Isaya 60:13 - Tshwa Bible

¹³ A wukosi ga Lebanoni gi tata ka wena, A kipres ni pinyero ni seringa khatiginwe, Kasi ku bombisa a wutshamu ga mina gi basileko; Nzi ta ngangamelisa a wutshamu legi ku yimileko ka gona a milenge ya mina.

Isaya 60:13 ပူးပေါင်းရင်းမြစ်များ

1 Kronekele 28:2

Zonake hosi Davida i lo yima hi mikonzo yakwe, aku: Nzi ingiseni nwina vanakulori, na nwina vanhu va mina! Nzi wa xuvile ku aka a yindlu ya arke ga xivumelwano xa Jehova, ni xikhegetelo xa mikonzo ya Nungungulu wa hina, a yindlu ya kuhumula. Nzi longisile a zilo zo aka ha zona.

2 Kronekele 2:15

Makunu ngha a hosi yanga yi rumela ka malanza ya yona a mavele, ni sevada, ni mafura, ni vinya, a zilo lezi yi zi wulileko.

Ezra 7:27

A ku bongiwe Jehova Nungungulu wa vadadani va hina, loyi a vekileko a timhaka ta ku nghahi mbilwini ya hosi, ta ku dzunza a yindlu ya Jehova le Jerusalema,

Tisimu 132:7

A hi yeni tendeni gakwe, Hi ya khozela xikhegetelweni xa mikonzo yakwe.

Tisimu 96:6

A wudzunzo ni wukulu gi le mahlweni ka yena, A ntamu ni wumbhuri zi lomu ndlwini yakwe ya kubasa.

Tisimu 99:5

Kulisani Jehova, a Nungungulu wa hina, Khizamani xitsikelweni za mikonzo yakwe; I basile.

Isaya 35:2

Ma ta pfepfa ku hunza mpimo, Ma bhuma hi litsako ni kuyimbelela; Ma ta nyikiwa a wukosi ga Lebanoni, Ni kunona ka Karmeli na Xaroni. Va ta wona a wukulu ga Jehova, ni wukenikeni ga Nungungulu wa hina.

Isaya 55:13

A wutshanwini ga mizwa ku ta mila kipres, Ni wutshanwini ga zigetlwani ku ta huma a mirta; Zi ta zwakalisa a vito ga Jehova, Zi tava xikombiso xa pinzukelwa xi to kala xi nga vinyiwi,

Isaya 60:7

A mitlhambi yontlhe ya le Kedare yi ta tsomhanyiswa ka wena, A tihamba ta Nebaiote ti ta ku tirela; Ti ta humesiwa ganzelweni ga mina khwatsi hi munyikelo wu khesekako, Nzi sasekisa a yindlu ya wukulu ga mina.

Isaya 66:1

Jehova wa wula, aku: A tilo xitshamu xa mina xa wuhosi, A misava xikhegetelo xa mikonzo ya mina. I yindlu ya kuyini mu ta nga nzi akela yona, Wutshamu muni gi ta ngava wuhumulelo ga mina ke? 1 Tih. 8:27; Mat. 5:34; Miti. 7:48

Ezekieli 47:7

Laha nzi nga wuya nzi lo wona tisinya to tala laha mbhirini ya congo hi tlhelo ga seno ni ga seniya.