Isaya 60:16 - Tshwa Bible

¹⁶ U ta anwa a mafi ya matiko, Ina, u ta anwa a mavele ya tihosi; Zonake u ta zi tiva lezaku mina Jehova nzi Muhanyisi wa wena Ni Mutiruli wa wena, a Nyamintamu wa ka Jakobe.

Isaya 60:16 ပူးပေါင်းရင်းမြစ်များ

Eksodusi 6:7

Mina nzi ta mu teka muva vanhu va mina, mina nziva Nungungulu wa nwina, loyi a mu tlhatlhisileko ka mikhinyavezo ya vaGipite;

Isaya 1:24

Hikwalaho a Hosi Jehova wa tiyimpi, a Nhenha ya ka Israeli, yiku: A, nzi tava ni zigingi hi lavava nzi vengako, nzi ti photela ka valala va mina.

Isaya 12:6

Kanyulukani, mu kwanguluka, nwina vaaki va Zioni, Hakuva ngwa hombe a Basileko wa ka Israeli xikari ka nwina.

Isaya 19:20

Xi tava xikombiso ni wumboni ka Jehova wa tiyimpi lomu tikweni ga Gipite; hakuva va ta rila ka Jehova hi kota ya vatsimbeketi, na yena i ta va rumela a muhanyisi, a muyimeli, loyi a ta nga va tlhatlhisa.

Isaya 25:9

A ka siku lego va taku: Langutani, loyi hi yena Nungungulu wa hina; Hi mu tsumbile, i ta hi ponisa; Hi yena Jehova, loyi hi mu rinzeleko, A hi tsakeleni kuhanyisa kakwe!

Isaya 29:24

Lava a moya wabye wu hambukileko va ta gonza wutlhari, Ni lava va nga kalala va ta kuma wutivi.

Isaya 33:22

Hakuva Jehova hi mulamuli wa hina, Jehova munyiki wa nayo wa hina, Jehova i Hosi ya hina, i ta hi hanyisa.

Isaya 43:11

Mina, hi mina Jehova, A handle ka mina a ku na muhanyisi.

Isaya 45:15

Hizinene u Nungungulu loyi a ti fihlako, O Nungungulu wa ka Israeli, u Muhanyisi.

Isaya 45:21

Tshawutelani mhaka, mu yi humesa, A va xuxe khatiginwe. Himani a nga vumba lezi zilo hi kaleloko, A zi byeletela hi mahlweni? A hi mina Jehova ke? A ku na munwani Nungungulu ahandle ka mina, Hi mina nzoce Nungungulu a lulamileko, tlhelo Muhanyisi.

Isaya 49:23

A tihosi ti tava vawundli va vana va wena, Ni vazinza va tava vaanwisi vabye; Va ta korama lahasi mahlweni ka wena, Va laza a ntshuri wa mikonzo ya wena. Wena u ta zi tiva lezaku nzi mina Jehova, Ni lezaku lava va nzi lavelelako va nga ta wiswa tingana.

Isaya 49:26

A vatsimbeketi va wena nzi ta va gisa nyama yabye, Va ta popiwa hi nkhata wabye wutsumbu, khwatsi hi vinya giswa; Zonake a nyama yontlhe yi ta zi tiva lezaku mina Jehova nzi muhanyisi wa wena, Ni Nyamintamu wa ka Jakobe Mutiruli wa wena.

Isaya 52:6

Hikwalaho a tiko ga mina gi ta tiva a vito ga mina, hikwalaho va ta tiva hi siku gwalego lezaku hi mina loyi nzinge: Nzi mina yena.

Isaya 59:20

A mutiruli i tata le Zioni, Ni ka va ka Jakobe lava va hunzulukako zihambunyetweni zabye, Ku wula Jehova. Rom. 11:28

Isaya 60:17

Wutshanwini ga suku nzi ta neha nzalama, Ni wutshanwini ga xiketse nzi ta neha siliva, A suku wutshanwini ga tisinya Ni xiketse wutshanwini ga ma ribye. Nzi ta veka kurula a kuva mufumeli wa wena, Ni nongameto a kuva nwinyi wa wena.

Isaya 61:6

Kanilezi nwina mu ta chuliwa ku Vapristi va Jehova, Va ta mu vitana lezaku mu Malanza ya Nungungulu wa hina. Mu taga a titshomba ta vamatiko, Ni wukosi gabye gi tava ga nwina.

Isaya 63:16

Kasi u dadani wa hina, Hakuva Abrahama a nga hi tivi, Na Israeli a nga ha hi alakanyi. Wena Jehova, u dadani wa hina, A vito ga wena Mutiruli wa hina wa pinzukelwa.

Isaya 63:8

Hakuva i te ngalo: Hakunene, mbanhu va mina, A vanana va ta nga kala va nga hluwuki; Zinghaho ava muhanyisi wabye.

Isaya 66:14

Mu ta zi wona, a timbilu ta nwina ti tsaka, A marambu ya nwina ma ta kuma ntamu khwatsi lihunga. Zi ta tibyiwa lezaku a woko ga Jehova gi zinwe ni malanza yakwe, Ni lezaku a zangarela a valala vakwe.

Jeremia 15:21

Nzi ta ku ponisa canjeni ga vakubiha, Nzi ku tirula mandleni ya lava va tihanyi.

Ezekieli 34:30

Zonake va ta zi tiva lezaku mina Jehova, a Nungungulu wabye, nzi na vona, ni lezaku vona va yindlu ya ka Israeli mbanhu va mina, ku wula Hosi Jehova.

Kuvululelwa 21:24

A vamatiko va ta famba kuwonekeleni ka wona, ni tihosi ta misava ti neha ka wona a wukosi ga tona. Isa. 60:3, 5, 11

Kuvululelwa 21:26

ku ta nehiwa ka wona a wukosi ni titshomba ta vamatiko.