Isaya 60:10 - Tshwa Bible

¹⁰ A vamatiko va ta aka ligingisi la wena, Ni tihosi tabye ti ta ku tirela. Kunene nzi ku bile zangeni ya mina, Kanilezi hi kota ya tipswalo ta mina nzi ku rivalele.

Isaya 60:10 ပူးပေါင်းရင်းမြစ်များ

Tisimu 102:13

Wena u ta vuka u mahela wuxinji Zioni, Hakuva makunu xikhati xa ku mu tsetselela; Futsi, a xikhati xi yimisilweko xi chikele.

Tisimu 30:5

Hakuva a zanga yakwe nja xikhatanyana ntsena, Kanilezi a thomo gakwe gi enela kuhanya kontlhe. A kurila ku ngava kona laha gambyeni, Kanilezi laha mixweni kuva kona litsako. Isa. 54:7; Joh. 16:20; 2 Kor. 4:17

Isaya 12:1

A ka siku lego u taku: O Jehova, nza ku bonga! Hambu lezi u nga nzi zangarele, Kanilezi a zanga ya wena yi bohlile, U tlhela u nzi chavelela.

Isaya 49:23

A tihosi ti tava vawundli va vana va wena, Ni vazinza va tava vaanwisi vabye; Va ta korama lahasi mahlweni ka wena, Va laza a ntshuri wa mikonzo ya wena. Wena u ta zi tiva lezaku nzi mina Jehova, Ni lezaku lava va nzi lavelelako va nga ta wiswa tingana.

Isaya 56:6

Ni vamatiko lava va ta nga namarela ka Jehova, Va mu tirela, va ranza a vito ga Jehova, Va maha malanza yakwe, Vontlhe lava va hlayisako a sabado, va nga gi nyenyezisi, Va hlayisa a xivumelwano xa mina,

Isaya 60:3

A matiko ma ta famba kuwonekeleni ka wena, Ni tihosi ti ta famba kuhatimeni ka kuvuka ka wena. Lu. 2:32; Kuv. 21:24

Isaya 61:2

Ni ku tlhatlhambutela a lembe ga tipswalo ta Jehova, Ni siku ga ku ti photela ka Nungungulu wa hina: A ku chavelela vontlhe lava va rilako; Mat. 5:4; Lu. 6:21

Isaya 61:5

A vamatiko va tava kona va gisa mitlhambi ya nwina, Ni valuveli va tava varimi va nwina ni vahlayisi va zivina za nwina.

Isaya 64:9

U nga zangari ku hunzisa, O Jehova, U nga hi alakanyeli kugoha kala kupinzuka! Kanilezi alakanya lezaku hina hontlhe hi vanhu va wena.

Isaya 66:21

Ni xikari ka vonawu nzi ta teka lava va ta ngava vapristi ni vaLevi, ku wula Jehova. 1 Ped. 2:5

Joeli 2:18

Zonake Jehova i lo pangamela a tiko gakwe, a hawukela a vanhu vakwe.

Zakaria 6:15

Lava va nga le kule va tata va ta aka a tempeli ya Jehova; zonake nwina mu ta zi tiva lezaku nzi rumilwe ka nwina hi Jehova wa tiyimpi. Lezi zi ta maheka loku hakunene mu ingisa a gezu ga Jehova a Nungungulu wa nwina.

Kuvululelwa 21:24

A vamatiko va ta famba kuwonekeleni ka wona, ni tihosi ta misava ti neha ka wona a wukosi ga tona. Isa. 60:3, 5, 11

Kuvululelwa 21:26

ku ta nehiwa ka wona a wukosi ni titshomba ta vamatiko.