ka matiko, nzi ta tlakuswa misaveni. Isa. 30:15

Tisimu 79:10

Hikuyini a vamatiko va ta nga wula, vaku: I kwihi Nungungulu wabye? A zi tibyiwe ka vamatiko a kuwoneni ka hina, Lezaku u photelisa kuyini a nkhata wu halatilweko wa malanza ya wena. Ekso. 32:12; Deut. 32:43; Joeli 2:17

Tisimu 83:13

Nungungulu wa mina, va mahe va fanana ni tsutsungwani wa xihuhuri, Ni mungu wu kukuletwako hi mheho. Joba 21:18; Isa. 17:13

Tisimu 9:20

Jehova, ma rurumelise; Kasi a vamatiko va tiva lezaku vona mbanhu ntsena. (Sela.)

Tisimu 99:1

Jehova wa fuma, matiko a ma rurumele. I tshamile xikari ka makerubima, A misava yi tsekatseka. 1 Sam. 4:4; 2 Sam. 6:2

Eksodusi 14:4

Mina rizi ta nonohisa a mbilu ya Faro, na yena i ta va lanza; zonake mina nzi tava ni wudumo hi Faro ni yimpi yontlhe; ni vaGipite va ta zi tiva lezaku hi mina Jehova. Zonake va lo maha lezo.

Isaya 28:21

Hakuva Jehova i ta yima kota lezi a nga maha xitsungeni xa Perazima, A zangara khwatsi hi lezi a nga maha le nkoveni wa Gibeoni, Kasi a fela ku maha ntiro wakwe—a ntiro wa masingita, A hetisa a ntiro wakwe wu hlamalisako. Jox. 10:10; 2 Sam. 5:20, 25; 1 Kro. 14:11, 16

Isaya 37:20

Makunu Jehova, Nungungulu wa hina, hi ponise canjeni gakwe, kasi a matiko wontihe ya misava ma ta zi tiva lezaku wena wece u Jehova.

Isaya 63:12

Loyi a nga fambisa a woko gakwe ga wukulu le reveni ga xinene ga Mosi, Loyi a nga avanyisa mati mahlweni kabye kasi ku ti mahela a vito ga pinzukelwa?

Jeremia 33:9

A muti lowu wu tava litsako ni wudzunzo ni wudumo ka mina mahlweni ka tontlhe a tixaka ta misava, leti ti ta ngazwa wunene gontlhe nzi ta nga va mahela; ti ta chava ni ku rurumela hi kota ya gontlhe a wunene ni kuvuvuma kontlhe nzi to va mahela kona.

Jeremia 5:22

Xana a mu nzi chavi ke? ku wula Jehova; mu nga ta rurumela mahlweni ka mina ke? Mina loyi nzi nga veka a seke a kuva mbhingano wa bimhi wa kala kupinzuka, lezaku gi nga zi koti ku wu hunza. Hambu loku a mabyandlati ma gobhoza hi ntamu a ma zi koti ku hlula, hambu loku gi nga dzinza-dzinza hi ntamu, cima gi nga ta hunza. Joba 26:10; Tis. 104:9

Amosi 4:12

Hikwalaho nzi ta maha lezo ka wena, Israeli; khwatsi hi lezi nzi ta nga maha lezo ka wena, ti longisele ku tlhangana ni Nungungulu wa wena, Israeli.

Mika 1:4

A zitsunga zi ta nyeka lahasi kakwe, ni mikova yi ta khayeka khwatsi i sera mahlweni ka nzilo, ni kukotisa mati loku ma halatwa laha nzhelelweni. Ekso. 19:18; Am. 9:5

Zakaria 14:4

Hi siku lego i ta yima hi mikonzo yakwe le xitsungeni xa maOliva, kusuhani ni Jerusalema hi tlhelo ga Muhuma-gambo; a xitsunga xa maoliva xi ta avanyeka hi laha xikari, ku sukela tlhelo ga Muhuma-gambo kala Mupela-gambo. Laho ku tava kona a nzhelelo wa hombe, a khihlanya ginwe ga xitsunga gi ta tshinela Nwalungu, a ginwani gi tshinela Dzongeni.

Deuteronome 2:25

Inyamutlha nzi ta sangula ku chavisa ni ku dzukisa ha wena a matiko wontihe lawa ma nga lahasi ka tilo. Ma ta rurumela ma mbhela ntamu mahlweni ka wena, laha va ta ngazwa a wudumo ga wena. Ekso. 23:27; Deut. 11:25