Isaya 60:14 - Tshwa Bible

¹⁴ A vana va vaxanisi vawena va tata ka wena va ku koramela, Ni vontlhe lava va nga ku nyenya va ta ku khizamela mikonzweni ya wena, Va ta ku vitana lezaku u Muti wa Jehova, A Zioni wa Loyi a Basileko wa ka Israeli.

Isaya 60:14 ပူးပေါင်းရင်းမြစ်များ

Genesisi 27:29

Ngha vanhu va ku tirela, Ni matiko ma korama mahlweni ka wena; Uva hosi ya vamakabye va wena, Ngha a vanana va nyine wa wena va korama mahlweni ka wena. Ngha va rukiwa lava va ku rukako, Va katekiswa lava va ku katekisako.

Genesisi 42:6

Josefa i wa hi mufumeli tikweni ga Gipite, hi yena kambe a nga xavisa ka vanhu va matiko; ni vanakulobye va lota khizama mahlweni kakwe.

Tisimu 46:4

Wu kona a congo lowu a mati ya wona ma nengelisako a muti wa Nungungulu, A wuakelo go basa ga Loyi a Hunzeleleko Kutlakuka.

Tisimu 48:2

Xi sasekile a xitsunga xa Zioni, xi tsakisa a misava yontlhe, Xi le tlhelo ga Nwalungu, a muti wa Hosi ya hombe. Mat. 5:35

Tisimu 87:3

A timhaka ta wudzunzo ta wulawuliwa ha wena, Muti wa Nungungulu. (Sela.) Isa. 2:2; Mika 4:1-4

Mavingu 14:19

A va kubiha va ti koramisa mahlweni ka valulamileko, i va tihanyi le tinyangweni ta valulamileko.

Isaya 1:26

Nzi ta ku tlhelisela a Valamuli vo fanana ni laʼvo ranga, ni manghanakana lawa ma fananako ni ya ku sangula. Zonake u ta vitanwa lezaku u muti wa kululama, a muti wu tsumbekileko.

Isaya 45:14

Jehova e ngalo: A bhinzu ga Gipite ni wukwewu ga Etiopia Na Sabea, a vanhu vo zimuka, zi tata ka wena, zi lumba wena; Va ta ku lanza na va bohilwe mangenje; Va ta korama mahlweni ka wena, Va maha mikhongelo ka wena, vaku: Hakunene Nungungulu i ka wena wece, A ku na munwani Nungungulu.

Isaya 45:23

Nzi hlambanyile hi wutsumbu ganga, A mhaka ya lisine yi humile nonwini wa mina, Leyi yi to kala yi nga tsanzeki: Lezaku a madzolo wontihe ma ta nzi khizamela, Ni tirimi tontlhe ti ta hlambanya ha mina.

Isaya 49:23

A tihosi ti tava vawundli va vana va wena, Ni vazinza va tava vaanwisi vabye; Va ta korama lahasi mahlweni ka wena, Va laza a ntshuri wa mikonzo ya wena. Wena u ta zi tiva lezaku nzi mina Jehova, Ni lezaku lava va nzi lavelelako va nga ta wiswa tingana.

Isaya 62:12

Va ta vitanwa lezaku Mbanhu va basileko, A vatirulwa va Jehova; Na wena u ta wuliwa lezaku u Loyi a labyiwako, A muti wu nga tsikiwiko.

Jeremia 16:19

O Jehova, ntamu wa mina ni khokhola ga mina, Ni wuponelo ga mina sikwini ga kuxaniseka, A matiko ma tata ka wena hi le magunweni ya misava, maku: A vadadani va gile tshomba ya mawunwa ntsena, A zifananiso za hava, zi nga vuniko nchumu. Isa. 2:2; Zak. 8:20

Ezekieli 36:15

Nzi nga ta ku tsika uzwa kambe a xiruko xa matiko, hambu ku rwala a nzhukano ya vanhu; u nga ta khunguvanyisa a tiko ga wena kambe, ku wula Hosi Jehova.

Ezekieli 39:7

Nzi ta maha a vito ga mina ga kubasa gi tibyiwa xikari ka tiko ga mina Israeli; cima nzi nga ta ha tsika a vito ga mina ga kubasa gi nyenyeziswa kambe. A matiko ma ta zi tiva lezaku hi mina Jehova, Loyi wa ku Basa wa ka Israeli.

Joeli 3:8

Nzi ta xavisa a vafana va nwina ni vanhanyana va nwina mandleni ya vana va Juda, vonawu va va xavisa mandleni ya va le Xeba, va nga va tiko ga le kule; hakuva Jehova i wulile lezo.

Zefania 3:19

A xikhatini lexo nzi ta tlhelisela vontlhe lava va ku hlokisako; nzi ta hanyisa lava va khwitako, nzi tsombanyisa lava va hlongolweko, nzi ta va nyika wudumo va khesiwa, lava a tingana tabye ti nga no fenemete misaveni yontlhe.

Zakaria 8:23

Jehova wa tiyimpi i ngalo: Masikwini lawo khume ga Vavanuna va tirimi ti tsalangeneko ta matiko, va ta khomelela nzhungweni wa nguwo wa muJuda, vaku: Hi ta famba na nwina, hakuva hi zwile lezaku Nungungulu i na nwina.

Maheberu 12:22

Kanilezi nwina mu tile xitsungeni xa Zioni, ni le mutini wa Nungungulu a hanyako, a Jerusalema ga le tilweni, ni ka tingelosi ti nga hlayiwiko, Fil. 3:20; Kuv. 3:12

Kuvululelwa 14:1

Zonake nzi lo cuwuka nzi wona Yivana na yi yimile xitsungeni xa Zioni, na yi hi ni 144,000 lava va tsalilweko a vito ga yona ni vito ga Dadani wa yona laha zimombyeni zabye. Xip. 7:3, 4; 5:6

Kuvululelwa 3:12

Loyi a hlulako nzi ta mu maha mhanze tempeleni ya Nungungulu wa mina, zonake a nga ta huma kona kambe. Nzi ta tsala hehla kakwe a vito ga Nungungulu wa mina, ni vito ga muti wa Nungungulu wa mina, ga Jerusalema giswa, legi gi relelako hi le tilweni ka Nungungulu wa mina, ni vito legi giswa ga mina wutsumbu. Xip. 22:4; 1 Tih. 7:21; Maheb. 12:22

Kuvululelwa 3:9

Nzi ta ku nyika vanwani va sinagoga ga Satani, lava va hembako va ti wula ku ngalo vaJuda, na va nga hi vona; nzi ta va maha va ku khizamela mikonzweni ya wena, va ta zi tiva lezaku nzi ku ranzile. Isa. 49:23; 60:14