Isaya 60:12 - Tshwa Bible

¹² Hakuva a tiko ni mufumo wu to kala wu nga ku tireli wu ta lova, Ina, a matiko lawo ma ta hahlulwa maku bhi!

Isaya 60:12 ပူးပေါင်းရင်းမြစ်များ

Genesisi 27:29

Ngha vanhu va ku tirela, Ni matiko ma korama mahlweni ka wena; Uva hosi ya vamakabye va wena, Ngha a vanana va nyine wa wena va korama mahlweni ka wena. Ngha va rukiwa lava va ku rukako, Va katekiswa lava va ku katekisako.

Tisimu 108:13

Hi xivuno xa Nungungulu hi ta hlula, Hi yena a ta nga kanzihela a valala va hina.

Tisimu 2:12

Khizamelani a nisanyana kasi a nga zangari, Mu lova ndleleni ya nwina; Hakuva a nga zangara lokuloku. Va katekile vontlhe va chavelako ka yeng. Tis. 34:9; Isa. 30:18; Jer. 17:7

Isaya 14:2

A vamatiko va ta va teka, va va yisa kaya kabye; kanilezi a yindlu ya ka Israeli yi ta va fumela lomu tikweni ga ka Jehova, va maha malanza ya xinuna ni ya xisati. Va ta mahiwa tikhumbi hi lava va nga hi tikhumbi tabye, va fumela lava va nga va xanisa.

Isaya 41:11

Languta, vontlhe lava va ku zangareleko va tawa tingana, va hakaseka; Lava va holovako na wena va nga ta kuva nchumu, va ta lobyiswa.

Isaya 54:15

Languta, va nga ku xiyelela, kanilezi a ziti hi ka mina; Ni wihi loyi a ku xiyelelako i tawa mahlweni ka wena.

Jeremia 12:17

Kanilezi loku va nga ingisi, nzi ta tsuwula a tiko legi gi lova, ku wula Jehova.

Danieli 2:34

Na wa ha xi cuwukisa, ku lo lemuka a ribye, na ku nga hi mandla ya munhu, gi ta wela hehla ka mikonzo ya xona, leyi ya xiketse xi vuvilweko ni wumba, gi yi fayetela fufanyi.

Danieli 2:35

Zonake a xiketse, ni wumba, ni suku, ni siliva, ni nzalama zi lo fayetelwa zinwe, ziku khwatsi muhungu laha xihulweni xa ximumu. A mheho yi lo zi kukuleta lezaku zi nga ha kumeki. A ribye legi gi ngaba a xifananiso gi lo maha a xitsunga xa hombe, gi tatisa a misava yontlhe.

Danieli 7:18

Kanilezi a vobasa va Loyi a Hunzeleleko Kutlakuka va ta nyikwa mufumo va fuma kala kupinzuka ni kupinzuka.

Danieli 7:27

A mufumo ni ntamu ni wukulu ga mifumo yontlhe lahasi ka tilo zi ta nyikiwa a tiko ga vobasa va Loyi a Hunzeleleko Kutlakuka. A mufumo wakwe ngwa simasima, a matiko wontihe ma ta mu tirela ma mu ingisa.

Zakaria 9:10

Nzi ta fuvisa a tikareta lomu Efraime, ni mahaxi le Jerusalema, ni mawura ya yimpi ma ta fuviswa. I ta wulawula kurula a ka mifumo; a kufuma kakwe ku ta sukela bimbini ginwe kala ka ginwani, ni kusukela Congweni kala magemetamusi ya misava.

Mateu 21:44

Loyi a ta ngawa hehla ka ribye legi i ta pswhandleka zipanzana; kanilezi loyi gi ta ngawa hehla kakwe gi ta mu silisisa. Isa. 8:15; Lu. 20:18; Rom. 9:33

Luka 19:27

Kanilezi a valala va mina, lava va nga kala va nga zi ranzi aku ngha nzi fuma hehla kabye, va neheni laha, mu va daya mahlweni ka mina.