Isaya 62:4 - Tshwa Bible

⁴ U nga ta ha wuliwa lezaku u Loyi a tsikilweko, Ge hambu tiko ga wena ku vitanwa lezaku Wa xiwunza; Kanilezi u ta vitanwa aku Xiranzwa, Ni tiko ga wena gi ta vitanwa aku Khosikazi; Hakuva Jehova wa xalaliswa ha wena, Ni tiko ga wena gi tava ni nuna.

Isaya 62:4 ပူးပေါင်းရင်းမြစ်များ

Tisimu 149:4

Hakuva Jehova i xalele hi vanhu vakwe, I bombisa a vakurula hi kuhanyisa kakwe.

Tisimu 16:3

A vakubasa lava va nga laha misaveni, Hi vona nzi va hlayako vahombe, nzi xalalako ha vona.

Isaya 49:14

Kanilezi Zioni i te ngalo: Jehova i nzi tsikile, A Hosi ya mina yi nzi rivele!

Isaya 54:1

Yimbelela hi kutsaka, O ngonwa, Wena loyi u nga pswaliko; Tlhava zizimba u banguluka wena loyi u kalako u nga se ku lunwa hi nyimba! Hakuva a vana va loyi a tsikilweko va tele Ku hunza a vana va loyi a tekilweko, ku wula Jehova. Gal. 4:27

Isaya 60:15

Hambu lezi u nga tsikilwe u vengiwa, Laha kaku a munhu a nga ku tsemakanyeli, Nzi ta ku maha uva wutshamu ga lisima kala kupinzuka, A xilo xa litsako ka zizukulwana zinyingi.

Isaya 60:18

A tihanyi ti nga ta ha zwiwa lo mu tikweni ga wena, A kuhahlulwa ni kulobyiswa zi nga tava kona tikweni ga wena, Kanilezi u ta vitana a tigingisi ta wena lezaku Kuhanyiswa, Ni tinyangwa ta wena lezaku Kudumisa.

Isaya 61:10

Nzi ta tsaka nguvu ka Jehova, A muhefemulo wa mina wu ta tsakela Nungungulu wa mina, Hakuva i nzi ambexile a nguwo ya kuhanyisa, A nzi fenengeta hi nguwo ya kululama Khwatsi hi muyeni a ti bombisako hi xidlodlo, Ni kukotisa a muswika a ti bombisako hi tinzalama. Hab. 3:18; Lu. 1:47; Kuv. 3:5

Isaya 62:12

Va ta vitanwa lezaku Mbanhu va basileko, A vatirulwa va Jehova; Na wena u ta wuliwa lezaku u Loyi a labyiwako, A muti wu nga tsikiwiko.

Isaya 62:2

A vamatiko va ta wona kululama ka wena, Ni tihosi tontlhe ti ta wona kungangamela ka wena; Wena u ta vitaniwa hi vito giswa, Legi gi ta nga chuliwa hi nomu wa Jehova.

Isaya 62:5

Hakuva khwatsi hilezi a jaha gi chadako nhwana, Zinghaho a vana va wena va ta tekana na wena; Ni kota lezi a muyeni a tsakelako muswika wakwe, Zinghaho a Nungungulu wa wena i ta ku tsakela.

Isaya 65:19

Mina nzi ta tsaka hi Jerusalema. Nzi tsakela vanhu va mina; Cima ku nga ta ha zwala ka yena a gezu ga kurila, Hambu gezu ga tihuwa.

Jeremia 3:14

Wuyani, nwina vanana va hluwukileko, ku wula Jehova, hakuva nzi nwinyi wa nwina. Nzi ta mu tekela a munwe ka muti ni muti, ni vambiri ka lixaka ni lixaka; nzi ta mu yisa le Zioni.

Jeremia 32:41

Nzi ta tangaliswa ha vona, nzi va katekisa; futsi nzi ta va zimeka tikweni legi hi mbilu ya mina yontlhe ni muhefemulo wa mina wontihe. Deut. 30:9

Jeremia 33:9

A muti lowu wu tava litsako ni wudzunzo ni wudumo ka mina mahlweni ka tontlhe a tixaka ta misava, leti ti ta ngazwa wunene gontlhe nzi ta nga va mahela; ti ta chava ni ku rurumela hi kota ya gontlhe a wunene ni kuvuvuma kontlhe nzi to va mahela kona.

Ezekieli 36:35

Va taku: A tiko legi gi nga wa hahlukile, makunu gi fanana ni simu ga Edeni; ni miti leyi yi nga wa hahlulwe yi maha marumbi yi bhiyelwe, yi na ni vanhu.

Hosea 2:21

A sikwini lego nzi ta hlamula, ku wula Jehova; nzi ta hlamula matilo, wona ma ta hlamula misava.

Hosea 2:22

Zonake a misava yi ta hlamula a mavele, ni vinya, ni mafura, na zonawu zi ta hlamula Jezreeli.

Zefania 3:17

Jehova a Nungungulu wa wena, i lomu xikari ka wena, i nhenha leyi yi hanyisako. I ta ku tsakela hi zigingi, a miyela liranzweni lakwe, a ku tsakela hi tisimu.

Malaki 3:12

A matiko wontlhe ma ta mu wula ku mu katekile, hakuva mu tava tiko gi tsakisako, ku wula Jehova wa tiyimpi.

Johani 3:29

Loyi a nga ni mutekiwa hi yena muteki; kanilezi a nyatsumi wa muteki, loyi a yimako kona a muzwa, wa tsaka nguvu hi kota ya gezu ga muteki; hi kona kutsaka loku ku tatisekileko ka mina. Mat. 22:2; Efe. 5:25; Kuv. 21:9

2 Va le Korinte 11:2

Nza lusa ha nwina hi xiluse xa Nungungulu; hakuva nzi lo mu nyikela a ku wutiwa hi nuna munwe, kasi nza fela ku mu yisa ka Kristu na mu hi nhwana a basileko. Levi 21:13; Hos. 2:19; 1 Kor. 4:15; Gal. 4:17; Kol. 1:28

Deuteronome 30:9

Na Jehova Nungungulu wa wena i ta anzisa makatekwa ya wena ka yontlhe mitiro ya mandla ya wena, i ta anzisa a pswalo wa miri wa wena, ni pswalo wa zifuyo za wena, ni mihanzu ya misava ya wena; hakuva Jehova i ta tlhela a tsaka ha wena a ku katekisa, khwatsi hi lezi a nga wa tsakile hi vararu va wena;

Maheberu 13:5

Ngha na mahanyela ya nwina ma ngavi ya ku ranza mali; eneliswani hi lezi mu nga nazo; hakuva Nungungulu i ngalo: Cima nzi nga ta ku tsika, hambu ku ku siya. Gen. 28:15; Jox. 1:5

1 Pedro 2:10

nwina lava a kale mu nga kala mu nga hi tiko, kanilezi makunu mu tiko ga Nungungulu; nwina lava mu nga kala mu nga mahelwangi wuxinji, kanilezi makunu mu mahelwe wuxinji. Hos. 2:23; Rom. 9:25

Kuvululelwa 21:2

Nzi lo wona muti wo basa, a Jerusalema giswa, na gi relela hi le tilweni ka Nungungulu, na gi longisilwe kota muswika a bombiselweko nuna wakwe. Isa. 52:1; 2 Kor. 11:2; Maheb. 12:22