Isaya 60:18 - Tshwa Bible

¹⁸ A tihanyi ti nga ta ha zwiwa lo mu tikweni ga wena, A kuhahlulwa ni kulobyiswa zi nga tava kona tikweni ga wena, Kanilezi u ta vitana a tigingisi ta wena lezaku Kuhanyiswa, Ni tinyangwa ta wena lezaku Kudumisa.

Isaya 60:18 ပူးပေါင်းရင်းမြစ်များ

2 Samueli 7:10

Mina nzi ta longisa a wutshamu ga vanhu va mina, va ka Israeli, nzi va zimekisa va aka ka gona, va nga ha nzulanzula A vanhu vo biha cima va nga ta ha va hlokisa kambe khwatsi hi kusanguleni. Ekso. 15:17; Tis. 44:3

Tisimu 147:14

I vanga kurula mimbhinganweni ya wena, Wa ku xurisa hi mavele ma nene.

Isaya 11:9

A xitsungeni xontlhe xa mina xa kubasa ku nga ta gohiwa nchumu hambu ku onhiwa, Hakuva ku tiva Jehova ku tava ku enetile misava, Khwatsi hi lezi a mati ma fenengetiieko a kueta ka bimbi.

Isaya 2:4

I ta lamula xikari ka mifumo, a tsema timhaka ta matiko manyingi. Va ta tlomba tisupado tabye ti maha zikomu, hi matlhari yabye va ta fula mibhera. A tiko gi nga ha talwa ni ginwani, ge hambu a ku gonza kulwa. A siku ga Jehova.

Isaya 26:1

A ka siku lego va ta yimbelela lisimu leli tikweni ga ka Juda: Hi na ni muti wa ntamu; I ta yimisa kuhanyisa a kuva khurisi ni lihlavu.

Isaya 26:2

Vululani a tinyangwa, kasi ku enghena a vanhu va lulamileko, A vanhu va tsumbekileko.

Isaya 51:19

A makhombo mambiri ma ku wela, himani a ku zwelako wusiwana ke? A kuhahlulwa, ni ku lobyiswa, ni ndlala, ni supado, Nzi ta ku chavelelisa kuyini?

Isaya 54:14

U ta bhiyelwa hi kululama, U tava kule ni kutsimbeketwa, U nga ta chava nchumu, Ni lobyiselelo wu nga ta ha tshinela ka wena.

Isaya 56:5

Nzi ta va nyika wutshamu ni vito lomu ndlwini ya mina ni mutini wa mina, Legi gi hunzako akuva ni vana va xinuna ni va xisati; Nzi ta va nyika a vito ga pinzukelwa Legi gi to kala gi nga fuviswi. 2 Sam. 18:18; Kuv. 2:17

Isaya 60:11

A tinyangwa ti ta tshama ti vululwe xikhati xontlhe, Mumu ni wusiku ti nga ta valiwa; Kasi a kufuma ka vamatiko ku fela ku enghena kona, A tihosi ta wona ti longoloka nako. Kuv. 21:24

Isaya 60:17

Wutshanwini ga suku nzi ta neha nzalama, Ni wutshanwini ga xiketse nzi ta neha siliva, A suku wutshanwini ga tisinya Ni xiketse wutshanwini ga ma ribye. Nzi ta veka kurula a kuva mufumeli wa wena, Ni nongameto a kuva nwinyi wa wena.

Isaya 61:11

Hakuva khwatsi hi misava yi humesako a zimilwa za yona, Ni kukotisa a simu gi milisako a timbewu ti byelweko ka gona, Hizalezo Hosi Jehova i ta milisa kululama ni kukhesa Mahlweni ka wontihe matiko.

Isaya 62:10

Humani, humani tinyangweni, mu lulamisa a ndlela ya tiko! Bhoxani ndlela, ecanyetani a gonzo, susani maribye; Tlakuselani a mujeke a ka matiko.

Isaya 62:4

U nga ta ha wuliwa lezaku u Loyi a tsikilweko, Ge hambu tiko ga wena ku vitanwa lezaku Wa xiwunza; Kanilezi u ta vitanwa aku Xiranzwa, Ni tiko ga wena gi ta vitanwa aku Khosikazi; Hakuva Jehova wa xalaliswa ha wena, Ni tiko ga wena gi tava ni nuna.

Isaya 62:7

Mu nga mu tsiki a humula Kala a vuxa Jerusalema, a gi maha gi dzunzeka misaveni. Lu. 18:1

Ezekieli 42:20

I lo pima a wutshamu hi mune wa matlhelo. Gi wa renzelekelwe hi khurisi, a kuleha ka gona ku wa hi 500 wa mikono ni kuanama ku wa hi 500 wa mikono. Gi wa hambanyisa xikari ka lexi xi basileko ni lexi xa nyalidede.

Mika 4:3

I ta lamula matiko manyingi, a kawuka a matiko laʼya ntamu ma nga le kule. Va ta betha tisupado tabye ti maha zikomu, a matlhari yabye ma maha tipanga. A tiko ginwe gi nga ta vukela ginwani hi matlhari, cima va nga ta ha gonza kulwa kambe.

Zefania 3:19

A xikhatini lexo nzi ta tlhelisela vontlhe lava va ku hlokisako; nzi ta hanyisa lava va khwitako, nzi tsombanyisa lava va hlongolweko, nzi ta va nyika wudumo va khesiwa, lava a tingana tabye ti nga no fenemete misaveni yontlhe.

Zakaria 2:5

Hakuva mina, ku wula Jehova, nzi tava a ligingisi la nzilo lowu wu ta nga gi bhiyela, nziva kungangamela xikari ka gona.

Zakaria 2:9

Hakuva nzi ta juja a woko ga mina hehla kabye, na vona va ta phangiwa hi malanza yabye; nwina mu ta zi tiva lezaku hi Jehova wa tiyimpi a nzi rumileko.

Zakaria 9:8

Nzi ta ranzela yindlu ya mina hi wugovelo, kasi ku yi vikela ka tiyimpi ti hunzako hambu ku tlhelela kona; ni muxanisi a nga ta ha hunza xikari kabye, hakuva makunu nzi yimile nzi langutela.