Isaya 60:22 - Tshwa Bible

²² Loyi tsongwani i ta enzeleka ava khume ga mazana, Ni loyi wa tsongwani nguvu i tava a tiko ga ntamu. Mina Jehova nzi ta zi hatlisisa zikhatini za zona.

Isaya 60:22 ပူးပေါင်းရင်းမြစ်များ

Isaya 10:22

Hakuva hambu loku a vanhu va wena, Israeli, Va ku khwatsi i seke ga bimbi, Misalela yabye ntsena yi ta nga wuya. A kulobyiswa ku tiyisilwe, ku tele hi kululama.

Isaya 5:19

Lava vange: A hatlise, a hatlisise a ntiro wakwe, Kasi ha fela ku wu wona; Ngha a wusungukati ga Wa ku Basa wa ka Israeli gi tshinela, Kasi ha fela ku gi tiva!

Isaya 51:2

Cuwukani ka Abrahama a dadani wa nwina, Na Sara loye a mu psweleko; Hakuva laha a nga hi yece nzi mu vitanile, Nzi mu katekisa, ni ku mu anzisa. Gen. 12:1; Jox. 24:3; Ezek. 33:24

Isaya 66:8

Himani a ngazwa a xilo xo kota lexo? Himani a nga wona a zakunghahi? A tiko ga zi kota ku pswaliwa hi siku ginwe ke? Kutani lixaka li nga wumbelwa hi xitshuketi Ko kala Zioni a pswala vana na a ha ku lunwa ke?

Danieli 2:35

Zonake a xiketse, ni wumba, ni suku, ni siliva, ni nzalama zi lo fayetelwa zinwe, ziku khwatsi muhungu laha xihulweni xa ximumu. A mheho yi lo zi kukuleta lezaku zi nga ha kumeki. A ribye legi gi ngaba a xifananiso gi lo maha a xitsunga xa hombe, gi tatisa a misava yontlhe.

Danieli 2:44

A masikwini ya tihosi leto, Nungungulu wa le tilweni i ta vuxa a mufumo wu to kala wu nga lobyiswi, ni wuhosi ga wona cima gi nga ta nyikelwa ka ginwani tiko. Wu ta panza wu lovisa yontlhe mifumo leyi, wona wu ku tsonzoma kala kupinzuka. Mika 4:7; Lu. 1:33; 1 Kor. 15:24

Mika 4:7

Lava va khwitako nzi ta va maha misalela, ni lava va hlongolilweko kule nzi ta va maha a mufumo wa ntamu. Jehova i ta va fumela le xitsungeni xa Zioni kusukela lezi kala kupinzuka. Dan. 7:14; Lu. 1:33

Habakuka 2:3

Hakuva a muwoniso lowu wa ha rinzele a xikhati xi yimisilweko, kanilezi wu hatlisa wuya kumbheleni, na wu nga hi wa mawunwa. Hambu loku wu hlwela, wu rinzele, hakuva wu tata futsi, wu nga ta tindeka.

Luka 18:7

Xana Nungungulu a nga ta va photela a vahlawulilweko vakwe, lava va rilako ka yena a mumu ni wusiku ke, a nga ta timisela ha vona ke? Kuv. 6:10

Mitiro 2:41

Lava va nga amukela a timhaka takwe va lo bapatizwa; hi lego siku ku lo engetelwa a 3,000 wa vanhu lomu bandleni.

Mitiro 5:14

Lava va nga kholwa ka Hosi va lo engetelwa nguvu, a wunyingi ga vavanuna ni vavasati;

Maheberu 10:36

Hakuva za laveka lezaku mu hi ni kutimisela, kasi loku mu mahile a kuranza ka Nungungulu, mu fela ku kuma lezi zi nga tsumbisiwa. Lu. 21:19; Kol. 3:24

2 Pedro 3:8

Kanilezi vamakabye, mu nga kohlwi hi mhaka leyi, yaku: A ka Hosi a siku ginwe gi khwatsi hi khume ga mazana ya malembe, ni khume ga mazana ya malembe me khwatsi hi siku ginwe. Tis. 90:4

Kuvululelwa 7:9

Anzhako ka lezo nzi lo cuwuka, nzi wona a xidlemo xa tsanza-vahlayi, xa matiko wontihe, ni tixaka, ni mifumo, ni tirimi, na xi yimile mahlweni ka xitshamu xa wuhosi ni mahlweni ka Yivana, na va ambele a tinguwo to basa to leha, na va hi ni micinzu mandleni yabye; Rom. 11:25; Xip. 3:5, 18; 5:9; 6:11